聖經閱讀

版本選擇有地理

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

馬可福音四福音合參線上收聽:中文和合本現代中文譯本修訂版現代台語台語聖經台語(長老會傳播中心授權）客語現代客語粵語和合本希臘文(WH-NT) 下載檔案關於語音聖經

3:1

I-é-su i hó khôe-chhiú ê Lâng

( Mt 12: 9-14; Lk 6: 6-11)

I-é-su koh ji̍p-khì hōe-tn̂g; tī hia ū chi̍t-ê khôe-chhiú ê lâng.
3:2 Ū chi̍t-kóa lâng tán teh khòaⁿ I-é-su tī An-hioh-ji̍t ū beh i-tī chit-ê lâng á-bô; ì-sù sī ài beh kā I kò.
3:3 I-é-su chiū kā khôe-chhiú ê kóng, " Lâi khiā tòa tiong-ng. "
3:4 Jiân-āu mn̄g kûn-chiòng kóng, " An-hioh-ji̍t chò hó tāichì á-.sī chò pháiⁿ tāichì; kiù lâng ê sèⁿ-miā á-.sī hāi lâng ê sèⁿ-miā, tó chi̍t hāng khah ha̍p-hoat? " In lóng tiām-tiām bô ìn pòaⁿ-kù.
3:5 I-é-su siū-khì, chi̍t-ê chi̍t-ê kā in khòaⁿ, ūi tio̍h in ê sim ngē iu-būn. I chiū tùi hit-ê lâng kóng, " Kā lí ê chhiú chhun chhut-.lâi. " Hitê lâng chi̍t ē kā chhiú chhun chhut-.khì, chhiú chiū ho̍k-goân.
3:6 Hoa-lí-sái phài ê lâng chiū tùi hōe-tn̂g chhut-.khì, sûi-sî kah He-lo̍t tóng ê lâng chò-hóe kè-bô͘, khòaⁿ thang án-chóaⁿ lâi hāi-sí I-é-su.
3:7

I-pēⁿ koh Kóaⁿ chhut Siâ-sîn

I-é-su kah bûn-tô͘ thè-khì Ga-lí-la-iah ô͘-piⁿ, ū chi̍t tōa-tīn Ga-lí-la-iah lâng tòe I khì.
3:8 Mā ū chi̍t-tōa-tīn lâng thiaⁿ tio̍h I-é-su só͘ chò ê tāichì, chiū tùi Iô-tá-iah, Ê-lú-sa-lèm, Î-tó͘-má-iah, Iol-tàn hô gōa kah Tu-lô, Si-tòng kéng lāi lâi chhōe I.
3:9 In-ūi lâng e-e-tīn-tīn chin chē, I-é-su chiū hoan-hù bûn-tô͘ tio̍h chún-pī chi̍t chiah chûn-á lâi hō͘ i chē, chiah bián-tit hō͘ lâng kā I kheh píⁿ khì.
3:10 In-ūi I-é-su ū i hó chin chē pēⁿ-lâng, só͘-í, ū pēⁿ ê lâng lóng pek óa-lâi ài beh kā I bong.
3:11 Hiahê siâ-sîn chi̍t-ē khòaⁿ tio̍h I-é-su chiū phak tī I ê bīn-chêng, tōa-siaⁿ hoah, " Lí sī Siōng-tè ê Kiáⁿ. "
3:12 I-é-su chia̍p-chia̍p kéng-kài in, m̄ thang kong-khai kóng-khí I ê tāichì.
3:13

I-é-su Siat-li̍p Cha̍p-jī Sù-tô͘

( Mt 10: 1-4; Lk 6: 12-16)

I-é-su chiūⁿ soaⁿ, tiàu-chi̍p I só͘ kah-ì ê lâng. In chiū lâi-kàu I hia.
3:14 I chiū siat-li̍p cha̍p-jī lâng chò I ê sù-tô͘, thang kah I tiāⁿtiāⁿ chò-hóe, mā thang chhe in khì soan-iông tō-lí;
3:15 I koh hō͘ in ū kóaⁿ kúi-ê koân-pèng.
3:16 Cha̍p-jī lâng to̍h-sī, Sí-mòng, I-é-su kā i hō-chò Piat-tò͘.
3:17 Koh ū Che-beh-tái ê kiáⁿ Iâ-kop kah i ê hiaⁿ-tī Iô-há-neh; I-é-su kā chit nn̄g-ê lâng hō-chò Boánne-ge̍h, ì-sù to̍h-sī " Lûi-kong ê kiáⁿ".
3:18 Koh ū An-to-le̍h, Hui-li̍p-pò͘, Ba-tho-lô-mái, Má-thài, Tho-má-suh, Al-hoa-ioh ê kiáⁿ Iâ-kop, That-tái kah Kek-chìn-tóng oân ê Sí-mòng,
3:19 Í-ki̍p hit-ê chhut-bē I-é-su ê Ka-lio̍k lâng Iô-tah.
3:20

Tùi I-é-su ê Gō͘-kái

( Mt 12: 22-32; Lk 11: 14-23; 12: 10)

