歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
4:1 偤大其他ê Kiáⁿ孫
偤大ê kiáⁿ：法勒斯、希斯崙、迦米、戶珥、朔巴。
4:2 朔巴ê kiáⁿ Le-a-iah生雅哈，雅哈生A-hu-mái kah La-hat。這是瑣拉人ê眾族。
4:3 以坦ê老父ê kiáⁿ：耶斯列、I-si-má、It-ba-sih；in ê姊妹名叫做Ha-che-lel-pho-nî。
4:4 基多ê老父毗努伊勒，Hō͘-sa ê老父E-chel。Chiahê lóng是伯利恆ê老父以法他ê大kiáⁿ戶珥所生ê。
4:5 提哥亞ê老父A-siul有兩 个bó͘，名叫做Hi-la̍h、Ná-la̍h。
4:6 Ná-la̍h kā伊生A-hu-cha̍t、希弗、The-me-nî、Ha-ha-si-tha-lī。Chiahê lóng是Ná-la̍h ê kiáⁿ。
4:7 Hi-la̍h ê kiáⁿ是Sé-lia̍t、瑣轄、Et-nân。
4:8 Ko-chu生A-nup、Cho-be-bah kah Ha-lûm ê kiáⁿ A-hal-hel chiahê族。
4:9 Ia-be-chuh比伊ê眾兄弟khah尊貴，伊ê老母kā伊號名Ia-be-chuh，to̍h是講：我生伊是真艱苦。
4:10 Ia-be-chuh求以色列ê上帝，講：「願祢真實賞賜福氣hō͘我，開闊我ê境界，願祢ê手tiāⁿ-tiāⁿ kah我同在，保庇我無tú tio̍h患難，hō͘我不致憂悶。」上帝就賞賜她所求ê。
4:11 其他家族ê名單
Siu-hah ê兄弟基綠生Me-hil，to̍h是E-si-tóng ê老父。
4:12 E-si-tóng生Biat-la-pha、Pa-se-a，以及Il-na-ha-sih ê老父Thê-hin-nah。Chiahê lóng是Le-kah人。
4:13 基納斯ê kiáⁿ：俄陀聶、西萊雅。俄陀聶ê kiáⁿ：Ha-that。
4:14 Me-o͘-nó-thài生俄弗拉；西萊雅生Ge-ha-la-sim人ê老父約押。因為in lóng是師傅。
4:15 耶孚尼ê kiáⁿ迦勒，伊ê kiáⁿ：I-lú、以拉、Na-am。以拉ê kiáⁿ基納斯。
4:16 Iâ-hap-bī-le̍k ê kiáⁿ：西弗、Se-hoal、The-liah、亞撒列。
4:17 Í-sū-la̍h ê kiáⁿ：益帖、Me-liat、以笏、Ngá-lûn。Bí--lia̍t娶法老ê chabó͘ kiáⁿ Bit-iah做bó͘，生米利暗、Siam-mái kah 以實提莫 ê老父E̍k-pa。
4:18 Me-liat koh娶偤大人做bó͘，生基多ê老父雅列、梭哥 ê老父希伯kah撒羅亞ê老父E-ku-thi-el。
4:19 Ho͘-te-iah ê bó͘是Ná-hâm ê姊妹，她所生ê kiáⁿ是迦米人基拉ê老父kah瑪迦人以實提莫。
4:20 Si-móng ê kiáⁿ：暗嫩、Lin-nah、Bian-ha-nân、The-lông。Í-sī ê kiáⁿ：Cho͘-hiat、Bian-cho͘-hiat。
4:21 示拉ê Kiáⁿ孫
偤大ê kiáⁿ示拉，示拉ê kiáⁿ Le-kah ê老父珥，瑪利沙ê老父La-tah，以及屬A-si-be-ah族，織幼麻布chiahê家。
4:22 Iáu有Io-kim、Ko-che-bah人、約阿施、Sa-la-huh，to̍h是tī摩押地掌權ê，koh有Io-a-sih-le-hém。這lóng是早時所記載ê。
4:23 Chiahê人lóng是燒磁師傅，是tòa tī Ne-tha-im kah Ge-te-lah ê人民，in tī hia kah王做伙tòa，做王ê工。
4:24 西緬ê Kiáⁿ孫
西緬ê kiáⁿ：Ne-mú-el、Ia-lip、Ia-mín、謝拉、掃羅。
4:25 掃羅ê kiáⁿ沙龍，沙龍ê kiáⁿ Mip-sám，Mip-sám ê kiáⁿ Mi-si-má。
4:26 Mi-si-má ê kiáⁿ記tī下底：Mi-si-má生Ham-mu-el，Ham-mu-el ê kiáⁿ撒刻，撒刻ê kiáⁿ示每。
4:27 示每有十六個kiáⁿ kah六個chabó͘ kiáⁿ，伊ê兄弟ê kiáⁿ兒無gōa chē，in大家無親像偤大族ê人丁hiah chē。
4:28 In tòa tī別是巴、Mô͘-la-tah、Ha-chal-siu-al、
4:29 辟拉、E-chém、To͘-lat、
4:30 彼土利、Hol-mah、洗革拉、
4:31 Biat-mal-ka-bo͘t、Ha-chal-su-sah、Biat-bí-lī、Sia-la̍h-im。Chiahê城lóng屬tī in，直到大衛做王ê時。
4:32 In ê鄉里to̍h是以坦、A-in、臨門、To-kiān、A-siang，共五個城。
4:33 Iáu有屬hiahê城ê鄉里到tī巴力。這是in tòa ê所在，in lóng有族譜。
4:34 Iáu有Me-sio-bap、Ngá-bí-le̍k、亞瑪謝 ê kiáⁿ Io-siah、
4:35 約珥、Io-si-biah ê kiáⁿ耶戶，Io-si-biah是西萊雅ê kiáⁿ，西萊雅是A-si-el ê kiáⁿ。
4:36 Iáu有以利約乃、Ia-ko-bah、E-sio-ha-iah、亞帥雅，A-ti-el、耶西滅、比拿亞、
4:37 Si-phih ê kiáⁿ Chi-chah，Si-phih是A-lông ê kiáⁿ，A-lông是耶大雅 ê kiáⁿ，耶大雅是Sim-lī ê kiáⁿ，Sim-lī是示瑪雅ê kiáⁿ。
4:38 頂面所記載chiahê名lóng是做族長ê，in宗族ê人額加添真chē。
4:39 In去山谷ê東pêng，到基多ê口面，chhōe飼羊ê草場。
4:40 In chhōe tio̍h肥koh súi ê草場，hitê地闊，koh安靜mā和平，因為早時有含族ê人tòa tī hia。
4:41 頂面所記ê人，tī偤大王希西家ê時，來攻擊in ê布棚kah tī hia所有ê Mi-u-nî人，kā in全部剿滅，就tòa tī in ê所在，直到tī今á日，因為hia有草場thang來飼in ê羊群。
4:42 西緬ê族中有五百人，去到Se-il山，in ê軍長to̍h是Í-sī chiahê kiáⁿ：毗拉提、Ne-a-liah、利法雅kah烏薛。
4:43 Inthâi死逃走chhun落來ê亞瑪力人，就tòa tī hia到今á日。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。