以斯拉記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
8:1 Tùi Liû-bông Tńg-.lâi ê Lâng
Al-ta-siá-su-ta ông chē-ūi ê sî kah góa tùi Ba-bú-lông tńg-.lâi ê lâng, in ê cho̍k-tiúⁿ kah in ê sè-hē, kì tī ē-bīn:
8:2 Sio̍k Hui-ne-hah ê kiáⁿ-sun ū Kel-sióng, sio̍k I-tha-mal ê kiáⁿ-sun ū Ta-ni-el, sio̍k Ta-bi̍t ê kiáⁿ-sun ū Hat-tu-sih,
8:3 sio̍k Pa-lo-sih ê kiáⁿ-sun, to̍h-sī Si-ka-niah ê kiáⁿ-sun, ū Cha-kha-lī-a kah i chò-hóe lâi ê, chiàu sè-hē lâi sǹg, ū chapo͘ teng chi̍t-pah gō͘-cha̍p lâng.
8:4 Sio̍k Pa-hat-mo͘-ap ê kiáⁿ-sun ū Che-la-hi-ah ê kiáⁿ E-lio-e-nái kah i chò-hóe lâi ê, ū chapo͘ teng nn̄g pah lâng.
8:5 Sio̍k Si-ka-niah ê kiáⁿ-sun ū Ia-ha-chi-el ê kiáⁿ kah i chò-hóe lâi ê, ū chapo͘ teng saⁿ pah lâng.
8:6 Sio̍k A-tin ê kiáⁿ-sun, ū Io-ná-than ê kiáⁿ E-biat kah i chò-hóe lâi ê, ū chapo͘ teng gō͘ cha̍p lâng.
8:7 Sio̍k Ê-lám ê kiáⁿ-sun, ū A-tha-lí-iah ê kiáⁿ E-siu-ah kah i chò-hóe lâi ê, ū chapo͘ teng chhit cha̍p lâng.
8:8 Sio̍k Si-hoa-ti-ah ê kiáⁿ-sun, ū Mî-khá-el ê kiáⁿ Che-ba-tiah kah i chò-hóe lâi ê, ū chapo͘ teng peh-cha̍p lâng.
8:9 Sio̍k Io-ap ê kiáⁿ-sun, ū Ia-chi-el ê kiáⁿ Ô-bá-tí-ah kah i chò-hóe lâi ê, ū chapo͘ teng nn̄g-pah cha̍p-peh lâng.
8:10 Sio̍k Si-ló-mi̍t ê kiáⁿ-sun, ū Io-si-phiah ê kiáⁿ kah i chò-hóe lâi ê, ū chapo͘ teng chi̍t-pah la̍k-cha̍p lâng.
8:11 Sio̍k Be-bái ê kiáⁿ-sun, ū Be-bái ê kiáⁿ Cha-kha-lī-a kah i chò-hóe lâi ê, ū chapo͘ teng jī-cha̍p peh lâng.
8:12 Sio̍k A-chu-gat ê kiáⁿ-sun, ū Hak-ka-than ê kiáⁿ Io-ha-nân kah i chò-hóe lâi ê, ū chapo͘ teng chi̍t-pah cha̍p lâng.
8:13 Sio̍k A-to-ni-kam ê kiáⁿ-sun, to̍h-sī lō͘-bóe ê, in ê miâ sī E-li-hoe-lia̍t, E-i-el, Si-má-iah kah in chò-hóe lâi ê, ū chapo͘ teng la̍k-cha̍p lâng.
8:14 Sio̍k Bik-bai ê kiáⁿ-sun, ū U-thài kah Chap-put kah in chò-hóe lâi ê, ū chapo͘ teng chhit-cha̍p lâng.
8:15 E-chu-la̍h Ūi Sèng-tiān Ho͘-tiàu Lē-bī Lâng
Góa chio-chi̍p chiahê lâng tī lâu ji̍p A-ha-oah ê hô piⁿ, goán tī hia tòa tī pò͘-pêⁿ saⁿ ji̍t. Góa cha-khòaⁿ jîn-bîn kah chè-si, khòaⁿ bô Lē-bī lâng tī hia.
8:16 Góa chhe lâng tiàu hiahê thâu-lâng, to̍h-sī E-lí-e-chel, A-li-el, Si-má-iah, El-ná-than, Ia-lip, El-ná-than, Ná-than, Cha-kha-lī-a, Me-siu-lám, koh tiàu kàu-oân Io-iá-lip kah El-ná-than.
8:17 Góa chhe in khì Ka-se-húi-ngá ê só͘-chāi, kìⁿ hit-ê thâu-lâng It-tó͘, koh kā in kóng, in tī Ka-si-phi-ah ê só͘-chāi tio̍h tùi It-tó͘ kah i ê hiaⁿ-tī Na-thi-in kóng siáⁿ-mi̍h ōe kah in ūi lán Siōng-tè ê tiān chhōa chhe-ēng ê lâng lâi.
8:18 Tit tio̍h lán ê Siōng-tè si un ê chhiú pang-chān goán, in tī I-su-la-el ê kan-á-sun, Lē-bī ê sun, Mak-lī ê kiáⁿ-sun tiong-kan, chhōa chi̍t-ê thong-ta̍t ê lâng lâi, koh ū Se-le-biah kah i hiahê kiáⁿ, kah i ê hiaⁿ-tī, kiōng cha̍p-peh lâng.
8:19 Koh ū Ha-sia-biah kah i chò-hóe lâi ê, ū Me-la-lih ê kiáⁿ-sun, E-siu-ah kah i ê hiaⁿ-tī kah in ê kiáⁿ, kiōng jī-cha̍p lâng.
