以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
15:1 Siōng-chú beh Húi-bia̍t Mô͘-ap
Koan-hē Mô͘-ap ê be̍k-sī. Tī chi̍t mê ê tiong-kan, Mô͘-ap ê Al piàn-chò hong-hùi siau-bia̍t-.khì; chi̍t mê ê tiong-kan Mô͘-ap ê Ki-l piàn-chò hong-hùi siau-bia̍t-.khì.
15:2 Ti-bóng chiūⁿ-kàu sîn-biō, kàu koân ê só͘-chāi thî-khàu. Mô͘-ap lâng in-ūi Ne-bó kah Me-tí-ba ai-khàu, ta̍k-ê thâu-khak kng liu-liu, chhùi-chhiu thì liáu-liáu.
15:3 In tī ke-lō͘-.ni̍h io lóng hâ môa-pò͘; tī chhù téng kah hit-ê khui-khoah ê só͘-chāi, ta̍k lâng lóng thî-khàu, ba̍k-sái ti̍t-ti̍t lâu.
15:4 He-si-bóng kah E-lé-a-leh, pi-ai ê siaⁿ thàu kàu Ia-hat. Só͘-í, Mô͘-ap tòa kun-khì ê tōa-siaⁿ hoah-hiàm, in ê sim phi̍h-phi̍h chhoah.
15:5 Góa ê sim ūi tio̍h Mô͘-ap pi-ai! I ê kùi-cho̍k cháu kàu Cho-al, kàu Ek-lat-si-li-siah. In chiūⁿ Lu-hit ê lō͘, ná kiâⁿ ná háu; tī Ho-lo-niám ê lō͘, in-ūi húi-bia̍t chhut ai-khàu ê siaⁿ.
15:6 Nim-lim ê chúi ē ta-.khì, chheⁿ-chhùi ê chháu ē ta-.khì, o͘-iù ê chhài-se ē bia̍t-bông, chheⁿ-chhùi ê mi̍h lóng ē sí-.khì.
15:7 In-ūi ánne, Mô͘-ap lâng só͘ tit tio̍h ê châi-bu̍t kah só͘ chek-chū ê mi̍h-kiāⁿ lóng ē tòa-kòe liú-chhiū khe.
15:8 In-ūi Ai-chhám ê siaⁿ phiàn-móa Mô͘-ap ê sì-kho͘-ûi, ai-khàu ê siaⁿ thàu kàu E-gu-láim, ai-khàu ê siaⁿ thàu kàu Be-el-e-lîm.
15:9 Ti-móng ê chúi ū hoeh móa-móa; góa beh ke-thiⁿ Ti-móng ê chai-lān, hō͘ sai lâi jiok Mô͘-ap tô-thoat ê jîn-bîn kah hit só͘-chāi só͘ chhun lo̍h-.lâi ê lâng.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。