但以理書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 尼布甲尼撒ê夢
尼布甲尼撒坐位第二年，伊夢見一个夢，心煩kah bē睏得。
2:2 王命令召星象家、術士、司公kah迦勒底人來，ài in用王ê夢kā伊解夢。Into̍h來，khiā tī王ê面前。
2:3 王kā in講：「我有夢見一个夢，我ê心煩，ài beh知hitê夢是啥物意思。」
2:4 迦勒底人用亞南ê腔口對王講：「願王萬歲！請kā你hitê夢對你chiahê奴僕講，阮就ē kā你解明。」
2:5 王應迦勒底人講：「Hitê tāichì我已經bē記得à，lín若無kā我所夢見ê講hō͘我聽，koh kā它解明，我to̍h beh kā lín ê肉割kah碎碎，lín ê厝mā ē變做糞埽堆。
2:6 總是，lín若kā我所夢見ê kā我講，koh kā它解明，línē tùi我得tio̍h獎品、報賞kah大榮光。Taⁿ lín tio̍h kā我所夢見ê講hō͘我聽，koh kā它解明。」
2:7 In第二pái koh對王講：「請王kā所夢見ê對chiahê奴僕講，阮就ē kā它解明。」
2:8 王應講：「我準準知lín是刁（thiau）工延chhiân，因為lín知hitê夢我已經bē記得à。
2:9 Lín若無kā我所夢見ê kā我解夢，我to̍h只有一个方法thang kā lín款待；因為lín已經有準備beh對我chhìn-chhái講講lè，koh teh thèng候時勢ê改變。Taⁿ lín tio̍h kā我所夢見ê kā我解夢，我to̍h知línē kā它解明。」
2:10 迦勒底人tī王ê面前應講：「王ê chit款要求，地chiūⁿ無人講ē出；因為m̄ bat有君王、大臣、掌權者要求星象家，á是術士，á是迦勒底人tio̍h ánne做。」
2:11 王所問ê是稀奇ê tāichì。除去無kah世間人做伙tòa ê神明以外，無一个tī王ê面前講ē出。」
2:12 王受氣，非常受氣，就下命令kā巴比倫所有智慧ê人剿滅。
2:13 就ánne，王出命令behthâi智慧ê人，to̍h chhōe但以理kah伊ê同伴，beh去thâṳn。
2:14 上主kā夢ê意思指示但以理
王ê侍衛長—亞略出來，behthâi巴比倫智慧ê人，但以理用精通智慧ê話應伊。
2:15 伊對王ê侍衛長—亞略，講：「王所出ê命令ná ē kah chiah緊急？」亞略to̍h kā chitê tāichì對但以理講。
2:16 但以理to̍h入去，求王寬限，to̍h beh kā夢對王解明。
2:17 但以理倒tńg去伊ê厝，kā chitê tāichì kā伊ê同伴哈拿尼雅、米沙利kah亞撒利雅講，
2:18 ài in為tio̍h chitê祕密ê tāichì，去祈求天頂ê上帝憐憫，免得但以理kah伊ê同伴，以及巴比倫其他智慧ê人做伙滅亡。
2:19 Chitê祕密ê tāichìto̍h tī暗時ê異象中，對但以理顯明。但以理to̍h oló天頂ê上帝。
2:20 但以理講：「上帝ê名應該受oló到永遠，因為智慧kah權能lóng屬tī祂。
2:21 祂變換時期kah節季，祂廢除王，mā設立王；kā智慧hō͘智慧ê人，kā智識hō͘聰明ê人。
2:22 祂指示深奧祕密ê tāichì；暗中所有ê，祂lóng知，光mā kah祂做伙tòa。
2:23 我ê祖先ê上帝ah，我感謝祢、oló祢，因為祢賞賜我智慧kah才能，taⁿ祢kā阮對祢所求ê已經指示我，因為祢有kā王ê tāichì指示阮。」
2:24 但以理為王解夢
Tùi hit時起，但以理入去見亞略，to̍h是王所派來剿滅巴比倫hiahê智慧ê人ê。伊去kā伊講：「M̄-thang剿滅巴比倫hiahê智慧ê人，chhōa我去到王ê面前，我beh kā夢對王解明。」
2:25 亞略隨時chhōa但以理去到王ê面前，對伊講：「我tī偤大受掠ê人ê中間tú tio̍h一个人，伊ē kā夢kā王解明。」
