馬太福音 四福音合參 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 粵語和合本 希臘文(WH-NT) 下載檔案 關於語音聖經
12:1 Tī安息日摘麥穗
(可2：23-28；路6：1-5)
Hit時，耶穌tī安息日tùi麥園經過；祂ê門徒腹肚iau，就摘麥穗來食。
12:2 法利賽派ê人看tioh8to̍h對耶穌講：「祢看，祢ê門徒做安息日無應該做ê tāichì。」
12:3 耶穌to̍h應in講：「大衛kah跟tòe ê人腹肚iau ê時所做ê tāichì，lín kám無讀tio̍h？
12:4 to̍h是大衛入上帝ê殿，食祭壇頂ê餅；這m̄是伊kah跟tòe ê人所thang食ê，kantaⁿ祭司chiah ē tàng食。
12:5 Á是lín kám m̄ bat讀tio̍h律法所記載，當安息日，祭司tī聖殿犯tio̍h安息日ê規矩mā算是無罪？
12:6 Taⁿ我kā lín講，tī chia有比聖殿koh khah重要ê。
12:7 總是，lín若知有記載講：『我ài憐憫，無ài祭物』(註：何6：6) chit句話ê意思，to̍h bē kā無罪ê人定罪。
12:8 因為人子是安息日ê主。」
12:9 Tī安息日醫病
(可3：1-6；路6：6-11)
耶穌離開hia，入去in ê會堂；
12:10 Tú好有一个瘸手ê人tī hia。有一kóa人想beh chhōe孔縫來告耶穌，to̍h問祂講：「安息日醫病kám有照律法ê規定？」
12:11 耶穌應講：「Lín中間有人一隻羊tī安息日跋落坑，伊kám bē kā牠giú起來？
12:12 何況人比羊加gōa-ni̍h貴重！所以，安息日做好事是合律法ê。」
12:13 耶穌to̍h對hitê人講：「你手伸出來！」伊一下伸手，手to̍h隨時復原，親像另外hit支手。
12:14 法利賽派ê人出去，做伙計謀beh án怎來害死耶穌。
12:15 上帝揀選ê奴僕
耶穌知影in ê計謀，to̍h離開hia；有真chē人tòe祂去，祂kā in中間所有ê病人醫好。
12:16 耶穌命令in m̄ thang宣揚祂ê tāichì。
12:17 這是beh應驗以賽亞先知所講ê話：
12:18 你看，我所揀ê奴僕，我所疼ê，我所kah意ê；我beh kā我ê聖神賜hō͘祂，祂beh對萬民宣告我ê公義。
12:19 祂無beh爭論，無beh大聲喧嚷；tī街路無人聽tio̍h祂ê聲。
12:20 受傷ê蘆竹，祂無beh at斷；beh hoa ê燈火，祂mā無beh pûn熄，一直到祂hō͘公義得勝。
12:21 萬民lóng ē仰望祂ê名。
12:22 耶穌kah 別西卜
(可3：20-30；路11：14-23；12：10)
Hit時，有人chhōa一个hō͘邪神附身，chheⁿmê koh啞口ê人來見耶穌。祂to̍h kā伊醫好，hō͘啞口ê講話，koh ē看見。
12:23 眾人lóng tio̍h驚kah gāng去，講：「Chitê人kám m̄是大衛ê kiáⁿ孫？」
12:24 M̄ koh，法利賽派ê人聽tioh8to̍h講：「Chitê人只不過是靠鬼王別西卜 teh趕鬼。」
12:25 耶穌知影in ê心思，to̍h kā in講：「國家若kakī 內亂，to̍h ē致使拋荒；城市á是家庭若kakī 起紛爭，一定khiā bē tiâu。
12:26 若撒旦趕撒旦，是kakī 紛爭，伊ê王國kám khiāē tiâu？
