創世記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
37:1 約瑟kah伊ê兄弟
雅各tòa迦南地，to̍h是伊ê老父寄腳ê所在。
37:2 雅各ê世系記tī下底：約瑟十七歲，kah伊hiahê阿兄做伙顧羊。伊是一个gín-á，kah伊ê老父ê細姨辟拉ê kiáⁿ悉帕ê kiáⁿ，tiāⁿ-tiāⁿ 做陣。約瑟kā伊hiahê阿兄ê pháiⁿ品行kā in老父講。
37:3 Taⁿ以色列疼約瑟khah贏過疼伊其他ê眾kiáⁿ，因為約瑟是伊年老ê時生ê。伊kā約瑟做一領彩色ê衫。
37:4 約瑟hiahê阿兄看tio̍h老父khah疼約瑟，就怨恨約瑟，m̄ kah伊講和睦ê話。
37:5 約瑟夢見一个夢，kā伊hiahê阿兄講，in to̍hkoh khah怨恨伊。
37:6 約瑟對in講：「請lín聽我所夢見ê夢：
37:7 咱tī園裡縖五穀，我所縖ê會khiā起來，lín所縖ê就圍óa來拜我所縖ê。」
37:8 伊ê阿兄應講：「Kám講你真正beh做阮ê王？真正beh kā阮管轄？」Into̍h為tio̍h伊ê夢kah伊ê話，koh khah怨恨伊。
37:9 後來，伊koh夢見一个夢，mā kā伊ê阿兄講：「你看，我又koh夢見一个夢：有日、月kah十一粒星teh拜我。」
37:10 約瑟kā伊ê老父kah伊ê阿兄講，in老父to̍h kā伊責備，講：「你所夢見chitê夢是啥物夢？Kám講我kah lín老母、lín兄弟，lóng tio̍h仆teh kā你拜？」
37:11 約瑟ê阿兄lóng怨妒伊，伊ê老父kā chiahê話記tī心內。
37:12 約瑟Hông賣去埃及
約瑟ê阿兄去示劍，飼老父ê羊。
37:13 以色列對約瑟講：「Lín阿兄kám m̄是tī示劍teh飼羊？你來，我beh差你去in hia。」約瑟應講：「我tī chia。」
37:14 以色列kā伊講：「你去看lín阿兄有平安á無，羊群有平安á無，然後tńg來kā我講。」以色列to̍h差伊出希伯崙ê山谷。約瑟to̍h去到示劍，
37:15 有人tn̄g tio̍h伊tī山裡迷路，to̍h問伊講：「你teh chhōe啥物？」
37:16 伊講：「我teh chhōe我ê阿兄，請kā我講，in tī tó位teh飼羊？」
37:17 Hitê人講：「In已經離開chia，因為我聽tio̍h in teh講：咱來去To-than。」約瑟to̍h去jiok伊ê阿兄，tī To-than tú tio̍h in。
37:18 In遠遠看tio̍h約瑟。伊iáu未行到in hia，in to̍h做伙計謀beh kā伊害死。
37:19 In大家做伙講：「你看，做夢ê來à。
37:20 來，taⁿ咱來kā伊thâi死，hiat tī一口乾井，然後chiah來講伊是hō͘野獸食去。咱chiah來看伊ê夢將來ē變án怎？」
37:21 流便聽tio̍h，to̍h想beh救伊脫離in ê手，講：「咱m̄ thang害死伊ê性命。」
37:22 流便koh對in講：「M̄-thang hō͘伊流血。Kā伊hiat落去chitê曠野ê乾井，m̄ thang下手kā伊害死。」伊ê意思是beh救約瑟脫離in ê手，hō͘伊ē tàng tńg去伊ê老父hia。
37:23 約瑟來到伊ê阿兄hia，hit時in to̍hthng3約瑟ê外衫，to̍h是伊身軀hit領彩色ê衫。
37:24 Into̍h kā伊掠起來，hiat落去井裡；hit口井是乾ê，內面無水。
37:25 In坐teh食餅，gia̍h頭看，看tio̍h一陣以實瑪利人tùi基列來，用駱駝載芳料、乳香、沒藥，beh帶落去埃及。
37:26 偤大對chiahê兄弟講：「咱thâi死咱ê小弟，隱密伊ê血，有啥物利益？
37:27 咱來kā伊賣hō͘以實瑪利人，m̄ thang下手kā伊害死，因為伊是咱ê小弟，咱ê骨肉。」兄弟聽偤大ê話。
37:28 有一kóa米甸ê senglí人tùi hia過，伊ê阿兄to̍h kā約瑟tùi井內giú起來，kā伊賣hō͘以實瑪利人，得tio̍h二十個銀á。Hiahê人to̍h帶約瑟去埃及。
37:29 流便倒tńg來井邊，看tio̍h約瑟無tī井內，to̍h拆裂kakī ê衫，非常悲傷。
37:30 伊倒tńg去伊ê兄弟hia，講：「Gín-á無去à，taⁿ我beh tó位去？」
37:31 In就thâi一隻山羊káng，kā約瑟hit領衫ùn血，
37:32 to̍h差人the̍h hit領彩色ê衫去in老父hia，講：「阮chhōe tio̍h chit領衫，請你認看是你ê kiáⁿ ê外衫á m̄是？」
37:33 伊ē認得，to̍h講：「這是我ê kiáⁿ ê外衫，有野獸kā伊吞食，約瑟一定是hō͘牠拆碎à。」
37:34 雅各to̍h拆裂衫，腰縖麻布，為伊ê kiáⁿ哀傷真chē工。
37:35 伊ê kiáⁿ kah伊ê chabó͘ kiáⁿ lóng起來kā伊安慰。伊m̄肯受安慰，講：「我一定beh哀傷落陰府，到我ê kiáⁿ hia。」約瑟ê老父為tio̍h伊啼哭。
37:36 米甸人帶約瑟來到埃及，kā伊賣hō͘法老ê人臣，to̍h是侍衛長Pho-thê-hoal。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。