2:26 王對叫做Bel-ti-sia-chal ê但以理講：「你kám ē tàng kā我所夢tio̍h ê夢kā我講，koh kā我解明？」
2:27 但以理tī王ê面前應講：「王所問ê祕密，智慧ê人、術士、星象家kah卜卦ê lóng bē曉kā王指明；
2:28 總是，天頂有一位上帝會顯明祕密ê tāichì。Taⁿ祂有用將來teh beh發生ê tāichì來指示尼布甲尼撒王。你所夢見ê kah你tī床裡所想ê異象是ánne：
2:29 「王，你tī床裡想tio̍h將來ê tāichì，hit位顯明祕密ê tāichì ·êē kā將來teh beh有ê tāichì指示你。
2:30 若是講tio̍h我，hitê祕密ê tāichì會顯明tī我，m̄是因為我有智慧贏過一切活leh ê人，是為tio̍h beh解明hō͘王知，koh hō͘你知你ê心ê心思意念。
2:31 「王，你teh看，to̍h看tio̍h有一sian大像，chitê像真高，非常燦爛，khiā tī你ê面前，它ê形狀真驚人。
2:32 Chitê像，它ê頭殼是純金ê，它ê胸坎kah手骨是銀ê，腹肚kah大腿是銅ê，
2:33 它ê腳腿是鐵ê，它ê腳盤一半鐵，一半土ê。
2:34 你ē看tio̍h有一塊石phah出來，m̄是用手phah-ê，摃tio̍h hit sian像ê鐵kah土ê腳盤，kā in phah破。
2:35 就ánne，hitê鐵、土、銅、銀kah金做一下phah kah碎碎，變做ná熱天稻埕ê粗糠，hō͘風吹散，無koh有in ê所在。而且chitê摃tio̍h像ê石ē變做大山，充滿全地。
2:36 「這to̍h是hitê夢。阮taⁿ beh tī王ê面前kā它解明。
2:37 王，你是列王ê王，天頂ê上帝已經kā國度、權柄、能力kah榮光賞賜hō͘你。
2:38 見若有世間人tòa ê所在，連山野ê走獸、空中ê飛鳥，祂lóng交付tī你ê手，hō͘你掌管chiahê一切。你to̍h是hitê金ê頭殼。
2:39 你以後ē koh興起一个國，她不如你ê國，然後koh有第三國，to̍h是銅ê，beh來掌管天下。
2:40 第四國會堅定親像鐵，鐵會phah破萬物來hō͘它屈服；koh親像鐵teh碎一切，伊mā ēphah破列國，kā in teh碎。
2:41 你mā看tio̍h它ê腳盤kah腳指頭á，一半是燒磁ê土，一半是鐵，hitê國mā ē分開。總是，你看tio̍h鐵kah爛土相參，chitê國mā ē有親像鐵ê力。
2:42 Hiahê腳指頭á既然一半是鐵一半是土，ánne，hitê國會一半強一半弱。
2:43 你既然看tio̍h鐵kah爛土相參，in mā ē kah人ê種族相參，總是，雙方彼此bē相合，親像鐵kah土bē相參得。
2:44 當hiahê列王ê日，天頂ê上帝會設立一个國，永遠bē廢除，她ê權柄bē tàng歸tī別國，總是，她會毀壞hiahê國，來kā in滅掉，kakī ē永遠khiā在。
2:45 你看tio̍h有石tùi山裡phah出來，m̄是用手phah-ê，來phah破hitê鐵、銅、土、銀kah金，這to̍h是至大ê上帝用將來teh beh發生ê tāichì指示王。Hitê夢是真ê，hitê解明是確實ê。」
2:46 王獎賞但以理
然後，尼布甲尼撒王仆tī土腳，拜但以理，命令用禮物kah芳料獻hō͘伊。
2:47 王應但以理講：「你已經會顯明chitê祕密ê tāichì，lín ê上帝真正是chiahê神明ê上帝，chiahê王ê主，koh是顯明hiahê祕密ê。」
2:48 Tùi hit時起，王高升但以理，賞賜伊真chē上品ê禮物，派伊管理巴比倫全省，koh做總理來掌管巴比倫一切智慧ê人。
2:49 但以理求王，王to̍h派Sia-to-la̍k、Me-siak kah A-bia̍t-ne-go͘來管理巴比倫省ê事務，獨獨但以理跟tòe tī王宮。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。