尼希米記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
3:1 重建城牆
Hit時，大祭司以利亞實kah伊ê兄弟hiahê祭司，起來起造羊門，kā它分別做聖，安hitê門扇，to̍h是到Ha-me-ah ê守更樓，mā到Ha-na-nel ê守更樓，lóng分別做聖。
3:2 續接伊ê是耶利哥城人起造；續接伊ê是Im-lī ê kiáⁿ撒刻起造。
3:3 Hap-se-ná hiahê kiáⁿ起造魚門；hē它ê楹，安它ê門扇kah它ê鎖、它ê門閂（chhòaⁿ）。
3:4 續接伊ê是哈歌斯ê孫，烏利亞ê kiáⁿ米利末修理。續接伊ê是Bí-sī-sat-pia̍t ê孫，比利家ê kiáⁿ米書蘭修理。續接伊ê是巴拿ê kiáⁿ撒督修理。
3:5 續接伊ê是提哥亞人修理；總是，in ê貴族無擔當in ê主ê工。
3:6 Pa-se-a ê kiáⁿ耶何耶大，kah Pí-só͘-tāi ê kiáⁿ米書蘭修理舊門，hē它ê楹á，安它ê門扇、它ê鎖kah它ê門閂。
3:7 續接伊ê是基遍人Bí-la̍h-thê、Me-lóng人Ngá-tùn kah基遍人，以及屬河外ê總督所管ê米斯巴人修理。
3:8 續接伊ê是金匠Hal-ha-iah ê kiáⁿ烏薛修理；續接伊ê是做芳料ê哈拿尼雅修理。Chiahê人堅固耶路撒冷，直到闊ê牆。
3:9 續接伊ê是管理耶路撒冷ê一半ê，戶珥ê kiáⁿ利法雅修理。
3:10 續接伊ê是Ha-lu-ma-huh ê kiáⁿ耶大雅，tī kakī ê厝對面修理。續接伊ê是Ha-siap-niah ê kiáⁿ哈突修理。
3:11 哈琳ê kiáⁿ瑪基雅kah巴哈摩押ê kiáⁿ哈突修理一段，以及火爐ê樓。
3:12 續接伊ê是管理耶路撒冷hit一半ê。Ha-lo͘-he-sih ê kiáⁿ沙龍kah伊hiahê chabó͘ kiáⁿ修理。
3:13 Tòa tī哈嫩kah撒羅亞ê人民修理山谷ê門，kā它起造，安它ê門扇、它ê鎖kah它ê門閂，以及城牆一千肘，直到糞埽ê門。
3:14 管理Bia̍t-ha-ke-lém地ê利甲ê kiáⁿ瑪基雅修理糞埽門，kā它起造，安它ê門扇kah它ê鎖、它ê門閂。
3:15 管理米斯巴地ê Kol-ho-cheh ê kiáⁿ沙崙修理水泉ê門；kā它起造，kā它蓋，安它ê門扇kah它ê鎖、它ê栱，以及óa近王ê園ê西羅亞池ê牆，直到hitê tùi大衛城落來ê崎á。
3:16 續接伊ê是管理Biat-chul地ê一半，A-chu-buk ê kiáⁿ尼希米修理，直到大衛墳墓ê對面，koh到開好ê池，以及勇士ê厝。
3:17 造城牆ê利未人
續接伊ê是利未人巴尼ê kiáⁿ利宏修理。續接伊ê是管理基伊拉地ê一半。哈沙比雅為伊所治理ê地來修理。
3:18 續接伊ê to̍h是in ê兄弟，管理基伊拉地hit一半，He-ná-tat ê kiáⁿ Ba-óa-i修理。
3:19 續接伊ê是管理米斯巴ê，耶書亞ê kiáⁿ E-chel修理一段，to̍h是tī上去軍裝局ê對面oat角ê所在。
3:20 續接伊ê是Cha-bái ê kiáⁿ巴錄，盡力修理一段，tùi oat角到大祭司以利亞實厝ê門。
3:21 續接伊ê是哈歌斯ê孫，烏利亞ê kiáⁿ米利末修理一段，tùi以利亞實厝ê門，直到以利亞實厝ê盡頭。
3:22 造城牆ê祭司
續接伊ê是tòa tī平原ê人hiahê祭司修理。
3:23 續接伊ê是便雅憫kah哈述tī伊ê厝ê對面修理。續接伊ê是A-na-niah ê孫瑪西雅ê kiáⁿ亞撒利雅tī伊ê厝ê附近修理。
3:24 續接伊ê是He-ná-tat ê kiáⁿ賓內修理一段，tùi亞撒利雅ê厝，到oat角，koh到城角。
3:25 U-chài ê kiáⁿ巴拉tī oat角ê對面，kah王ê koân ê厝phòng出來ê守更樓，óa近護衛ê院hit一段。續接伊ê是巴錄ê kiáⁿ毗大雅修理。
3:26 (尼提寧tiàm tī俄斐勒，到ǹg東水門ê對面，kah phòng出來ê守更樓。)
3:27 其他起造ê人
續接伊ê是提哥亞人koh修理一段，tī hitê phòng出來ê大樓對面，直到俄斐勒ê牆。
3:28 Tī馬ê門ê頂面，hiahê祭司ta̍k个tī伊ê厝ê對面修理。
3:29 續接伊ê是音麥ê kiáⁿ撒督，tī kakī ê厝ê對面修理。續接伊ê是顧守東門示迦尼ê kiáⁿ示瑪雅修理。
3:30 續接伊ê是示利米雅ê kiáⁿ 哈拿尼雅，kah撒拉ê第六kiáⁿ哈嫩koh修理一段。續接伊ê是比利家ê kiáⁿ米書蘭，tī伊ê房間ê對面修理。
3:31 續接伊ê是金匠瑪基雅修理到尼提寧kah senglí人ê厝，tī Ha-mi-hu-kat門ê對面，直到城角ê樓。
3:32 金匠kah senglí人修理，tùi城角ê樓到羊門。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。