但以理書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
11:1 南方ê王kah北方ê王
當瑪代王—大利烏元年，我khiā起來，hō͘伊堅固勇壯。
11:2 Hitê天使講：「Taⁿ我kā真實ê tāichì指示你。你看，波斯ē koh有三个王興起，第四个會真好額，贏過其他hiahê王。伊túi伊ê好額成做強猛ê時，to̍h ē激動眾人來攻擊希臘國。
11:3 「然後ē有一个勇猛ê王起來，用大權來治理，照kakī ê意思來行。
11:4 伊興起ê時，伊ê國會分裂，ǹg天ê四面ê方向分開，總是，無歸伊ê kiáⁿ孫，mā bē比得伊以前所掌ê權；因為伊ê國會tú tio̍h受拔起來，歸tī伊ê kiáⁿ孫以外ê別人。
11:5 「南方ê王會強猛，總是，伊ê大臣中間ē有一个比伊khah強猛，得tio̍h權，伊ê權會成做真大ê權。
11:6 過幾nā年後，in ē相聯合，南方ê國ê chabó͘ kiáⁿē來見北方ê王，ài beh立盟約；總是，chitê chabó͘ kiáⁿ幫贊ê力bē tàng久長，chitê王kah她幫贊ê力bē tàng存在。而且chitê chabó͘ kiáⁿ kah chhōa她來ê、生伊ê kah當時扶助伊ê，lóng ē hong5thâi死。
11:7 總是，chitê chabó͘ kiáⁿ ê本家ē koh出一个來續接王位，伊ēchhōa軍隊來，進入北方ê王ê險要所在，攻擊in，kohthâi贏in；
11:8 mā kā in ê神明kah所鑄ê偶像，以及銀金ê寶器搶掠到埃及。幾nā年久，伊lóng無koh去攻擊北方ê王。
11:9 北方ê王會入去南方ê王ê國，總是，會猶原倒tńg去伊ê本所在。
11:10 「伊hiahê kiáⁿ會去交戰，招集真chē軍隊。In會進前，親像水氾濫tùi hia經過，然後koh去交戰，直到對敵ê險要所在。
11:11 南方ê王會大受氣，出來kah北方ê王交戰；北方ê王會排列大軍隊，總是，大軍隊會交付tī南方ê王ê手。
11:12 南方ê王除去大軍隊了後，心就驕傲；伊雖然hō͘幾nā萬人倒落去，究竟無得tio̍h khah贏。
11:13 「北方ê王倒tńg來，beh koh排列大軍隊，比以前ê koh khah chē。過幾nā年後，伊ē帶大軍隊kah真chē軍事裝備來。
11:14 Hit時，ē有真chē人起來攻擊南方ê王，而且你ê人民中間強暴ê人mā ē起來，ài beh hō͘異象得tio̍h應驗，總是，inē敗亡。
11:15 北方ê王ē來，mā ē起土堆來征服堅固ê城；南方ê軍隊會khiā bē tiâu，伊所揀ê人民mā無力thang khiā-tiâu。
11:16 總是，來攻擊伊ê會chhut-chāi kakī ê意思來行，無人tī伊ê面前khiāē tiâu。伊ēkhiā tī榮耀ê地，伊ê手行剿滅。
11:17 「伊決意beh用全國ê力來，mā有正直ê人kah伊來，伊ē照kakī 意思行，koh ē用chabó͘人ê chabó͘ kiáⁿ hō͘南方ê王，beh kā伊敗壞，總是，伊ê計劃bē成立，mā無做伊ê利益。
11:18 Hit時了後，伊ēoa̍t-tńg身ǹg hiahê島嶼，真chēē hō͘它征服。總是，ē有一个大臣除去伊所施ê凌辱，koh hō͘ hitê凌辱歸伊本身。
11:19 後來，伊beh oa̍t-tńg身ǹg kakī 國內ê險要所在，總是，伊ē腳踢tio̍h來跋倒，到尾無koh hông看tio̍h。
11:20 「Hit時，ē有一个人起來續接伊ê位，hō͘一个勒索ê遍行國內榮耀ê地。總是，無幾日內伊ē滅亡；m̄是tùi受氣，mā m̄是tùi交戰。」
11:21 南方ê暴君
