章節 | 全民台語聖經漢羅經文 | 註釋 |
16:1 | 約伯應講: | 註釋 串珠 原文 典藏 |
16:2 | Chit款ê話,我有聽過真chē à;lín ê安慰lóng是hō͘人顛倒艱苦。 | 註釋 串珠 原文 典藏 |
16:3 | Chit款hàm-kó͘ ê話,kám有窮盡?有啥物thang激動你來應? | 註釋 串珠 原文 典藏 |
16:4 | 我mā ē曉講親像lín chit款ê話;lín若tiàm tī我ê境遇,我mā ētàu kui kōaⁿ ê話來kā lín攻擊;koh ē對lín搖我ê頭。 | 註釋 串珠 原文 典藏 |
16:5 | 總是,我ē用嘴hō͘ lín堅固;用嘴唇ê安慰hō͘ lín減輕痛苦。 | 註釋 串珠 原文 典藏 |
16:6 | 我若講話,我ê憂悶猶原無減輕;我若恬恬,憂悶kam2to̍h ē離開我? | 註釋 串珠 原文 典藏 |
16:7 | 總是,taⁿ上帝hō͘我困苦,koh hō͘我ê同伴離開我。 | 註釋 串珠 原文 典藏 |
16:8 | 你有掠tio̍h我,是thang做見證;我ê消瘦起來攻擊我,當我ê面前做見證。 | 註釋 串珠 原文 典藏 |
16:9 | 上帝受氣,拆裂我,迫害我,祂對我咬齒;我ê對敵目chiu 金金teh kā我睨。 | 註釋 串珠 原文 典藏 |
16:10 | In對我開in ê嘴,siàn我ê嘴phóe來凌辱我;in聚集來攻擊我。 | 註釋 串珠 原文 典藏 |
16:11 | 上帝kā我交hō͘不義ê人,kā我hiat tī pháiⁿ人ê手。 | 註釋 串珠 原文 典藏 |
16:12 | 我安然ê時,祂kā我at斷,捏我ê頷頸,kā我siak kah碎碎;koh chhāi我做祂ê箭靶。 | 註釋 串珠 原文 典藏 |
16:13 | 祂ê箭四面圍我,破裂我ê腹內,mā無寬容,kā我ê膽piàⁿ tī地裡。 | 註釋 串珠 字典 原文 典藏 |
16:14 | 祂phah我,phah了koh phah;親像勇士走來攻擊我。 | 註釋 串珠 原文 典藏 |
16:15 | 我tī我ê皮膚thīⁿ麻布,kā我ê角tàm落土。 | 註釋 串珠 字典 原文 典藏 |
16:16 | 我ê面因為流目屎to̍h變紅;tī我ê目chiu 皮有死ê蔭影。 | 註釋 串珠 原文 典藏 |
16:17 | 總是,我ê手無暴虐;我ê祈禱mā是清氣。 | 註釋 串珠 原文 典藏 |
16:18 | 地ah,m̄ thang遮蓋我ê血;願我ê大聲hoah無停歇ê所在。 | 註釋 串珠 原文 典藏 |
16:19 | 你看,taⁿ我ê見證tī天裡,我保認ê人tī頂面。 | 註釋 串珠 原文 典藏 |
16:20 | 我ê朋友khau洗我,總是,我ê目chiu ǹg上帝流目屎。 | 註釋 串珠 原文 典藏 |
16:21 | 願伊ǹg上帝來替人辯明,mā替人ê kiáⁿ tī伊ê厝邊辯明。 | 註釋 串珠 原文 典藏 |
16:22 | 因為koh過幾年,我beh去行hit條去無koh倒tńg來ê路。 | 註釋 串珠 字典 原文 典藏 |