列王紀下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
24:1 約雅敬ê年間，巴比倫王尼布甲尼撒起來。約雅敬kā伊服事三年，後來，顛倒kā伊悖逆。
24:2 上主差迦勒底ê軍隊、亞南ê軍隊、摩押ê軍隊kah亞捫ê軍隊來kā伊攻擊，koh差in攻擊偤大beh kā她滅掉，照上主託祂ê奴僕chiahê先知所講ê。
24:3 Chitê tāichì臨到偤大，實在是tùi上主ê命令beh kā伊遷徙，離開祂ê面前，這lóng是因為瑪拿西ê罪，照伊所行ê一切；
24:4 mā為tio̍h伊留無罪ê人ê血，因為伊用無罪ê人ê血充滿耶路撒冷，chitê罪上主m̄肯赦免。
24:5 約雅敬其他ê tāichì，見若伊所行ê，kám無lóng記tī偤大列王ê記錄？
24:6 約雅敬kah伊ê祖先同睏。伊ê kiáⁿ約雅斤續接伊做王。
24:7 埃及王無koh tùi伊ê地出來，因為巴比倫有王征服所有屬埃及王ê地，tùi埃及小河到幼發拉底大河。
24:8 偤大王約雅斤
(代下36：9-10)
約雅斤坐位ê時，十八歲，tī耶路撒冷做王三月日。伊ê老母ê名叫做Ne-hu-si-thah，是耶路撒冷人以利拿單ê chabó͘ kiáⁿ。
24:9 約雅斤行上主所看做pháiⁿ ê tāichì，照伊ê老父一切ê所行。
24:10 Hit時，巴比倫王尼布甲尼撒ê人臣上來耶路撒冷，圍困hitê城。
24:11 當伊ê人臣圍困城ê時，巴比倫王尼布甲尼撒to̍h來。
24:12 偤大王約雅斤出城來到巴比倫王hia，伊kah伊ê老母，kah伊ê人臣、首領、太監lóng去。巴比倫王kā伊掠起來，是tī伊做王第八年。
24:13 Koh kā上主殿內ê寶物kah王宮ê寶物，lóng tùi hia the̍h去，koh kā以色列王所羅門所造上主殿內ê金器lóng phah破，照上主所講ê話；
24:14 koh kā耶路撒冷ê眾人kah眾首領，以及所有大權能ê勇士，共一萬人，連所有ê工匠、鐵匠lóng掠去；除國內極sànchhiah ê人以外，無chhun kah一个。
24:15 尼布甲尼撒mā chhōa約雅斤來到巴比倫，kah太后、后妃、太監，以及國內ê大官lóng tùi耶路撒冷掠來到巴比倫。
24:16 Koh kā所有ê勇士七千人，kah工匠、鐵匠，以及一千人lóng是勇壯會上陣ê，巴比倫王lóng kā in掠來到巴比倫。
24:17 巴比倫王設立約雅斤ê阿叔瑪探雅續接伊做王，kā伊ê名換做西底家。
24:18 偤大王西底家
(代下36：11-12；耶52：1-3)
西底家坐位ê時，二十一歲，tī耶路撒冷做王十一年。伊ê老母ê名叫做Ha-mu-tal，是立拿人耶利米ê chabó͘ kiáⁿ。
24:19 伊行上主所看做pháiⁿ ê tāichì，照約雅敬所行ê一切。
24:20 耶路撒冷kah偤大tú tio̍h chiahê tāichì，是因為上主發出受氣，beh tùi祂ê面前kā in趕出去。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。