歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
26:1 聖殿ê守衛
顧門ê班列記tī下底：可拉族亞撒ê kiáⁿ孫中間，有Kho-lē ê kiáⁿ Me-si-le-miah。
26:2 Me-si-le-miah有kiáⁿ，大ê是撒迦利亞，第二个是耶疊，第三个是西巴第雅，第四个是Iat-ni-el，
26:3 第五个是以攔，第六个是約哈難，第七个是以利約乃。
26:4 俄別以東有kiáⁿ，大ê是示瑪雅，第二个是約薩拔，第三个是約亞，第四个是Sa-kal，第五个是拿但業，
26:5 第六个是亞米利，第七个是以薩迦，第八个是Phi-u-le-thái，因為上主有kā伊賜福。
26:6 伊ê kiáⁿ示瑪雅有生幾nā个kiáⁿ，是掌管in老父ê家，因為in lóng是大勇士。
26:7 示瑪雅ê kiáⁿ是Ot-nî、Le-hoa-el、俄備得、El-cha-bat，伊ê兄弟是勇士，koh有以利戶kah Se-ma-khiah。
26:8 Chiahê是俄別以東 ê kiáⁿ孫，in kah in ê kiáⁿ in ê兄弟lóng是勇士，有氣力gâu辦tāichì ê，共六十二人，lóng是俄別以東生ê。
26:9 Me-si-le-miah ê kiáⁿ kah兄弟lóng是勇士，共十八人。
26:10 屬tī米拉利ê kiáⁿ孫何薩有幾nā个kiáⁿ，大ê是Sim-lī，伊本m̄是大kiáⁿ，總是，in老父設立伊做大kiáⁿ。
26:11 第二个是希勒家，第三个是Te-ba-liah，第四个是撒迦利亞。Án-ne，何薩ê kiáⁿ kah兄弟共十三人。
26:12 Tī chiahê人，to̍h是頭人ê中間，分派顧門ê班列，擔當職務，kah伊ê兄弟相siâng，tī上主ê殿來服事。
26:13 In無論大細，lóng照in ê宗族抽籤，顧守ta̍k个門。
26:14 抽籤顧守東門ê是示利米雅，伊ê kiáⁿ撒迦利亞是精通ê謀士，人kā伊抽籤來顧守北門。
26:15 俄別以東守南門，伊ê kiáⁿ守庫房。
26:16 Siu-phìm kah何薩顧守西門，tī óa近Sia-le-kiat門，透到上去ê街路，班kah班相對。
26:17 Tī東pêng有六個利未人，tī北pêng ta̍k日有四個人，tī南pêng ta̍k日有四個人，tī庫房有兩人，koh有兩人相替換。
26:18 Tī Pal-bal ê西pêng，tī大街路有四個人，tī Pal-bal有兩 个人。
26:19 Chiahê是可拉ê kiáⁿ孫kah米拉利ê kiáⁿ孫顧門ê班列。
26:20 聖殿其他ê職務
利未人ê中間，亞希雅管理上主殿ê金庫kah聖物ê金庫。
26:21 講tio̍h拉但ê kiáⁿ孫，to̍h是革順人拉但 ê kiáⁿ孫，lóng是族長，chitê拉但是革順人，伊ê kiáⁿ是E-hi-e-lī。
26:22 E-hi-e-lī ê kiáⁿ Se-thán kah伊ê小弟約珥，掌管上主殿內ê金庫。
26:23 暗南族、以斯哈族、希伯崙族、烏薛族，mā lóng有職份。
26:24 Koh有摩西ê孫，革順ê kiáⁿ Si-pu-el管理金庫。
26:25 Iáu有伊ê兄弟以利以謝。以利以謝ê kiáⁿ Le-ha-biah，Le-ha-biah ê kiáⁿ是耶書亞，耶書亞 ê kiáⁿ是約南，約南ê kiáⁿ是細基利，細基利ê kiáⁿ是示羅密。
26:26 Chitê示羅密kah伊ê兄弟掌管聖物ê金庫，to̍h是大衛王kah眾族長、營長、連長kah軍長所獻ê。
26:27 In用交戰ê時所搶ê物來獻，thang修整上主ê殿。
26:28 先見撒母耳，基士ê kiáⁿ掃羅，尼珥ê kiáⁿ押尼珥，洗魯雅ê kiáⁿ約押所獻ê物，kah見若有所獻ê物，lóng歸示羅密kah伊ê兄弟管理。
26:29 其他利未人ê職務
以斯哈族有Ke-na-niah kah伊ê眾kiáⁿ做官長kah士師，管理以色列ê外事。
26:30 希伯崙族有哈沙比雅kah伊ê兄弟一千七百人，lóng是勇士，治理約旦河外西pêng ê以色列人，管理上主ê tāichì kah服事王ê職務。
26:31 Tī希伯崙族中間，有Ia-li-iah做頭，to̍h是tī希伯崙族中間照伊祖先ê世系，tī大衛坐位ê第四十年，tī基列ê雅薛，chhōe tio̍h in中間幾nā个大勇士。
26:32 伊ê兄弟有勇敢做族長ê二千七百人，大衛王派chiahê人管轄流便、迦得、瑪拿西半支族，來辦理上帝所有ê tāichì kah王ê tāichì。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。