歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
9:1 Tùi tô-bông Tńg-.lâi ê Lâng
Án-ne, I-su-la-el lâng chiàu in ê sè-hē só͘ sǹg, lí khòaⁿ, ū kì-chài tī I-su-la-el lia̍t ông ê kì-lio̍k. Iô-tah lâng in-ūi hoān chōe, chiū siū lia̍h khì-kàu Ba-bú-lông.
9:2 Tāi-seng lia̍h ta̍k-ê siâⁿ ū sán-gia̍p ê lâng, to̍h-sī I-su-la-el lâng, chè-si, Lē-bī lâng, Na-thi-in lâng.
9:3 Tòa tī Ê-lú-sa-lèm ê, ū Iô-tah lâng, Biān-iá-mín lâng, E-hu-laim kah Má-ná-se ê lâng.
9:4 Iô-tah ê kiáⁿ Hoa-lè-suh ê kiáⁿ-sun tiong-kan ū U-thài, U-thài sī A-mi-hut ê kiáⁿ, A-mi-hut sī Om-lī ê kiáⁿ, Om-lī sī Im-lī ê kiáⁿ, Im-lī sī Ba-nî ê kiáⁿ.
9:5 Sī-lô ê kiáⁿ-sun tiong-kan ū tōa-kiáⁿ A-sa-iah kah i ê chèng kiáⁿ.
9:6 Cha-la̍h ê kiáⁿ-sun tiong ū Iu-el kah i ê hiaⁿ-tī, kiōng la̍k-pah káu-cha̍p lâng.
9:7 Biān-iá-mín ê kiáⁿ-sun tiong-kan ū Sa-lū, Sa-lū sī Me-siu-lám ê kiáⁿ, Me-siu-lám sī Ho͘-ta-iah ê kiáⁿ, Ho͘-ta-iah sī Ha-se-nu-ah ê kiáⁿ.
9:8 Koh ū E-lo-ham ê kiáⁿ Ip-ni-iah, Mi-ku-lih ê sun, U-chi ê kiáⁿ E-la̍h, Ip-ni-iah ê kan-á-sun, Liû-el ê sun, Si-hoa-ti-ah ê kiáⁿ Me-siu-lám,
9:9 kah in ê hiaⁿ-tī, chiàu in ê sè-hē, kiōng káu-pah gō͘-cha̍p la̍k lâng. Chiahê lóng sī chiàu in chó͘-sian ê ke lâi chò cho̍k-tiúⁿ.
9:10 Tòa tī Ê-lú-sa-lèm ê Chè-si
Sio̍k chè-si ê, ū Ia-ta-iah, Io-a-lip, Iá-kin.
9:11 Iáu ū koán-lí Siōng-chú ê tiān ê, Hil-kí-iah ê kiáⁿ A-cha-liah, Hil-kí-iah sī Me-siu-lám ê kiáⁿ, Me-siu-lám sī Cha-tok ê kiáⁿ, Cha-tok sī Me-la-iot ê kiáⁿ, Me-la-iot sī A-hi-top ê kiáⁿ.
9:12 Koh ū Mal-ki-iah ê kan-á-sun, Pa-si-hul ê sun, E-lo-ham ê kiáⁿ A-ta-iah, koh ū A-ti-el ê kiáⁿ Ma-sei, A-ti-el sī Ia-che-lah ê kiáⁿ, ngá-hi-Sè-la̍h sī Me-siu-lám ê kiáⁿ, Me-siu-lám sī Me-si-le-mit ê kiáⁿ, Me-si-le-mit sī Im-mel ê kiáⁿ.
9:13 In kah in ê hiaⁿ-tī lóng chò cho̍k-tiúⁿ, kiōng chi̍t-chheng chhit-pah la̍k-cha̍p lâng, lóng ū châi-lêng, gâu chò Siōng-chú ê tiān chhe-ēng ê kang.
9:14 Tòa tī Ê-lú-sa-lèm ê Lē-bī Lâng
Lē-bī lâng Me-la-lih ê kiáⁿ-sun tiong-kan, ū Ha-sia-biah ê kan-á-sun, A-chu-li-kam ê sun, Ha-siup ê kiáⁿ Si-má-iah.
9:15 Koh ū Bak-bat-kal, He-le-sih, Ka-la̍h kah A-sah ê kan-á-sun, Chik-lī ê sun, Mi-ka ê kiáⁿ Mat-ta-niah.
9:16 Koh ū E-to-tòng ê kan-á-sun, Ka-la̍h ê sun, Si-má-iah ê kiáⁿ O-ba-tiah, koh ū El-ká-nah ê sun, A-sah ê kiáⁿ Be-lé-kiah. In lóng tòa tī Ne-to-hoat lâng ê chng-thâu.
9:17 Tòa tī Ê-lú-sa-lèm ê Sèng-tiān Siú-ōe
Kò͘-mn̂g ê sī Sia-lúm, Ak-kup, Tal-móng, A-hi-mān kah in ê hiaⁿ-tī, Sia-lúm chò in ê thâu.
9:18 I pêng-sî kò͘-siú ǹg tang ê mn̂g, sī ông teh chhut-ji̍p ê, in lóng sī Lē-bī cho̍k chiahê iâⁿ tiong kò͘-mn̂g ê.
9:19 Khó-la̍h ê kan-á-sun, E-bi-a-sa-huh ê sun, Khó-lī ê kiáⁿ Sia-lúm kah i tông cho̍k ê hiaⁿ-tī Khó-la̍h lâng, lóng sī koán-lí chhe-ēng ê kang kah siú hōe-bō͘ ê mn̂g. In ê chó͘-sian bat koán-lí Siōng-chú ê iâⁿ-pâng, kò͘-siú chhut-ji̍p ê só͘-chāi.
