以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
11:1 耶路撒冷Hông判罪
上主ê聖神to̍h kā我舉起，chhōa我到上主ê殿ǹg東ê東門。你看，tī門口有二十五個人，我看tio̍h in中間有人民ê貴族A-chù-l ê kiáⁿ Ia-cha-niah kah比拿亞ê kiáⁿ毗拉提。
11:2 祂kā我講：「人子，這to̍h是圖謀罪惡ê人，tī chitê城內提倡pháiⁿ事。
11:3 In講：『起厝ê期iáu未到，chitê城是鼎，阮是hit內面ê肉
。』
11:4 人子，因為ánne，你tio̍h宣布，tio̍h宣布來kā in攻擊。」
11:5 上主ê聖神臨到我，對我講：「你tio̍h講，上主ánne講：以色列
ê子民，lín講ánne，lín ê心所想ê，我知à。
11:6 Lín tī chitê城內thâi死真chē人，hō͘身屍滿街路。
11:7 「所以，至koân上主ánne講：Lín所hē tī chitê城內ê死人to̍h是肉，chitê城to̍h是鼎；總是，lín會 tùi hit中間hông趕出去。
11:8 Lín驚刀劍，我beh hō͘刀劍臨到lín。這是至koân上主講ê。
11:9 我beh tùi hit中間chhōa lín出去，交tī外邦人ê手，koh beh tī lín中間行審判。
11:10 Línē倒tī刀下，我beh tī以色列ê交界審判lín，lín to̍h ē知我是上主。
11:11 Chitê城無beh做lín ê鼎，lín mā無beh做hit中間ê肉。我beh tī以色列ê交界審判lín，
11:12 lín to̍h ē知我是上主，因為lín無行我ê律例，mā無順服我ê法度，to̍h是去遵守lín四箍圍列國ê法度。」
11:13 我tú-á teh宣布ê時，比拿亞ê kiáⁿ毗拉提死去。我to̍h仆tī土腳，大聲hoah：「Hāiⁿ ah！至koân上主ah，祢beh kā以色列ê人全部剿滅，是無？」
11:14 上帝對流亡者ê應允
上主ê話臨到我，講：
11:15 「人子，tòa tī耶路撒冷ê人民，對你ê兄弟—to̍h是你ê兄弟、你ê親人kah以色列全家，to̍h是對群眾講：『Lín tio̍h離開上主！因為chitê地是hō͘阮做產業ê。』
11:16 「所以，你tio̍h講：『至koân上主ánne講：我雖然kā in遷徙去遠遠，tī列邦中，四散in tī列國中，我iáu beh tī in所到ê國，暫時做in ê聖所。』
11:17 「所以你tio̍h講：『至koân上主ánne講：我beh tùi chiahê人民中間招集lín，mā beh tùi lín四散去到ê列國中kā lín聚集óa來，koh beh kā以色列地賞賜hō͘ lín。』
11:18 In會去到hia，mā ētùi in中間除去一切可惡koh thang怨恨ê物。
11:19 我beh hō͘ in有專一ê心，mā beh kā新ê神靈hē tī in ê內面，koh beh tùi in ê肉體中除去hit款親像石頭ê心，賞賜hō͘ in hit款親像肉ê心，
11:20 hō͘ in thang順服我ê律例，遵守我ê法度來行。In做我ê子民，我mā beh做in ê上帝。
11:21 總是，心遵thàn可惡thang討厭ê ê心hit款人，我beh照in所行ê報應tī in ê頭殼頂。這是至koân上主講ê。」
11:22 上帝ê榮耀離開耶路撒冷
Hit時，ki-lō͘-peng thí開in ê翼，hiahê輪mā tī in ê邊a；tī in ê頂面有以色列上帝ê榮光。
11:23 上主ê榮光tùi城中上去，歇tī城外東pêng ê山。
11:24 神靈kā我舉起，tī異象中tùi上帝ê靈chhōa我到迦勒底受掠ê人hia；我所看tio̍h ê異象，to̍h離開我上去。
11:25 我to̍h kā上主所指示我一切ê tāichì，lóng講hō͘受掠ê人聽。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。