以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 上帝ê寶座
當三十年四月初五，我tī迦巴魯ê河邊hiahê受掠ê人中間；hit時天開，我看tio̍h上帝ê異象。
1:2 Tī hit月ê初五，to̍h是約雅斤王受掠ê第五年，
1:3 tī迦勒底人ê地，迦巴魯ê河邊，上主ê話thiau-tî臨到Bu-chih ê kiáⁿ—祭司以西結；tī hia上主ê手hē tī伊ê身上。
1:4 我看tio̍h，你看，有狂風tùi北方來，有大片雲，有燄燄sih ê火，它ê四箍圍有光，tùi hit中間ê火內發出親像琥珀ê色緻。
1:5 Koh tùi hit中間出現四隻活物ê形像。In ê款式是ánne：有人ê形像，
1:6 ta̍k个有四個面，ta̍k个有四支翼。
1:7 In ê腳是直直，腳跡短kah ná親像牛á ê腳蹄，lóng燦爛親像磨光ê銅ê鑿目。
1:8 Tī in四面ê翼下koh有人ê手，chit四隻活物ê面kah翼to̍h是ánne：
1:9 In ê翼lóng相連接，行ê時，身軀m̄免oa̍t，lóng直直進前去。
1:10 講tio̍h in ê面ê形像：in有人ê面，in四個tī正pêng有獅ê面，in四個tī倒pêng有牛ê面，in四個mā有鷹鳥ê面。
1:11 In ê面是ánne：in ê翼tùi頂面thí開，chitê kah hitê兩支翼相連，koh有兩支翼蓋身軀。
1:12 In ta̍k个直直行進前；神靈beh去tó位，in to̍h去hia；行ê時，身軀m̄免oa̍t。
1:13 講tio̍h活物ê款式，in ê形像親像teh to̍h ê火炭，koh親像火把ê形像，tī活物ê中間起起落落；火真光，tùi火中有發出sihnà。
1:14 Hiahê活物走來走去，親像sihnà teh爍（sih）。
1:15 我teh看活物ê時，你看，有車輪tī地chiūⁿ，tī活物ê邊á ，四面各有一个。
1:16 車輪kah in ê做法ê款式親像黃玉ê色緻；四個輪ê形像siāng一款，in ê款式kah做法是親像輪中有輪。
1:17 輪行ê時，四面lóng ē行得，行ê時m̄免tńg-oa̍t。
1:18 講tio̍h車輪ê環是高kah真驚人；四個輪ê環有目chiu 滿滿。
1:19 活物行ê時，輪mā tī in ê身邊teh行；活物舉起離開地ê時，輪mā舉起。
1:20 神靈所beh去ê所在，in mā去；神靈若去tī hia，輪 mā tī in ê身邊舉起，因為活物ê神靈tī輪ê內面。
1:21 Hiahê若行，chiahê mā行；hiahê若停，chiahê mā停；hiahê若舉起離開地ê時，輪mā tī in ê身邊舉起，因為活物ê神靈tī輪ê內面。
1:22 活物ê頭殼頂面有穹蒼ê形像，看起來ná親像thang驚ê水晶色緻，鋪tī in ê頭殼ê頂面。
1:23 Tī穹蒼ê下面，in ê翼thí直直，大家相對，koh有兩支翼蓋牠ê身軀chit pêng，mā koh有兩支翼蓋牠ê身軀 hit-pêng。
1:24 In行ê時，我聽tio̍h in ê翼ê聲，親像大海ê聲，親像全能ê ê聲，有hōa-hōa嚷ê聲，親像軍隊ê聲。In停ê時，翼to̍h放落來。
1:25 Tī in頭殼頂穹蒼ê頂面有聲。In停ê時，翼to̍h放落來。
1:26 Tī in頭殼頂ê穹蒼頂面有寶座ê形像，親像藍色ê寶石；tī寶座形像ê頂面有形像親像人ê款式。
1:27 我看tio̍h tùi牠ê腰ê形像頂面有琥珀ê色緻，tī伊ê內面四箍圍有火ê形像，mā看tio̍h tùi伊ê腰ê形像ê下面，有親像火ê形像，伊ê周圍真光。
1:28 Tī落雨ê日，雲中虹ê形像án怎，四箍圍ê光ê形像mā是ánne。我一下看tio̍h，to̍h仆tī土腳，koh聽tio̍h一个人講話ê聲。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。