耶利米書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
41:1 七月間，以利沙瑪ê孫—尼探雅ê kiáⁿ以實瑪利，伊是王親，mā是王ê大臣，chhōa十個人來米斯巴，見亞希甘ê kiáⁿ基大利。In tī米斯巴做伙食。
41:2 尼探雅ê kiáⁿ以實瑪利以及kah伊來ê hit十個人起來，用刀thâi死沙番ê孫—亞希甘ê kiáⁿ基大利，to̍h是巴比倫所立來管轄chitê地ê。
41:3 以實瑪利kohthâi死tī米斯巴hiahê歸óa基大利所有ê偤大人，以及tī hia所tú tio̍h迦勒底ê軍兵。
41:4 伊thâi死基大利了後，第二日iáu無人知。
41:5 Hit時，有八十個人tùi示劍、tùi示羅、tùi撒馬利亞來，剃嘴鬚，拆裂衫，kakī 割身軀，手the̍h禮物kah乳香，beh kā伊帶到上主ê殿。
41:6 尼探雅ê kiáⁿ以實瑪利tùi米斯巴出來kā in迎接，ná行ná哭；到tú tio̍h in，to̍h kā in講：「Lín去見亞希甘ê kiáⁿ基大利。」
41:7 In來到城中，尼探雅ê kiáⁿ以實瑪利kah tòe伊ê人，to̍h kā inthâi死，kā in hiat tī乾井。
41:8 In中間有十個人對以實瑪利講：「M̄-thang kā阮thâi死，因為阮有真chē小麥、大麥、油kah蜜khǹg tī田裡。」伊to̍h停手，無tī in ê兄弟中間kā inthâi。
41:9 以實瑪利tī óa近基大利hiathâichiahê人，kā in ê身屍hiat tī古井裡；chit口井是早前亞撒王因為驚以色列王巴沙ê緣故所開ê。尼探雅ê kiáⁿ以實瑪利kā所thâiê身屍thūn滿古井。
41:10 以實瑪利掠米斯巴所chhun落來ê人民，to̍h是王ê眾chabó͘ kiáⁿ，以及iáu tòa tī米斯巴ê人民，to̍h是侍衛長尼布撒拉旦所交帶亞希甘ê kiáⁿ基大利ê。尼探雅ê kiáⁿ以實瑪利kā伊掠去，beh過去亞捫族hia。
41:11 加利亞ê kiáⁿ約哈難以及kah伊同在ê眾軍長，聽tio̍h 尼探雅ê kiáⁿ以實瑪利所行一切ê pháiⁿ，
41:12 to̍h chhōa群眾進前去，beh kah尼探雅ê kiáⁿ以實瑪利交戰，tī基遍ê大水邊chhōe tio̍h伊。
41:13 以實瑪利所chhōa去hiahê人民，看tio̍h去加利亞ê kiáⁿ約哈難，以及kah伊來ê眾軍長，to̍h lóng歡喜。
41:14 就ánne，以實瑪利tùi米斯巴所掠去ê眾人lóng oa̍t tńg來，歸óa加利亞ê kiáⁿ約哈難。
41:15 尼探雅ê kiáⁿ以實瑪利kah八個人脫離約哈難ê手，走去亞捫族hia。
41:16 後來，加利亞ê kiáⁿ約哈難kah tòe伊ê眾軍長，kā所chhun落來ê人民，to̍h是尼探雅ê kiáⁿ以實瑪利phah死亞希甘ê kiáⁿ基大利以後，tùi米斯巴所chhōa去ê chapo͘人、勇士、chabó͘人、gín-á kah太監，koh是伊tùi基遍chhōa來ê。
41:17 Into̍h出發去到伯利恆邊á ê Kim-hám ê客店歇腳，想beh去埃及。
41:18 這是因為迦勒底人ê緣故，因為尼探雅ê kiáⁿ以實瑪利有thâi死亞希甘ê kiáⁿ基大利，to̍h是巴比倫王所設立來管轄chitê土地ê，所以in真驚。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。