I-é-su tńg-khì chhù-.ni̍h. Chèng lâng koh chū-chi̍p óa-.lâi, I-é-su kah bûn-tô͘ soah bē kò͘-tit chia̍h pn̄g.
3:21 I ê chhin-lâng thiaⁿ-.tio̍h, chiū chhut-lâi beh kā I lia̍h-teh, in-ūi ū lâng kóng I ê cheng-sîn sit-siông.
3:22 Tùi Ê-lú-sa-lèm lo̍h-.lâi ê keng-ha̍k kàu-su kóng, " I sī hō͘ kúi-ông Be̍h-che-bul hū-sin. " In koh kóng, " I sī óa-khò hit-ê kúi-ông lâi kóaⁿ kúi. "
3:23 I-é-su kiò in lâi, chiū ēng phì-jū kā in kóng, " Sa-tán ná ē kóaⁿ Sa-tán?
3:24 Kok-ka nā hun-cheng lāi-loān, hit-ê kok-ka it-tēng ē bia̍t-bông.
3:25 Ka-têng nā khí hun-cheng, hit-ê ka-têng mā it-tēng khiā bē tiâu.
3:26 Sa-tán nā kakī hō͘-siōng kong-kek, i mā sī khiā bē tiâu, it-tēng ē bia̍t-bông.
3:27 Bô lâng ē-tàng ji̍p-khì ióng-sū ê chhù lâi chhiúⁿ i ê châi-bu̍t, tio̍h tāi-seng kā hit-ê ióng-sū pa̍k khí-.lâi, jiân-āu chiah ē-tàng kiap i chhù lāi ê châi-bu̍t.
3:28 Góa si̍t-chāi kā lín kóng, sè-kan lâng bô-lūn hoān siáⁿ-mi̍h chōe, kóng siáⁿ-mi̍h húi-pòng ê ōe, lóng ē tit tio̍h sià-bián.
3:29 To̍k-to̍k bô-lūn siáⁿ lâng siat-to̍k Sèng Sîn, i choa̍t-tùi bē tàng tit tio̍h sià-bián, in-ūi i sī hoān tio̍h éng-oán bē tàng sià-bián ê chōe. "
3:30 I-é-su kóng chiahê ōe, sī in-ūi ū lâng kóng, " I hō͘ siâ-sîn hū-sin. "
3:31

I-é-su ê Lāu-bú kah Hiaⁿ-tī

( Mt 12: 46-50; Lk 8: 19-21)

I-é-su ê lāu-bú kah I ê hiaⁿ-tī lâi khiā tī gōa-bīn, chhe lâng khì kiò I.
3:32 Kûn-chiòng chē tī I-é-su ê sì-kho͘-ûi, ū lâng kā I kóng, " Lí khòaⁿ, Lí ê lāu-bú kah Lí ê hiaⁿ-tī tī gōa-bīn beh chhōe Lí. "
3:33 I-é-su ìn kóng, " Siáⁿ lâng sī góa ê lāu-bú, góa ê hiaⁿ-tī? "
3:34 Jiân-āu I chiū kā hiahê chē tī I sì-kho͘-ûi ê lâng khòaⁿ chi̍t liàn, kóng, " Lín chiahê to̍h-sī góa ê lāu-bú kah góa ê hiaⁿ-tī.
3:35 Chun-chiàu Siōng-tè chí-ì ê lâng to̍h-sī góa ê hiaⁿ-tī, chí-mōe kah lāu-bú. "

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他
和合本和合本2010現代中文譯本1995版現代中文譯本2019版新譯本中文標準譯本恢復本思高譯本呂振中譯本NET聖經中譯本聖經公會四福音書共同譯本深文理和合本新遺詔聖經原文直譯(參考用)ESVKJVBBEWEBASVDarbyERV新約原文現代台語2021版漢字現代台語2021版全羅聖經公會巴克禮台漢本現代台語2013版全羅現代台語2013版漢字紅皮聖經全羅紅皮聖經漢羅巴克禮全羅巴克禮漢羅聖經公會現代客語全羅聖經公會現代客語漢字汕頭客語聖經全民台語聖經全羅全民台語聖經漢羅全民台語聖經Ruby印尼聖經越南聖經俄文聖經韓文聖經日語聖經聖經公會布農語聖經卑南語多納魯凱語馬可福音茂林魯凱語馬可福音萬山魯凱語馬可福音聖經公會泰雅爾語聖經聖經公會鄒語聖經聖經公會魯凱語聖經賽德克族Tgdaya語聖經公會阿美語1997聖經公會阿美語2019聖經公會太魯閣語聖經聖經公會達悟語新約聖經藏語聖經武加大譯本新武加大譯本官話和合本北京官話譯本文理和合本淺文理和合本王元德官話譯本俄羅斯正教文理譯本白日昇徐約翰文理譯本神天聖書文理委辦譯本施約瑟淺文理譯本馬殊曼譯本高德譯本胡德邁譯本粦為仁譯本徐匯官話新譯福音王多默聖史宗徒行實蕭舜華官話四人小組譯本聖保祿書翰並數位宗徒涵牘德如瑟四史聖經譯註郭實臘新遺詔書和舊遺詔聖書宗徒大事錄和新經譯義馬相伯救世福音俄羅斯正教新遺詔聖經卜士傑新經公函與默示錄太平天國文理譯本許彬文四史全編

各聖經譯本著作權如版權說明。

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。