耶利米書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
38:1 耶利米tī枯焦ê井裡
Mat-than ê kiáⁿ示法提雅、巴施戶珥ê kiáⁿ基大利、示利米雅ê kiáⁿ Iu-kal、瑪基雅ê kiáⁿ巴施戶珥，聽tio̍h耶利米對群眾所講ê話，講：
38:2 「上主ánne講：見若tòa tī chitê城內êē tùi刀劍、tùi飢荒、tùi瘟疫來死；獨獨出去歸迦勒底人êē得tio̍h活，會拾tio̍h伊ê性命來活落去。
38:3 上主ánne講：Chitê城絕對會交tī巴比倫王軍兵ê手，伊ē kā她征服。」
38:4 就ánne，貴族kā王講：「求你hō͘ chitê人死；因為伊對城內chhun落來ê兵á kah眾人講chit款ê話，hō͘ in ê手軟。Chitê人m̄是求hō͘人民平安，是hō͘ in tú tio̍h災禍。」
38:5 西底家王講：「你看，伊tī lín ê手頭，王bē tàng干涉lín啥物tāichì。」
38:6 Into̍h掠耶利米，kā伊hiat tī Hap-bí-le̍k ê kiáⁿ瑪基雅ê井；hit口井tī拘留所ê院內。In用索á kā耶利米縋落去。古井內無水，只有土糜，耶利米就陷落tī土糜中。
38:7 Tī王宮內ê太監—古實人以伯米勒聽tio̍h in kā耶利米縋落縋井（hit時，王坐tī便雅憫門口）。
38:8 以伯米勒to̍h出王宮，對王講：
38:9 「我ê主—我ê王，chiahê人款待耶利米先知ê lóng是pháiⁿ，有kā伊hiat落井，伊ētī hia餓死，因為城內無米糧。」
38:10 王to̍h吩咐古實人以伯米勒講：「你tùi chia帶三十人，趁耶利米先知iáu未死，去救伊出井。」
38:11 就ánne，以伯米勒chhōa chiahê人做伙去，入去王宮，到庫房下面，tùi hia the̍h破布、舊衫，用索á墜落去古井內，來到耶利米hia。
38:12 古實人以伯米勒kā耶利米講：「你用chiahê破布kah舊衫，chū tī胳下lang，hē tī索á頂面。」耶利米就照ánne去做。
38:13 Án-ne，in to̍h用索á kā耶利米搝（khiú）出古井。耶利米猶原tòa tī拘留所ê院內。
38:14 西底家王向耶利米請教計謀
西底家王差人去chhōa耶利米先知，入去上主ê殿ê第三个門，來到王hia。王to̍h對耶利米講：「我問你一項事，你lóng m̄ thang對我隱瞞。」
38:15 耶利米應西底家講：「我若kā你講，你kám無behthâi死我？我若指示你，你mā無beh聽。」
38:16 西底家王偷偷á對耶利米chiùchōa講：「Hitê創造咱ê活命ê上主是活ê，我kí祂來chiùchōa，我一定無behthâi你，mā bē kā你交hō͘ chiahê siàu想你性命ê人ê手。」
38:17 耶利米對西底家講：「上主—萬軍ê上主—以色列ê上帝ánne講：你若出去投降巴比倫王ê貴族，你ê性命to̍h ē活leh，chitê城bē致到hō͘火燒，你kah你ê全家lóng ē活leh。
38:18 你若m̄出去投降巴比倫王ê貴族，chitê城to̍h ē交tī迦勒底人ê手。Inē用火燒城，你mā bē tàng脫離in ê手。」
38:19 西底家王對耶利米講：「我驚hiahê投降迦勒底ê偤大人，恐驚迦勒底人ē kā我交tī in ê手，inē kā我凌辱。」
38:20 耶利米講：「Bē lah。求你聽我對你所講上主ê話，ánne你to̍h ē得tio̍h利益，你ê性命mā ē保存。
38:21 你若m̄肯出去，上主指示我ê話to̍h是ánne：
38:22 你看，偤大王宮所chhun落來ê chabó͘人ēhō͘人chhōa去到巴比倫王ê貴族hia，chiahê chabó͘人ē講：你知己ê朋友使弄你，khah贏你；你ê腳lok落去土糜，in to̍hoa̍t-tńg身退去。」
38:23 耶利米koh講：「人ē kā你chiahê bó͘ kah你chiahê kiáⁿ，掠到迦勒底人hia，你mā bē tàng脫離in ê手，你ē hō͘巴比倫王ê手掠tio̍h；你mā ē連累tio̍h chitê城受火燒。」
38:24 西底家對耶利米講：「M̄-thang hō͘人知chiahê話，你to̍h bē死。
38:25 貴族若聽tio̍h我有kah你講話，into̍h ē來chhōe你，問你講：『你kā王講啥物，m̄ thang tùi阮隱瞞，阮to̍h無beh hō͘你死。王對你講啥物，mā lóng tio̍h kā阮講。』
38:26 你to̍h tio̍h kā in講：『我tī王ê面前懇求伊m̄ thang hō͘我koh入去約拿單ê厝，來死tī hia。』」
38:27 後來，眾貴族來chhōe耶利米，問伊；伊to̍h照王所吩咐一切ê話來應in。Into̍h soah，無koh kah伊講話，因為事情無露出。
38:28 就ánne，耶利米猶原tòa tī拘留所ê院內，直到耶路撒冷受征服ê日。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。