以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
47:1 Tùi聖殿流出來ê泉水
伊chhōa我倒tńg去到殿門，你看，有水tùi殿ê戶碇下ǹg東流出來（因為殿ê頭前ǹg東）。Chiahê水tùi下面，tùi殿ê正pêng，祭壇ê南pêng流落來。
47:2 伊to̍hchhoa7我tùi北門出去，chhōa我tùi外面彎到外門，tùi ǹg東pêng ê門ê路；你看，水tùi正pêng爆出來。
47:3 Hitê人手the̍h繩索，ǹg東行出去ê時，伊to̍h量一千肘，kah我tùi水liâu過去，水淹腳目。
47:4 伊koh量一千肘，kah我tùi水liâu過去，水淹腳頭u，koh量一千肘，kah我liâu過去，水淹到腰；
47:5 koh量一千肘，水to̍h成做河，我bē tàng liâu過去。因為水漲滿，成做會泅得ê水，bē liâu得ê河。
47:6 伊to̍h對我講：「人子，你kám有看tio̍h chitê？」伊to̍hchhoa7我，hō͘我oa̍t tńg去到河邊。
47:7 我倒tńg去ê時，你看，tī河邊雙pêng有真chē樹木。
47:8 伊kā我講：「Chiahê水ǹg東流去，會落去到亞拉巴，直直流到海；所發出ê水會流入去鹽海，海裡ê水to̍h變好。
47:9 河水所到ê所在，ta̍k種生湠ê動物lóngē得tio̍h活命，mā ē有魚真chē，因為水流到hia，海裡ê水變好。Hitê河所流到ê所在，所有ê物lóngē得tio̍h活命。
47:10 將來ē有掠魚人khiā tī岸邊，tùi隱基底到In-e-gu-laim lóng做拋網ê所在，hiahê魚各照牠ê類，親像大海ê魚真chē。
47:11 總是，爛土ê地kah湳á地ê所在bē tàng變做好地，就留teh出鹽。
47:12 Tī河ê雙pêng邊ē發出ta̍k類ê樹木，thang做食物，葉bē乾去，果子出無斷；ta̍k月日會結新ê果子，因為chiahê水是tùi聖所流出來ê；樹頂ê果子ē tàng做食物，葉有醫治ê功用。」
47:13 地界
至koân上主ánne講：「Lín照以色列十二支族，分chitê地做產業，伊ê地界tio̍h親像下底：約瑟ē得tio̍h兩份。
47:14 Lín承接chitê地做產業，tio̍h做伙平分；因為我bat gia̍h起手來應允，kā chitê地hō͘ lín ê祖先；chitê地會歸tī lín來做lín ê產業。
47:15 「地ê界限to̍h是ánne：北pêng ê界，tùi大海去到Hiat-lông ê路，直直到Che-ta̍t出入ê所在。
47:16 到哈馬、Be-lō͘-thah、Si-bu-laim，to̍h是tī大馬士革ê境界kah哈馬ê境界ê中間；到Hau-lan邊界ê Ha-chal-Hat-kong。
47:17 Tùi海ê境界to̍h是Ha-chal-e-nán近tī大馬士革ê境界，koh tī北pêng ǹg北是哈馬ê境界。這是北pêng ê界。
47:18 「東pêng ê界tī Hau-lan、大馬士革、基列kah以色列地ê中間to̍h是約旦河。Lín tio̍h tùi北pêng ê界量到東海。這to̍h是東pêng ê界。
47:19 「南pêng ǹg南ê界是tùi他瑪到Me-lí-bah-ka-te-sih ê水，續到埃及ê溪，thàng到大海。這是南pêng ǹg南ê界。
47:20 「西pêng ê界to̍h是大海，tùi南pêng ê境界，一直到哈馬出入對面ê所在。這to̍h是西pêng ê界。
47:21 「Án-ne，lín tio̍h照以色列ê支族，為kakī 分chitê地。
47:22 Lín tio̍h 拈鬮分chitê地做產業，歸tī lín本身kah tī lín中間寄腳ê出外人，to̍h是tī lín中間生kiáⁿ兒ê。Lín tio̍h kā in看做親像以色列ê子民ê中間所生ê仝款；in tī以色列支族ê中間，kah lín做伙得tio̍h地做產業。
47:23 外面ê人tòa tī hitê支族ê中間，lín to̍hti7 hia分地 hō͘伊做產業。這to̍h是至koân上主講ê。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。