歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
4:1 Iô-tah Kî-tha ê Kiáⁿ-sun
Iô-tah ê kiáⁿ: Hoa-lè-suh, He-chú-lóng, Kal-mih, Hu-ul, Sio-bal.
4:2 Sio-bal ê kiáⁿ Le-a-iah seⁿ Ia-hat, Ia-hat seⁿ A-hu-mái kah La-hat. Che sī Cho-lah lâng ê chèng cho̍k.
4:3 E-tám ê lāu-pē ê kiáⁿ: E-chu-le-el, I-si-má, It-ba-sih; in ê chí-mōe miâ kiò-chò Ha-che-lel-pho-nî.
4:4 Gi-tol ê lāu-pē Pe-nu-el, Hō͘-sa ê lāu-pē E-chel. Chiahê lóng sī Bia̍t-lé-hèm ê lāu-pē E-hu-la̍t ê tōa-kiáⁿ Hu-ul só͘ seⁿ ê.
4:5 The-ko-oah ê lāu-pē A-siul ū nn̄g-ê bó͘, miâ kiò-chò Hi-la̍h, ná-la̍h.
4:6 Ná-la̍h kā i seⁿ A-hu-cha̍t, He-hoel, The-me-nî, Ha-ha-si-tha-lī. Chiahê lóng sī Ná-la̍h ê kiáⁿ.
4:7 Hi-la̍h ê kiáⁿ sī Sé-lia̍t, Cho-hal, Et-nân.
4:8 Ko-chu seⁿ A-nup, Cho-be-bah kah Ha-lûm ê kiáⁿ A-hal-hel chiahê cho̍k.
4:9 Ia-be-chuh pí i ê chèng hiaⁿ-tī khah chun-kùi, i ê lāu-bú kā i hō-miâ Ia-be-chuh, to̍h-sī kóng: góa seⁿ i sī chin kan-khó͘.
4:10 Ia-be-chuh kiû I-su-la-el ê Siōng-tè, kóng, " Goān Lí chin-si̍t siúⁿ-sù hok-khì hō͘ góa, khui-khoah góa ê kéng-kài, goān Lí ê chhiú tiāⁿtiāⁿ kah góa tông-chāi, pó-pì góa bô tú tio̍h hoān-lān, hō͘ góa put-tì iu-būn. " Siōng-tè chiū siúⁿ-sù i só͘ kiû ê.
4:11 Kî-tha Ka-cho̍k ê Miâ-toaⁿ
Siu-hah ê hiaⁿ-tī Ke-lup seⁿ Me-hil, to̍h-sī E-si-tóng ê lāu-pē.
4:12 E-si-tóng seⁿ Biat-la-pha, Pa-se-a, í-ki̍p Il-na-ha-sih ê lāu-pē Thê-hin-nah. Chiahê lóng sī Le-kah lâng.
4:13 Ke-ná-juh ê kiáⁿ, Ot-ni-el, Se-la-iah. Ot-ni-el ê kiáⁿ, Ha-that.
4:14 Me-o͘-nó-thài seⁿ O͘-hu-lah; Se-la-iah seⁿ Ge-ha-la-sim lâng ê lāu-pē Io-ap. In-ūi in lóng sī sai-hū.
4:15 E-hun-neh ê kiáⁿ Ka-le̍p, i ê kiáⁿ, I-lú, E-la̍h, Na-am. E-la̍h ê kiáⁿ Ke-ná-juh.
4:16 Iâ-hap-bī-le̍k ê kiáⁿ: Ji-hu, Se-hoal, The-liah, A-sa-lel.
4:17 Í-sū-la̍h ê kiáⁿ: E-hel, Me-liat, E-hut, Ngá-lûn. Bí-lia̍t chhōa Hôa-láu ê chabó͘ kiáⁿ Bit-iah chò bó͘, seⁿ Mi-lí-ám, Siam-mái kah E-si-te-mo͘h ê lāu-pē E̍k-pa.
4:18 Me-liat koh chhōa Iô-tah lâng chò bó͘, seⁿ Gi-tol ê lāu-pē Iá-lia̍t, So͘-koh ê lāu-pē Ê-bel kah Cha-nó͘-oah ê lāu-pē E-ku-thi-el.
4:19 Ho͘-te-iah ê bó͘ sī Ná-hâm ê chí-mōe, i só͘ seⁿ ê kiáⁿ sī Kal-mih lâng Ge-la̍h ê lāu-pē kah Má-kah lâng E-si-te-mo͘h.
4:20 Si-móng ê kiáⁿ: Am-non, Lin-nah, Bian-ha-nân, The-lông. Í-sī ê kiáⁿ, Cho͘-hiat, Bian-cho͘-hiat.
4:21 Se-la̍h ê Kiáⁿ-sun
Iô-tah ê kiáⁿ Se-la̍h, Se-la̍h ê kiáⁿ Le-kah ê lāu-pē El, Ma-lé-siah ê lāu-pē La-tah, í-ki̍p sio̍k A-si-be-ah cho̍k, chit iù-môa-pò͘ chiahê ke.
