尼希米記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
10:1 Khàm ìn ê sī Ha-ka-liah ê kiáⁿ — chóng-tok Nî-hí-miah kah Che-ti-kiah;
10:2 Se-la-iah, A-cha-lí-ah, I-é-lí-miah,
10:3 Pa-si-hul, A-ma-lí-ah, Mal-ki-iah,
10:4 Hat-tu-sih, Si-ba-niah, Mal-luk,
10:5 Ha-lîm, Me-le-mo͘t, Ô-bá-tí-ah,
10:6 Ta-ni-el, Gin-ne-thóng, Pa-lo-sih,
10:7 Me-siu-lám, A-bi-iah, Mi-iá-mín,
10:8 Má-chiah, Bil-gai, Si-má-iah; téng-bīn chiahê sī chè-si.
10:9 Koh ū Lē-bī lâng, to̍h-sī A-chan-niah ê kiáⁿ E-siu-ah, He-ná-tat ê kiáⁿ Bin-núi, Kat-mi-el;
10:10 iáu ū in ê hiaⁿ-tī Si-ba-niah, Ho͘-te-iah, Ke-li-thah, Phe-la-iah, Ha-nan,
10:11 Mi-ka, Le-hap, Ha-sia-biah,
10:12 Cha̍k-khul, Se-le-biah, Si-ba-niah,
10:13 Ho͘-te-iah, Ba-nî, Be-ni-nuh.
10:14 Koh ū jîn-bîn ê thâu-lâng, to̍h-sī Pa-lo-sih, Pa-hat-mo͘-ap, Ê-lám, Chat-thó͘, Ba-nî,
10:15 Bun-nî, A-chu-gat, Be-bái,
10:16 A-to-nî-iah, Bik-bai, A-tin,
10:17 A-tel, Hi-che-kia, A-chù-l,
10:18 Ho͘-te-iah, Ha-siúm, Be-chái,
10:19 Ha-la̍h, A-ná-thot, No͘-bái,
10:20 Mak-pi-a-sih, Me-siu-lám, He-chil,
10:21 Me-si-cha-bel, Cha-tok, Ia-tu-ah,
10:22 Pe-la-tiah, Ha-nan, A-ná-iah,
10:23 Hô-sè-a, Ha-na-niah, Ha-siup,
10:24 Ha-lo͘-he-sih, Be-lī-hap, Sio-bek,
10:25 Le-hóm, Ha-siap-nah, Ma-a-se-iah,
10:26 A-hi-iah, Ha-nan, A-lâm,
10:27 Mal-luk, Ha-lîm, Ba-nah.
10:28 Iok ê Lāi-iông
Kî-tha ê jîn-bîn, chè-si, Lē-bī lâng, kò͘-mn̂g ê, chhiùⁿ koa ê, Na-thi-in, í-ki̍p só͘-ū kah lia̍t pang ê jîn-bîn keh-khui lâi kui-ho̍k Siōng-tè ê lu̍t-hoat ê lâng kah in ê bó͘, in ê kiáⁿ, in ê chabó͘ kiáⁿ, í-ki̍p só͘-ū ē liáu-kái ē bêng-pe̍k ê lâng,
10:29 lóng kiat-liân in ê hiaⁿ-tī kah in ê kùi-cho̍k, chiù-chó͘ koh chiùchōa beh chun-thàn Siōng-chú ê lu̍t-hoat, to̍h-sī Siōng-tè ê lô͘-po̍k Mô͘-se só͘ thoân-siū ê, chip-siú chun-thàn Siōng-chú — lán ê Chú it-chhè ê kài-bēng, hoat-tō͘ kah lu̍t-lē;
10:30 mā bô beh kā goán ê chabó͘ kiáⁿ kè hō͘ chit só͘-chāi ê jîn-bîn, mā bô beh ūi goán ê kiáⁿ chhōa in ê chabó͘ kiáⁿ.
