阿摩司書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 提哥亞牧者中間ê阿摩司ê話。Chiahê話to̍h是tī偤大王烏西亞年間，to̍h是以色列王約阿施（註：原譯本根據「深文理委辦譯本」譯做「Iok-hat」）ê kiáⁿ耶羅波安ê年間，地動以前兩年，所看tio̍h關係以色列ê tāichì。
1:2 阿摩司講：上主對錫安大聲hoah，對耶路撒冷發出祂ê聲；牧者ê草場悲哀；迦密ê山頂乾去。
1:3 上帝對以色列隔壁國ê審判
（1:3-2:5）
對亞南ê審判
上主ánne講：「為tio̍h大馬士革犯罪到第三pái，mā ē到第四pái，我無beh免除對她ê刑罰；因為伊用phah五穀ê鐵器phah基列。
1:4 我beh降火tī哈設ê家，燒滅便哈達ê宮殿。
1:5 我beh斬斷大馬士革ê門閂，剪除亞捫平原ê人民，kah Bia̍t-e-tiān掌權柄ê。亞南人ē受掠去到吉珥。這是上主講ê。」
1:6 對腓利士ê審判
上主ánne講：「為tio̍h迦薩犯罪到第三pái，mā到第四pái，我無beh免除對她ê刑罰；因為in掠kui族ê人民交hō͘以東。
1:7 我beh降火tī迦薩ê城牆，kā它ê宮殿燒滅掉。
1:8 我beh剪除亞實突ê人民kah亞實基倫掌權柄ê，mā beh oa̍t-tńg身來攻擊以革倫。腓利士人所chhun落來ê會 lóng滅亡。這是至koân上主講ê。」
1:9 對推羅ê審判
上主ánne講：「為tio̍h 推羅犯罪到第三pái，mā到第四pái，我無beh免除對她ê刑罰；因為in kā kui族ê人民交hō͘以東，mā bē記得兄弟ê盟約。
1:10 我beh降火tī推羅ê城牆，kā她ê宮殿燒滅掉。」
1:11 對以東ê審判
上主ánne講：「為tio̍h以東犯罪到第三pái，mā到第四pái，我無beh免除對她ê刑罰；因為伊gia̍h刀jiok伊ê兄弟，lóng無憐憫，伊ê受氣猛烈，發出來to̍h無soah，永遠khǹg受氣。
1:12 我beh降火tī提幔，kā波斯拉ê宮殿燒滅掉。」
1:13 對亞捫ê審判
上主ánne講：「為tio̍h亞捫族犯罪到第三pái，mā到第四pái，我無beh免除她ê刑罰；因為in破開基列有娠孕ê chabó͘人，beh開闊in ê境界。
1:14 我beh tī交戰喝喊 ê日子，捲螺á風ê狂風日子，起火tī拉巴ê城牆，kā她ê宮殿燒滅掉。
1:15 In ê王kah伊hiahê首領會做一下hō͘人掠去。這是上主講ê。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。