4:22 Iáu ū Io-kim, Ko-che-bah lâng, Io-a-si, Sa-la-huh, to̍h-sī tī Mô͘-ap tē chiáng-koân-.ê, koh ū Io-a-sih-le-hém. Che lóng sī chá-sî só͘ kì-chài ê.
4:23 Chiahê lâng lóng sī sio-hûi sai-hū, sī tòa tī Ne-tha-im kah Ge-te-lah ê jîn-bîn, in tī hia kah ông chò-hóe tòa, chò ông ê kang.
4:24 Si-miān ê Kiáⁿ-sun
Si-miān ê kiáⁿ, nî-bó͘-lī, Ia-lip, Ia-mín, Cha-la̍h, Sàu-lô.
4:25 Sàu-lô ê kiáⁿ Sia-lúm, Sia-lúm ê kiáⁿ Mip-sám, Mip-sám ê kiáⁿ Mi-si-má.
4:26 Mi-si-má ê kiáⁿ kì tī ē-té: Mi-si-má seⁿ Ham-mu-el, Ham-mu-el ê kiáⁿ Cha̍k-khul, Cha̍k-khul ê kiáⁿ Si-mí.
4:27 Si-mí ū cha̍p la̍k-ê kiáⁿ kah la̍k-ê chabó͘ kiáⁿ, i ê hiaⁿ-tī ê kiáⁿ-jî bô gōa chē, in tāi-ke bô chhin-chhiūⁿ Iô-tah cho̍k ê jîn-teng hiah chē.
4:28 In tòa tī Bel-sí-bah, Mô͘-la-tah, Ha-chal-siu-al,
4:29 Bil-ha̍h, E-chém, To͘-lat,
4:30 Be-thu-el, Hol-mah, Chik-lak,
4:31 Biat-mal-ka-bo͘t, Ha-chal-su-sah, Biat-bí-lī, Sia-la̍h-im. Chiahê siâⁿ lóng sio̍k tī in, ti̍t-kàu Ta-bi̍t chò ông ê sî.
4:32 In ê hiuⁿ-lí to̍h-sī E-tám, A-in, Lim-móng, To-kiān, A-siang, kiōng gō͘-ê siâⁿ.
4:33 Iáu ū sio̍k hiahê siâⁿ ê hiuⁿ-lí kàu tī Ba-al. Che sī in tòa ê só͘-chāi, in lóng ū cho̍k-phó͘.
4:34 Iáu ū Me-sio-bap, Ngá-bí-le̍k, A-má-chiah ê kiáⁿ Io-siah,
4:35 Iô-el, Io-si-biah ê kiáⁿ E-hú, Io-si-biah sī Se-la-iah ê kiáⁿ, Se-la-iah sī A-si-el ê kiáⁿ.
4:36 Iáu ū E-lio-e-nái, Ia-ko-bah, E-sio-ha-iah, A-sa-iah, A-ti-el, I-é-sái bia̍t, Be-ná-iah,
4:37 Si-phih ê kiáⁿ Chi-chah, Si-phih sī A-lông ê kiáⁿ, A-lông sī Ia-ta-iah ê kiáⁿ, Ia-ta-iah sī Sim-lī ê kiáⁿ, Sim-lī sī Si-má-iah ê kiáⁿ.
4:38 Téng-bīn só͘ kì-chài chiahê miâ lóng sī chò cho̍k-tiúⁿ ê, in chong-cho̍k ê lâng-gia̍h ke-thiⁿ chin chē.
4:39 In khì soaⁿ-kok ê tang pêng, kàu Gi-tol ê kháu-bīn, chhōe chhī iûⁿ ê chháu-tiûⁿ.
4:40 In chhōe tio̍h pûi koh súi ê chháu-tiûⁿ, hit-ê tē khoah, koh an-chēng mā hô-pêng, in-ūi chá-sî ū Hâm cho̍k ê lâng tòa tī hia.
4:41 Téng-bīn só͘ kì ê lâng, tī Iô-tah ông Hi-che-kia ê sî, lâi kong-kek in ê pò͘-pêⁿ kah tī hia só͘-ū ê Mi-u-nî lâng, kā in choân-pō͘ châu-bia̍t, chiū tòa tī in ê só͘-chāi, ti̍t-kàu tī kin-á-ji̍t, in-ūi hia ū chháu-tiûⁿ thang lâi chhī in ê iûⁿ-kûn.
4:42 Si-miān ê cho̍k tiong ū gō͘-pah lâng, khì-kàu Se-il soaⁿ, in ê kun-tiúⁿ to̍h-sī Í-sī chiahê kiáⁿ, Pe-la-tiah, Ne-a-liah, Le-hoa-iah kah U-chi-el.
4:43 In thâi-sí tô-cháu chhun lo̍h-.lâi ê A-má-le̍k lâng, chiū tòa tī hia kàu kin-á-ji̍t.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。