10:31 Chit só͘-chāi ê jîn-bîn nā tī An-hioh-ji̍t tòa hòe-bu̍t á-.sī ngó͘-kok lâi bē, goán tī An-hioh-ji̍t á-.sī sèng-ji̍t, goán bô beh kā in bé. Kàu tē-chhit nî, bô beh chèng-choh, kiàn-nā khiàm goán ê lâng, goán bô beh kā i thó.
10:32 Goán koh ūi kakī tiāⁿ tio̍h kui-lē, ta̍k nî ta̍k lâng tio̍h la̍p si-khel ê saⁿ-hūn chi-it, chò goán ê Siōng-tè tiān ê lō͘-ēng,
10:33 Chiū-sī ūi tio̍h pâi-lia̍t ê piáⁿ kah tiāⁿtiāⁿ hiàn ê sò͘-chè, kah tiāⁿtiāⁿ hiàn ê sio-chè, kah An-hioh-ji̍t, goe̍h ê chhe-it ê cheh-kî só͘ hiàn ê, kah sèng ê mi̍h, í-ki̍p sio̍k-chōe ê chè, to̍h-sī ūi I-su-la-el lâng sio̍k-chōe ê, í-ki̍p goán Siōng-tè tiān lāi it-chhè ê lō͘-ēng.
10:34 Goán chiahê chè-si, Lē-bī lâng kah jîn-bîn liam-khau, chiàu goán ê chong-cho̍k, tī ta̍k nî tiāⁿ tio̍h ê sî, tòa hiàn chè ê chhâ lâi-kàu goán Siōng-tè ê tiān, sio tī Siōng-chú — goán Siōng-tè ê tôaⁿ, chiàu lu̍t-hoat só͘ kì-chài ê lâi kiâⁿ.
10:35 Jî-chhiáⁿ ta̍k nî kā goán tē-chiūⁿ khí-thâu se̍k ê lông-sán-bu̍t kah ta̍k chióng chhiū khí-thâu se̍k ê kóe-chí, tòa lâi-kàu Siōng-tè ê tiān.
10:36 Koh chiàu lu̍t-hoat só͘ kì-chài, kā goán ê kiáⁿ kah chengseⁿ khí-thâu seⁿ ê, í-ki̍p gû-kûn, iûⁿ-kûn khí-thâu seⁿ ê, tòa lâi-kàu goán Siōng-tè ê tiān, lâi-kàu goán Siōng-tè ê tiān lāi teh ho̍k-sāi ê chè-si;
10:37 mā kā goán khí-thâu chhut ê mī-hún kah goán ê kí-chè ê lé-mi̍h, í-ki̍p ta̍k chióng chhiū ê kóe-chí, sin chiú kah iû, tòa-lâi hō͘ chè-si, siu ji̍p-khì tī goán Siōng-tè ê tiān ê khò͘-pâng, kā goán tē-chiūⁿ só͘ siu-sêng ê cha̍p-hūn chi-it hō͘ Lē-bī lâng, in-ūi Lē-bī lâng tī goán só͘-ū chhut lông-sán-bu̍t ê siâⁿ tit tio̍h cha̍p-hūn chi-it.
10:38 Lē-bī lâng chhú cha̍p-hūn chi-it ê sî, A-lông ê kiáⁿ-sun tiong ê chè-si tio̍h ū chi̍t-ê kah Lē-bī lâng tông-chāi. Lē-bī lâng mā tio̍h kā cha̍p-hūn chi-it ê cha̍p-hūn chi-it tòa lâi-kàu goán Siōng-tè ê tiān, lâi-kàu pâng-keng, siu ji̍p-khì khò͘-pâng.
10:39 In-ūi I-su-la-el lâng kah Lē-bī lâng tio̍h kā in hiàn chè ê ngó͘-kok, sin chiú kah iû, tòa kàu siu-chông sèng-só͘ ê khì-kū ê pâng-keng, to̍h-sī tam-tng chit ê chè-si, kò͘-mn̂g ê kah chhiùⁿ koa ê teh tòa ê pâng-keng. Án-ne, goán chiū bô beh pàng-sak goán Siōng-tè ê tiān.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。