雅歌 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 Góa sī Sia-lông ê mûi-kùi hoe, sī soaⁿ-kok tiong ê pek-ha̍p hoe.
2:2 [chùn-lâm] Góa só͘ ài ê tī chiahê chabó͘ kiáⁿ tiong-kan, chhin-chhiūⁿ chhì-á lāi ê pek-ha̍p hoe.
2:3 [siàu-lí] Góa ê lông-kun, tī chiahê chapo͘ kiáⁿ tiong-kan, chhin-chhiūⁿ chhiū-nâ tiong ê phông-kó chhiū; góa chin hoaⁿ-hí chē tī i ê ìm-ńg ē; i ê kóe-chí góa chia̍h-liáu chin tiⁿ.
2:4 I chhōa góa ji̍p-khì iàn-se̍k ê só͘-chāi, ēng thiàⁿ chò kî-á tī góa ê téng-bīn.
2:5 Kiû lín ēng phû-tô piáⁿ lâi pó͘ góa ê thé-la̍t, ēng phông-kó lâi ióng góa ê cheng-sîn; in-ūi góa ūi tio̍h ài-chêng lâi tì pēⁿ.
2:6 I ê tò chhiú hû góa ê thâu-khak, i ê chiàⁿ chhiú phō góa.
2:7 Ê-lú-sa-lèm ê chèng chabó͘ gín'á, góa kí lêng-iûⁿ kah chhân-iá ê lo̍k-bú pek-chhiat hoan-hù lí: M̄-thang kā i phah chhéⁿ, m̄ thang kiáu-jiáu góa só͘ ài ê, tio̍h thèng-hāu i kakī chêng-goān.
2:8 [siàu-lí] Lí thiaⁿ, sī góa lông-kun ê siaⁿ; lí khòaⁿ, i lâi ā; i tiô tī soaⁿ-.ni̍h, thiàu tī niá-.ni̍h.
2:9 Góa ê lông-kun, i chhin-chhiūⁿ lêng-iûⁿ á-.sī lo̍k-á; lí khòaⁿ, i khiā tī goán ê piah-chhiûⁿ āu-bīn; tùi thang-á teh khòaⁿ; tùi thang-á-keh teh thàm.
2:10 Góa ê lông-kun chhut siaⁿ tùi góa kóng: [chùn-lâm] Góa só͘ ài ê, góa ê bí-jîn, khí-.lâi kah góa chò-hóe khì.
2:11 Lí khòaⁿ, in-ūi kôaⁿ-thiⁿ í-keng kòe, hō͘ í-keng thêng; soah hō͘ ā.
2:12 Choân tē ê hoe í-keng khui, chiáu-á háu ê sî kàu à; tī lán ê kéng lāi thiaⁿ tio̍h pan-kah ê siaⁿ.
2:13 Bû-hoa-kó chhiū ê kóe-chí chiām-chiām se̍k, phû-tô chhiū khui hoe thò͘-chhut i ê phang-bī; góa só͘ ài ê, góa ê bí-jîn, khí-.lâi kah góa chò-hóe khì.
2:14 Góa ê hún-chiáu, lí tī chio̍h-phāng lāi, tī soaⁿ-giâm ún-ba̍t ê só͘-chāi; kiû lí chún góa khòaⁿ tio̍h lí ê bīn, thiaⁿ tio̍h lí ê siaⁿ; in-ūi lí ê siaⁿ un-hô, lí ê bīn seⁿ-chò súi.
2:15 Tio̍h kā goán lia̍h hô͘-lî, sè chiah hô͘-lî, to̍h-sī pāi-hoāi phû-tô hn̂g ê hô͘-lî; in-ūi goán ê phû-tô tú-á beh khui hoe.
2:16 [siàu-lí] Góa ê lông-kun sio̍k góa, góa mā sio̍k i, i tī pek-ha̍p hoe tiong teh chhī i ê iûⁿ-kûn.
2:17 Góa ê lông-kun, goān lí tī ji̍t-thâu liâng-léng, iáⁿ chhun tn̂g ê sî, tò tńg-.lâi, chhin-chhiūⁿ lêng-iûⁿ, á-.sī lo̍k-á tī Beh-thel ê soaⁿ-.ni̍h.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。