耶利米書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
3:1 不忠ê以色列
上主講：「人若離伊ê bó͘，bó͘ to̍h離開伊去嫁別人，她早前ê丈夫kám thang koh親近她？若ánne，hitê所在kám無bak tio̍h lahsap？總是，你kah真chē親愛ê行姦淫，iáu koh thang歸tī我。這是上主講ê。
3:2 你tio̍h gia̍h頭看chiahê光溜溜ê koân所在，tī tó位無有淫行？你坐tī路邊teh thèng候，親像阿拉伯人tī曠野ánne，koh用你ê淫行、邪惡kā全地òe lahsap。
3:3 因為ánne，好ê雨水停止，春天ê雨無koh落。你iáu有娼妓ê面，m̄知見笑。
3:4 你ná ē m̄ chit時叫我講：『我ê父ah，祢是我少年ê時引chhōa我ê？
3:5 你kám永遠khǹg受氣，留到路尾？』你看，你iáu koh盡你所會ê teh行pháiⁿ。」
3:6 以色列kah偤大Tio̍h悔改
當約西亞王坐位ê時，上主koh對我講：「悖逆ê以色列所做ê，你有看tio̍h無？伊上chiahê高山，tī所有青翠ê樹腳行姦淫。
3:7 伊行chiahê tāichì以後，我講：伊ē歸óa我，總是，伊無，伊奸詐ê小妹—偤大mā有看tio̍h。
3:8 悖逆ê以色列teh行姦淫，我為tio̍h chitê緣故hō͘伊離婚書，kā伊離婚；我看tio̍h伊奸詐ê小妹偤大，猶原無驚，mā是去行淫。
3:9 伊隨便照ánne行ê淫亂，to̍h kā chitê所在òe lahsap，to̍h kah石頭、柴頭行姦淫。
3:10 雖然有chiahê一切ê tāichì，伊奸詐ê小妹偤大猶原無專心歸向我，只不過是假意niā-niā。這是上主講ê。」
3:11 上主對我講：「悖逆ê以色列，比奸詐ê偤大，iáu khah有義。
3:12 你tio̍h去ǹg北方傳chiahê話，講：『上主講：悖逆ê以色列，lín tio̍h倒tńg來！我無beh用受氣ê目chiu 看lín；因為我是慈愛ê，我無beh永遠khǹg受氣。這是上主講ê。』
3:13 獨獨你tio̍h認你ê罪，to̍h是你違背上主—你ê上帝；tī 所有青翠ê樹腳，走東走西去chhōe別个神明，無遵thàn我ê話，這是上主講ê。」
3:14 上主講：「悖逆ê kiáⁿ兒，lín tio̍h倒tńg來！因為我做lín ê丈夫，而且我beh kā lín tùi一个城取一个人，tùi一族取兩 个人，chhōa到錫安。
3:15 我beh kā合我ê心ê牧者賞賜hō͘ lín。Inē用智識kah智慧養飼lín。
3:16 「Lín tī國內生湠真chē；當hiahê日子，人無beh koh講起上主ê約櫃，mā無beh記tī心內，lóng bē記得，lóng無去chhōe，mā無koh做約櫃。
3:17 Hit時，人ē稱耶路撒冷做上主ê寶座；萬國會聚集到hia，to̍h是因為上主ê名來到耶路撒冷。In無koh照kakī pháiⁿ ê硬心做tāichì。
3:18 當hiahê日子，偤大家ē kah以色列ê人民同行；tùi北方ê地做伙來，到我賞賜hō͘ lín ê祖先做產業ê地。」
3:19 上主ê子民拜偶像
總是，上主講：我ná ē thang kā lín排列tī chiahê kiáⁿ ê中間，kā好ê地賞賜hō͘你，to̍h是列國中siōng好ê產業？我koh講：Lín tio̍h稱我講：「我ê父ah」，mā無koh倒tńg去，m̄-tòe我。
3:20 以色列ê子民，lín tùi我行奸詐，真正親像chabó͘人行奸詐離開她ê丈夫。這是上主講ê。
3:21 Tī光溜溜koân ê所在聽tio̍h聲，to̍h是以色列人啼哭懇求ê聲；to̍h是因為in行邪惡ê路，bē記得in ê上帝—上主。
3:22 Lín chiahê悖逆ê kiáⁿ兒，lín tio̍h倒tńg來；我ē醫好lín ê悖逆。Lín應講：「你看，阮來到祢chia，因為祢是阮ê上帝—上主。
3:23 Tùi小山á是大山ê鬧熱，ǹg望得tio̍h幫贊，實在是空空；以色列ê得tio̍h救，真正在tī阮ê上帝—上主。
3:24 Tùi阮少年以來，hitê thang見笑ê tāichì，kā阮ê祖先所勞苦來得tio̍h ê，to̍h是in ê羊群、牛群kah in ê kiáⁿ兒，lóng吞食去。
3:25 阮倒tī阮ê見笑中，阮ê凌辱遮蓋阮；因為tùi少年到taⁿ，阮kah阮ê祖先tiāⁿ-tiāⁿ 得罪阮ê上帝，無遵thàn阮ê上帝—上主ê聲。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。