Hitê天使繼續講：「ē有一个卑賤ê人起來，續接伊ê位。人m̄ bat用國ê榮光hō͘伊，伊是趁人無提防ê時，用扶挺來得tio̍h國。
11:22 大隊ê兵力ē tī伊ê面前受毀滅，ná親像hō͘大水流去；仝會盟ê君王mā ē ánne。
11:23 立約了後，伊ē行詭詐，用少少ê人民成做強猛。
11:24 趁人無提防ê時，伊ē來到省內ê肥地，mā ē行伊ê祖先kah in ê祖先所m̄ bat行ê；伊ē用所搶ê、所劫ê kah財物分散hō͘人，koh ē設計謀來攻擊chiahê險要ê所在，直到伊ê時期。
11:25 「伊ēphah拚奮志，用大陣ê軍隊攻擊南方ê王；南方ê王mā ē用極大極強ê軍兵kah伊交戰，總是，伊khiā bē tiâu，因為有人設計謀beh來害伊。
11:26 食伊ê俸祿êē kā伊滅掉；伊ê軍兵會四散，而且受thâiê真chē。
11:27 Chit兩 个王心存pháiⁿ意，仝桌ê時講白賊；總是，in ê計謀bē成，因為到定tio̍h ê期，in ê終局to̍h ē到。
11:28 北方ê王會帶真chē財物倒tńg去伊本國。總是，伊ê心反對聖約，伊照ē照伊kakī ê意思行，然後倒tńg去本國。
11:29 「到定tio̍h ê期，伊ē倒tńg來到南方。總是，chit路尾pái ê結局會無親像頂pái。
11:30 因為基提ê船ē來攻擊伊，致使伊心憂悶，to̍h倒tńg去。伊koh痛恨聖約，照伊kakī ê意思來行；伊ē倒tńg來，kah棄sak聖約ê人做伙計謀。
11:31 伊ē發動軍兵，inē kā hitê城堡ê聖所òe lahsap，除去日日所獻ê祭祀，設立hitê殘害、可惡ê物。
11:32 行pháiⁿ背約ê人，伊ē用扶挺ê話引誘in；獨獨bat in ê上帝ê子民，會勇敢做tāichì。
11:33 人民中間有智慧ê人ē教示真chē人；總是，in有真chē日ē tùi刀劍、火燒、受掠、受搶來失敗。
11:34 In失敗ê時，會略略á得tio̍h扶助，mā有真chē人ē用扶挺來kah in結聯。
11:35 智慧ê人ê中間有ê會失敗，用ánne來鍛鍊in，hō͘ in清氣，hō͘ in白白，一直到路尾ê日；因為到定tio̍h ê期，終局to̍h到。
11:36 「Hitê王會chhut-chāi kakī ê意思來行，會驕傲自高，pôaⁿ過一切ê神明，koh用奇異ê話攻擊chiahê神明ê上帝。伊ē興通到大受氣了後，因為所定tio̍h ê tāichì一定ē成。
11:37 伊無beh要緊伊ê祖先ê神明kah chabó͘人所欣慕ê，無論啥物神明伊lóng無teh要緊；因為伊ē自高，pôaⁿ過一切。
11:38 伊ētī伊ê位敬拜城堡ê神明kah伊ê祖先所m̄ bat ê神明，伊ē用金、銀、玉石kah寶物來敬拜伊。
11:39 伊ēóa靠別種ê神明，來設法堅固伊ê城堡。所有承認伊ê，伊ē kā榮光hō͘ in，mā ē hō͘ in管轄真chē人，koh ē分土地kā in報賞。
11:40 「到路尾ê時，南方ê王ē來觸犯伊。北方ê王會攻擊伊，親像捲螺á風，用車、用馬兵，koh用真chē船隻，mā ē進入hiahê國，親像氾濫ê水經過。
11:41 伊koh ē進入榮耀ê地，真chē國hō͘伊chhia倒；獨獨以東、摩押kah亞捫kiáⁿ孫尊貴ê人ē tàng脫離伊ê手。
11:42 伊ē伸手攻擊列國；埃及地mā bē tàng脫離伊ê手。
11:43 伊ē掌管埃及ê金銀財寶以及所有ê寶物；利比亞kah古實人lóngē來跟tòe伊。
11:44 總是，tùi東tùi北，ē有消息傳到，來擾亂伊，伊ē大受氣出去，除滅真chē人。
11:45 伊ētī海kah榮耀ê聖山ê中間搭伊宮殿ê布棚；總是，伊teh beh到伊ê終局，而且無kā伊幫贊ê人。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。