9:20 Chá-chêng Ê-lī-a-chal ê kiáⁿ Hui-ne-hah kā in koán-lí, Siōng-chú mā kah i tông-chāi.
9:21 Bí-si-lī-bí-ngá ê kiáⁿ Che-ka-lí-ah chò hōe-bō͘ ê kò͘-mn̂g ê.
9:22 Siū kéng-soán lâi kò͘-mn̂g ê, kiōng nn̄g-pah cha̍p-jī lâng. In tī in ê chng-thâu, chiàu sè-hē lâi sǹg, sī Ta-bi̍t kah sian-kiàn ê Sa-mu-el só͘ hun-phài lâi tam-tng chit-ê chek-jīm ê.
9:23 In kah in ê kiáⁿ-sun chiàu in ê pan-lia̍t, kò͘-siú Siōng-chú ê tiān, to̍h-sī hōe-bō͘ hiahê mn̂g.
9:24 Tī tang, sai, lâm, pak, sì-hng lóng ū kò͘-mn̂g ê.
9:25 In hiahê tòa tī chng-thâu ê hiaⁿ-tī, múi chhit ji̍t lâi kā in tàu-kha-chhiú.
9:26 In-ūi chiahê kò͘-mn̂g ê thâu, sì-ê Lē-bī lâng lóng tam-tng in ê chek-jīm, lâi koán-lí Siōng-chú chhù lāi chiahê chàn-pâng kah kim-khò͘.
9:27 In tòa tī Siōng-chú ê tiān ê sì-kho͘-ûi, in-ūi hit-ê chhù sī kau-tài in, ta̍k chá-khí teh khui mn̂g ê mā sī in.
9:28 Kî-tha ê Lē-bī Lâng
In tiong-kan kúi-nā-ê lâng koán-lí ho̍k-sāi ê khì-kū, in-ūi chiàu siàu-gia̍h tòa ji̍p-.lâi, mā chiàu siàu-gia̍h tòa chhut-.khì.
9:29 Kî-tiong mā ū ê siū siat-li̍p lâi koán-lí hiahê khì-kū kah sèng-só͘ ê khì-kū, í-ki̍p mī-hún, chiú, iû, jú-hiuⁿ kah phang-liāu.
9:30 Chè-si ê kiáⁿ ê tiong-kan, kúi-nā-ê lâng ēng phang-liāu chò ko-iû.
9:31 Lē-bī lâng Mat-ta-thí-iah sī Khó-la̍h cho̍k Sia-lúm ê tōa-kiáⁿ, i ê chek-jīm sī koán-lí pôaⁿ lāi só͘ piak ê mi̍h.
9:32 In tâng cho̍k ê hiaⁿ-tī, Ko-hat ê kiáⁿ, ū ê koán-lí pâi-lia̍t ê piáⁿ, ta̍k-ê An-hioh-ji̍t lóng tio̍h chún-pī.
9:33 Chiahê tam-tng chhiùⁿ-koa ê sī Lē-bī lâng chiahê cho̍k-tiúⁿ, tòa tī tiān piⁿ ê sió chhù, mê-ji̍t tng-chit, bô chò pa̍t hāng ê kang.
9:34 Téng-bīn chiahê lóng sī Lē-bī lâng ê cho̍k-tiúⁿ, tī in ê sè-tāi chin chhut-miâ, tòa tī Ê-lú-sa-lèm.
9:35 Sàu-lô Ông ê Chó͘-sian kah Kiáⁿ-sun
(LTS 8:29-38)
Gi-bóng ê lāu-pē E-i-el tòa tī Gi-bóng, i ê bó͘ kiò-chò Má-kah.
9:36 I ê tōa-kiáⁿ sī Ap-tòng, koh ū Chu-ul, Ki-si, Ba-al, Ne-l, Ná-tap,
9:37 Gi-tol, A-hi-oh, Che-ka-lí-ah kah Mik-lo-t.
9:38 Mik-lo-t seⁿ Si-me-ah. Chiahê lâng kah in ê hiaⁿ-tī tòa tī Ê-lú-sa-lèm, tī in ê hiaⁿ-tī ê tùi-bīn.
9:39 Ne-l seⁿ Ki-si, Ki-si seⁿ Sàu-lô, Sàu-lô seⁿ Io-ná-than, Mal-ki-siu-ah, A-bi-na-tap kah E-si-ba-al.
9:40 Io-ná-than ê kiáⁿ sī Me-li-ba-al, Me-li-ba-al seⁿ Mi-ka.
9:41 Mi-ka ê kiáⁿ sī Pi-thong, Me-le̍k, Tha-le-a kah A-hà-chuh.
9:42 A-hà-chuh seⁿ Ia-a-lah, ngá-la̍h seⁿ A-le-met, A-chu-ma-bet kah Chim-lī, Chim-lī seⁿ Mo-chah.
9:43 Mo-chah seⁿ Bi-ne-ah, Bi-ne-ah seⁿ Le-hoa-iah, Le-hoa-iah ê kiáⁿ sī Ê-lī-a-chal, Ê-lī-a-chal ê kiáⁿ sī Ak-sil.
9:44 Ak-sil ū la̍k-ê kiáⁿ, in ê miâ sī A-chu-li-kam, Bo-ke-lu, I-si-ma-el, Sia-li-ah, O-ba-ti-iah, Ha-nan. Che lóng sī Ak-sil ê kiáⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。