12:27 我若是靠別西卜 teh趕鬼，lín ê子弟趕鬼是óa靠啥人？Án-ne，into̍h ē質疑lín。
12:28 獨獨我是óa靠上帝ê聖神teh趕鬼，ánne，上帝國度to̍h來到lín中間à。
12:29 人tio̍h án怎chiah ē tàng入去勇士ê厝搶伊ê財物？Kám m̄是tio̍h tāi先kā hitê勇士縛起來？
12:30 無kah我同心ê，to̍h是反對我；無kah我同工ê，to̍h是teh破壞。
12:31 褻瀆聖神
所以，我kā lín講，人一切ê罪惡kah譭謗，lóngē得tio̍h赦免；獨獨褻瀆聖神ê，bē tàng赦免。
12:32 人若講話攻擊人子ê，iáuē得tio̍h赦免；獨獨若是講話攻擊聖神ê，tī今世á是來世，lóng bē tàng得tio̍h赦免。」
12:33 樹kah果子
(路6：43-45)
「好樹結好果子，pháiⁿ樹結pháiⁿ果子；看所結ê果子to̍h ē tàng知影樹ê好pháiⁿ。
12:34 Lín chiahê毒蛇，lín明明是pháiⁿ ê，ná ē講好話？因為人心內充滿啥物，嘴to̍h ē講出啥物。
12:35 好人tùi所積聚ê好來顯出良善；pháiⁿ人tùi所積聚ê pháiⁿ來顯出邪惡。」
12:36 「我kā lín講，人所講ê閒á話，tī審判ê日子，ta̍k句lóng tio̍h負責。
12:37 因為上帝beh根據你ê話來定你有罪á是無罪。」
12:38 要求神跡
Hit時，有幾nā个經學教師kah法利賽派ê人對耶穌講：「老師，阮ài看祢行一个神跡。」
12:39 耶穌應講：「惡毒姦淫ê世代想beh要求神跡；除了約拿先知ê神跡以外，bē koh有神跡hō͘ in。
12:40 Tú親像約拿三日三暝tī大魚ê腹肚內，(註：拿1：17)人子mā beh ánne三日三暝tī深土內。
12:41 Tī審判ê日子，尼尼微人beh kah chit世代ê人做伙活起來，kā chit世代ê人定罪；因為in聽tio̍h約拿ê傳道來悔改；何況tī chia有比約拿khah偉大ê。
12:42 Tī審判ê日子，南方ê女王ē kah chit世代ê人做伙活起來，kā chit世代ê人定罪；因為她有tùi地ê極頭來聽所羅門智慧ê話；何況tī chia有比所羅門khah偉大ê。」
12:43 邪神倒Tńg來
(路11：24-26)
邪神離開附身ê人，to̍h tī無水ê地區beh chhōe一个歇睏ê所在，m̄ koh，lóng chhōe無。
12:44 伊to̍h講：『我beh tńg去我出來ê厝。』伊一下到位，to̍h看見厝內空空，拚掃kah真清氣，mā整理kah真好勢。
12:45 後來，伊koh出去chhōa七个比kakī khah pháiⁿ ê邪神，入去hia做伙tòa；ánne，hitê人ê結局比起頭koh khah慘。Chitê邪惡ê世代mā ē親像ánne。
12:46 耶穌ê老母kah兄弟
(可3：31-35；路8：19-21)
耶穌iáu teh對群眾講話ê時，tú好祂ê老母kah祂ê兄弟khiā tī外面，ài beh kah祂講話。
12:47 有人kā耶穌講：「祢看，祢ê老母kah祢ê兄弟khiā tī外面，ài beh kah祢講話。」
12:48 耶穌應hitê人講：「啥人是我ê老母？啥人是我ê兄弟？」
12:49 然後伸手kí祂ê門徒講：「你看，我ê老母kah我ê兄弟。
12:50 實行我天父ê旨意ê人，to̍h是我ê兄弟、姊妹kah老母。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。