歷代志下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
35:1 約西亞過Pôaⁿ過節
(王下23：21-23)
約西亞tī耶路撒冷守Pôaⁿ過節，服事上主。正月十四，人民thâi Pôaⁿ過節ê羊á。
35:2 王派chiahê祭司當in ê職，koh勉勵in做上主殿ê工。
35:3 Koh對hiahê歸tī上主做聖，教示以色列人ê利未人，講：「Lín tio̍h kā聖ê約櫃hē tī以色列王大衛ê kiáⁿ所羅門所起ê殿內，m̄免lín用肩胛頭扛。Taⁿ lín tio̍h服事上主—lín ê上帝，kah祂ê子民—以色列人。
35:4 Lín tio̍h kakī 準備，照lín ê宗族，lín ê班列來遵thàn以色列王大衛所記ê，kah伊ê kiáⁿ所羅門所記ê。
35:5 Khiā tī聖ê所在照lín ê兄弟，to̍h是chiahê人民宗族ê房頭，tio̍h有利未人宗族ê一組來kā祂服事。
35:6 Tioh8thâi Pôaⁿ過節ê羊羔，kakī 清氣，為tio̍h lín ê兄弟準備好勢，thang照上主託摩西所講ê來行。」
35:7 約西亞tùi kui群ê中間，綿羊á kah山羊á共三萬隻，以及牛káng三千隻hō͘所有做伙tī hia ê人民做Pôaⁿ過節ê祭物。Chiahê是tùi王ê產業取來ê。
35:8 伊hiahê首領mā歡喜the̍h出來hō͘人民kah祭司以及利未人。Hiahê管理上主ê殿ê希勒家、撒迦利亞、耶悅，用羊á二千六百隻kah牛三百隻，hō͘祭司做Pôaⁿ過節ê祭物。
35:9 利未人hiahê頭目Ko-na-ni-iah kah伊ê兄弟示瑪雅、拿坦業、哈沙比雅、耶利kah約薩拔，用羊á五千隻，牛五百隻，hō͘利未人做Pôaⁿ過節ê祭物。
35:10 Án-ne，服事ê tāichì lóng準備好勢。祭司khiā tī伊ê位，利未人khiā tī in ê班列，照王所命令ê。
35:11 Inthâi Pôaⁿ過節ê羊á，祭司tùi in ê手接血來hiù，利未人剝hiahê皮，
35:12 mā kā燒祭移徙，thang照人民宗族ê房頭分hō͘ in thang獻hō͘上主，照摩西ê冊所記ê；處理hiahê牛mā是ánne。
35:13 In照定tio̍h ê例，用火煏Pôaⁿ過節ê羊á。Hiahê祭物用鼎、用鍋、用缽來煮了後，就趕緊帶去hō͘眾人。
35:14 然後為kakī kah祭司準備，因為祭司亞倫ê kiáⁿ孫專心獻燒祭kah油，直到ê-hng。所以，利未人為kakī ，mā為祭司亞倫ê kiáⁿ孫準備hiahê祭物。
35:15 唱歌ê亞撒ê kiáⁿ孫，khiā tī in ê位，照大衛、亞撒、希幔kah王ê先見耶杜頓所命令ê，顧門ê人顧守ta̍k个門，in m̄免離開in ê工，因為in ê兄弟利未人有替in準備。
35:16 當hit日，服事上主ê tāichì lóng準備好勢，mā守Pôaⁿ過節，mā獻燒祭tī上主ê壇，照約西亞王所命令ê。
35:17 Hit時，做伙tī hia ê以色列人守Pôaⁿ過節，mā守除酵節，經過七工。
35:18 Tùi撒母耳先知ê日以後，tī以色列中無有親像chit時所守ê Pôaⁿ過節；而且以色列列王mā lóng無親像約西亞、祭司kah利未人，以及同在ê偤大，kah以色列人，kah tòa tī耶路撒冷ê人民所守ê ánne teh守Pôaⁿ過節。
35:19 Tī約西亞做王十八年，就守chitê Pôaⁿ過節。
35:20 約西亞ê統治結束
(王下23：28-30)
Chiahê tāichì以後，約西亞已經kā殿修整了後，有埃及王尼哥起來，beh phah幼發拉底河邊ê Ka-ki-bí-si。約西亞to̍h出去kā伊抵擋。
35:21 伊差使者來見約西亞講：「偤大王，我kah你有啥物牽連？我今á日來m̄是beh攻擊你，是beh攻擊kah我交戰ê家，而且上帝吩咐我tio̍h趕緊，你m̄ thang chhap上帝ê tāichì，免得祂kā你剿滅，因為上帝kah我同在。」
35:22 總是，約西亞m̄肯oa̍t tńg來離開伊，改妝beh來kah伊交戰，m̄聽上帝託尼哥所講出ê話，to̍h來到米吉多ê山谷交戰。
35:23 射箭ê人射tio̍h約西亞王，王對伊ê人臣講：「帶我出去，因為我受重傷à！」
35:24 伊ê人臣扶伊出hit台車，hē tī伊ê第二台車，載伊到耶路撒冷，伊to̍h死，in kā伊埋葬tī伊ê祖先hiahê墓。偤大kah耶路撒冷lóng為tio̍h約西亞哀傷。
35:25 耶利米為約西亞哀傷，hiahê唱歌ê男女tī in ê哀詞lóng有講起約西亞，到tī今á日，koh tī以色列中用chiahê做定tio̍h ê例。你看，hiahê lóng記tī哀詞中。
35:26 約西亞其他ê tāichì kah伊照上主律法所記來行ê好事，
35:27 以及伊tùi頭到尾所行ê tāichì，你看，lóng記tī以色列kah偤大列王ê記錄中。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。