章節 | 全民台語聖經全羅經文 | 註釋 |
84:1 | Khat-bōng Siōng-tè ê Tiān-īⁿ( Khó-la̍h ê kiáⁿ-sun ê si, kau hō͘ ga̍k-koaⁿ; ēng Gat ê ga̍k-khì. )Bān-kun ê Siōng-chú ah, Lí tòa ê só͘-chāi ná ē hiah thang ì-ài. | 註釋 串珠 原文 典藏 |
84:2 | Góa ê sim-sîn loân-bō͘ Siōng-chú ê tiān-īⁿ kàu beh hūn-.khì; góa ê sim-tn̂g, góa ê jio̍k-thé, ǹg oa̍h ê Siōng-chú kiû-kiò. | 註釋 串珠 原文 典藏 |
84:3 | Bān-kun ê Siōng-chú, góa ê ông, góa ê Siōng-tè ah, chhek-chiáu-á ūi tio̍h kakī chhōe tio̍h chi̍t-ê chhù, ìⁿ-á ūi tio̍h kakī chhōe tio̍h áⁿ kiáⁿ ê siū, to̍h-sī tī Lí ê chè-tôaⁿ hia. | 註釋 串珠 字典 原文 典藏 |
84:4 | Tòa tī Lí ê tiān-īⁿ ê lâng chin ū hok-khì! In beh it-ti̍t oló Lí. [Sè-la̍h] | 註釋 串珠 字典 原文 典藏 |
84:5 | Tùi Lí tit tio̍h khùi-la̍t ê lâng chin ū hok-khì! In chûn-sim ì-hiòng Si-óng ê tōa lō͘. | 註釋 串珠 原文 典藏 |
84:6 | In keng-kòe lâu ba̍k-sái ê soaⁿ-kok, hō͘ i piàn-chò chúi-chôaⁿ ê só͘-chāi, koh ū chhiu-thiⁿ ê hō͘ hō͘ i chhiong-móa hok-khì. | 註釋 串珠 字典 原文 典藏 |
84:7 | In ná kiâⁿ khùi-la̍t ná ke-thiⁿ, ta̍k lâng lâi-kàu Si-óng tiâu-kìⁿ Siōng-tè. | 註釋 串珠 原文 典藏 |
84:8 | Bān-kun ê Siōng-tè — Siōng-chú ah, kiû Lí thiaⁿ góa ê kî-tó; Iâ-kop ê Siōng-tè ah, kiû Lí àⁿ hīⁿ-khang lâi thiaⁿ. [Sè-la̍h] | 註釋 串珠 原文 典藏 |
84:9 | Chò goán ê tîn-pâi ê Siōng-tè ah, kiû Lí khòaⁿ-kò͘, khòaⁿ Lí boah iû siat-li̍p chò ông ê bīn! | 註釋 串珠 原文 典藏 |
84:10 | Tī Lí ê tiān-īⁿ tòa chi̍t ji̍t, pí tòa pa̍t ūi chi̍t-chheng ji̍t khah hó; lêng-khó tī góa ê Siōng-tè ê chhù kò͘-mn̂g, pí tòa tī pháiⁿ lâng ê pò͘-pêⁿ khah hó. | 註釋 串珠 字典 原文 典藏 |
84:11 | In-ūi Siōng-chú — Siōng-tè sī ji̍t-thâu, sī tîn-pâi, Siōng-chú siúⁿ-sù un-hūi kah êng-kng. I m̄ bat lâu chi̍t hāng hó mi̍h bô hō͘ hiahê kiâⁿ chèng-ti̍t ê lâng. | 註釋 串珠 字典 原文 典藏 |
84:12 | Bān-kun ê Siōng-chú ah, óa-khò Lí ê lâng chin ū hok-khì! | 註釋 串珠 字典 原文 典藏 |