8:20 Koh chhōa Na-thi-in lâng lâi, to̍h-sī chêng Ta-bi̍t kah chiahê siú-léng só͘ phài chò Lē-bī lâng ê chhe-ēng-ê, kiōng nn̄g-pah jī-cha̍p-ê Na-thi-in, in ê miâ lóng ū teng-kì.
8:21 E-chu-la̍h Chhōa Jîn-bîn Kìm-chia̍h Kî-tó
Hit sî, goán tī A-ha-oah ê hô piⁿ soan-pò͘ kìm-chia̍h, thang hō͘ goán tī lán ê Siōng-tè ê bīn-chêng kakī khiam-pi, kiû I hō͘ goán kah goán ê gín'á, kah it-chhè só͘-ū ê, lóng tit tio̍h pêⁿ-tháⁿ ê lō͘.
8:22 In-ūi kiû ông poah chi̍t tūi pō͘-peng kah bé-peng, pang-chān goán tī lō͘-.ni̍h tí-tòng tùi-te̍k, góa lia̍h-chò kiàn-siàu; in-ūi goán bat tùi ông kóng, " Goán ê Siōng-tè ê chhiú ē pó-hō͘ só͘-ū tùi I kî-kiû ê lâng; to̍k-to̍k I ê lêng-le̍k kah siū-khì kong-kek só͘-ū khì-sak I ê lâng. "
8:23 Só͘-í, goán ūi tio̍h ánne kìm-chia̍h, kiû goán ê Siōng-tè, I chiū thiaⁿ goán ê kî-kiû.
8:24 Ūi Sèng-tiān Hiàn ê Lé-mi̍h
Chiū ánne, góa hun-phài chè-si ê thâu-lâng cha̍p-jī-ê, to̍h-sī Se-le-biah, Ha-sia-biah kah in ê hiaⁿ-tī cha̍p lâng.
8:25 Góa chiū kā lán Siōng-tè tiān ê lé-mi̍h, to̍h-sī kim-gîn kah hiahê khì-kū, sī ông kah i ê bô͘-sū, i ê siú-léng kah tī hia ê I-su-la-el jîn-bîn só͘ hiàn ê, lóng chhìn lâi kau in.
8:26 Góa chiū chhìn lâi kau tī in ê chhiú, ū gîn la̍k pah tha-lan-t, gîn-khì tāng chi̍t pah tha-lan-t kah kim chi̍t pah tha-lan-t;
8:27 kim óaⁿ jī-cha̍p tè, tāng chi̍t-chheng ta-lik （ Chù, tāng-liōng kah kè-ta̍t ( kim-á, chîⁿ )ê tan-ūi, téng-î 4.32 kong-khek）, koh ū kim nà-nà ê hó tâng-khì nn̄g tè, pó-kùi kah ná chhin-chhiūⁿ kim.
8:28 Góa tùi in kóng, " Lín chò sèng kui Siōng-chú, chiahê khì-kū mā sī sèng, hiahê kim-gîn sī kam-sim hiàn hō͘ Siōng-chú — lín chó͘-sian ê Siōng-tè ê.
8:29 Lín tio̍h kín-sīn kò͘-siú, it-ti̍t kàu lín tī Ê-lú-sa-lèm Siōng-chú tiān ê pâng lāi, tī chè-si ê thâu-lâng kah Lē-bī lâng, í-ki̍p I-su-la-el hiahê cho̍k-tiúⁿ ê bīn-chêng kā i chhìn. "
8:30 Chiū ánne, chè-si Lē-bī lâng siu kim-gîn kah khì-kū, chiàu in ê khin-tāng, beh tòa kàu Ê-lú-sa-lèm lán Siōng-tè ê tiān.
8:31 Tńg-lâi Ê-lú-sa-lèm
Chiaⁿ-goe̍h cha̍p-jī, goán lī-khui A-ha-oah ê hô piⁿ, beh khì Ê-lú-sa-lèm. Lán ê Siōng-tè ê chhiú pó-hō͘ goán, kiù goán thoat-lī tùi-te̍k kah bâi-ho̍k tī lō͘-.ni̍h ê lâng ê chhiú.
8:32 Goán lâi-kàu Ê-lú-sa-lèm, tī hia tòa saⁿ ji̍t.
8:33 Kàu tē-sì ji̍t, tī lán Siōng-tè ê tiān, chhìn hiahê kim-gîn kah khì-kū, kau tī chè-si U-lī-a ê kiáⁿ Me-le-mo͘t ê chhiú. Kah i chò-hóe lâi ê ū Hui-ne-hah ê kiáⁿ Ê-lī-a-chal, koh kah in chò-hóe lâi ê, ū Lē-bī lâng E-siu-ah ê kiáⁿ Io-cha-bat kah Bin-núi ê kiáⁿ No-a-tiah.
8:34 It-chhè chiàu in ê sò͘-gia̍h, chiàu in ê khin-tāng kau hō͘ i, tong-sî mā kì in ê khin-tāng.
8:35 Siū-lia̍h ê lâng tùi siū lia̍h ê tiong-kan tńg-.lâi ê, hiàn sio-chè hō͘ I-su-la-el ê Siōng-tè, to̍h-sī ūi I-su-la-el jîn-bîn hiàn gû-káng cha̍p-jī chiah, mî-iûⁿ-káng káu-cha̍p la̍k chiah, mî-iûⁿ-á chhit-cha̍p chhit chiah, koh hiàn soaⁿ-iûⁿ-káng cha̍p-jī chiah chò sio̍k-chōe ê chè. Chiahê lóng sī chò sio-chè hiàn hō͘ Siōng-chú ê.
8:36 In kā ông ê jū-chí kau hō͘ ông ê jîn-sîn kah tī hô gōa hiahê chóng-tok, in chiū pang-chān jîn-bîn kah Siōng-tè ê tiān.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。