歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
9:1 Tùi逃亡Tńg來ê人
Án-ne，以色列人照in ê世系所算，你看，有記載tī以色列列王ê記錄。偤大人因為犯罪，就受掠去到巴比倫。
9:2 Tāi先掠ta̍k个城有產業ê人，to̍h是以色列人、祭司、利未人、尼提寧人。
9:3 Tòa tī耶路撒冷ê，有偤大人、便雅憫人、以法連kah瑪拿西ê人。
9:4 偤大ê kiáⁿ法勒斯ê kiáⁿ孫中間有U-thài，U-thài是亞米忽ê kiáⁿ，亞米忽是暗利ê kiáⁿ，暗利是Im-lī ê kiáⁿ，Im-lī是巴尼ê kiáⁿ。
9:5 示羅ê kiáⁿ孫中間有大kiáⁿ亞帥雅kah伊ê眾kiáⁿ。
9:6 謝拉ê kiáⁿ孫中有Iu-el kah伊ê兄弟，共六百九十人。
9:7 便雅憫ê kiáⁿ孫中間有撒路，撒路是米書蘭ê kiáⁿ，米書蘭是Ho͘-ta-iah ê kiáⁿ，Ho͘-ta-iah是Ha-se-nu-ah ê kiáⁿ。
9:8 Koh有耶羅罕ê kiáⁿ Ip-ni-iah，Mi-ku-lih ê孫，烏西ê kiáⁿ以拉，Ip-ni-iah ê干á孫，流珥ê孫，示法提雅ê kiáⁿ米書蘭，
9:9 kah in ê兄弟，照in ê世系，共九百五十六人。Chiahê lóng是照in祖先ê家來做族長。
9:10 Tòa tī耶路撒冷ê祭司
屬祭司ê，有耶大雅、Io-a-lip、雅斤。
9:11 Iáu有管理上主ê殿ê，希勒家ê kiáⁿ A-cha-liah，希勒家是米書蘭ê kiáⁿ，米書蘭是撒督ê kiáⁿ，撒督是米拉約ê kiáⁿ，米拉約是亞希突ê kiáⁿ。
9:12 Koh有瑪基雅 ê干á孫，巴施戶珥ê孫，耶羅罕ê kiáⁿ亞大雅，koh有A-ti-el ê kiáⁿ Ma-sei，A-ti-el是Ia-che-lah ê kiáⁿ，Ia-che-lah是米書蘭ê kiáⁿ，米書蘭是Me-si-le-mit ê kiáⁿ，Me-si-le-mit是音麥 ê kiáⁿ。
9:13 In kah in ê兄弟lóng做族長，共一千七百六十人，lóng有才能，gâu做上主ê殿差用ê工。
9:14 Tòa tī耶路撒冷ê利未人
利未人米拉利ê kiáⁿ孫中間，有哈沙比雅ê干á孫，亞斯利干 ê孫，哈述 ê kiáⁿ示瑪雅。
9:15 Koh有Bak-bat-kal、He-le-sih、Ka-la̍h kah亞撒ê干á孫，細基利ê孫，米迦ê kiáⁿ瑪探雅。
9:16 Koh有耶杜頓ê干á孫，Ka-la̍h ê孫，示瑪雅ê kiáⁿ俄巴底，koh有以利加拿ê孫，亞撒ê kiáⁿ 比利家。In lóng tòa tī尼陀法人ê庄頭。
9:17 Tòa tī耶路撒冷ê聖殿守衛
顧門ê是沙龍、亞谷、達們、A-hi-mān kah in ê兄弟，沙龍做in ê頭。
9:18 伊平時顧守ǹg東ê門，是王teh出入ê，in lóng是利未族chiahê營中顧門ê。
9:19 可拉ê干á孫，E-bi-a-sa-huh ê孫，Khó-lī ê kiáⁿ沙龍，kah伊同族ê兄弟可拉人，lóng是管理差用ê工kah守會幕ê門。In ê祖先bat管理上主ê營房，顧守出入ê所在。
9:20 早前以利亞撒ê kiáⁿ非尼哈kā in管理，上主mā kah伊同在。
9:21 Bí-si-lī-bí-ngá ê kiáⁿ撒迦利雅做會幕ê顧門ê。
9:22 受揀選來顧門ê，共兩百十二人。In tī in ê庄頭，照世系來算，是大衛kah先見ê撒母耳所分派來擔當chitê責任ê。
9:23 In kah in ê kiáⁿ孫照in ê班列，顧守上主ê殿，to̍h是會幕hiahê門。
9:24 Tī東西南北，四方lóng有顧門ê。
9:25 In hiahê tòa tī庄頭ê兄弟，每七日來kā in tàu腳手。
9:26 因為chiahê顧門ê頭，四個利未人lóng擔當in ê責任，來管理上主厝內chiahê棧房kah金庫。
9:27 In tòa tī上主ê殿ê四箍圍，因為hitê厝是交帶in，ta̍k早起teh開門ê mā是in。
9:28 其他ê利未人
In中間幾nā个人管理服事ê器具，因為照數額帶入來，mā照數額帶出去。
9:29 其中mā有ê受設立來管理hiahê器具kah聖所ê器具，以及麵粉、酒、油、乳香kah芳料。
9:30 祭司ê kiáⁿ ê中間，幾nā个人用芳料做膏油。
9:31 利未人瑪他提雅是可拉族沙龍ê大kiáⁿ，伊ê責任是管理盤內所煏ê物。
9:32 In同族ê兄弟，哥轄ê kiáⁿ，有ê管理排列ê餅，ta̍k个安息日lóng tio̍h準備。
9:33 Chiahê擔當唱歌ê是利未人chiahê族長，tòa tī殿邊ê小厝，暝日當職，無做別項ê工。
9:34 頂面chiahê lóng是利未人ê族長，tī in ê世代真出名，tòa tī耶路撒冷。
9:35 掃羅王ê祖先kah Kiáⁿ孫
（代上8:29-38）
基遍ê老父耶利tòa tī基遍，伊ê bó͘叫做瑪迦。
9:36 伊ê大kiáⁿ是Ap-tòng，koh有蘇珥、基士、巴力、尼珥、拿答、
9:37 基多、亞希約、撒迦利雅kah Mik-lo-t。
9:38 Mik-lo-t生Si-me-ah。Chiahê人kah in ê兄弟tòa tī耶路撒冷，tī in ê兄弟ê對面。
9:39 尼珥生基士，基士生掃羅，掃羅生約拿單、麥基舒亞、亞比拿達kah E-si-ba-al。
9:40 約拿單ê kiáⁿ是Me-li-ba-al，Me-li-ba-al生米迦。
9:41 米迦ê kiáⁿ是Pi-thong、米勒、Tha-le-a kah A-hà-chuh。
9:42 A-hà-chuh生Ia-a-lah，Ia-a-lah生A-le-met、A-chu-ma-bet kah心利，心利生摩撒。
9:43 摩撒生Bi-ne-ah，Bi-ne-ah生利法雅，利法雅ê kiáⁿ是以利亞撒，以利亞撒ê kiáⁿ是亞惜。
9:44 亞惜有六個kiáⁿ，in ê名是A-chu-li-kam、Bo-ke-lu、以實瑪利、Sia-li-ah、O-ba-ti-iah、哈難。這lóng是亞惜ê kiáⁿ。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。