| 章節 | 全民台語聖經漢羅經文 | 註釋 |
| 16:1 | 上主ê話臨到哈拿尼ê kiáⁿ耶戶，攻擊巴沙講： | 註釋 串珠 原文 典藏 |
| 16:2 | 「我已經tùi塵埃ê中間kā你舉起，設立你做我ê子民—以色列人ê君王，你竟然行耶羅波安ê路，hō͘我ê子民—以色列人犯罪，tùi in ê罪來激我受氣。 | 註釋 串珠 字典 原文 典藏 |
| 16:3 | 你看，我ē kā巴沙kah伊ê家全部除滅，我mā ē hō͘你ê家親像尼八ê kiáⁿ耶羅波安ê家ánne。 | 註釋 串珠 原文 典藏 |
| 16:4 | 凡若屬巴沙ê人，死tī城裡ê，狗ē kā伊食，死tī田野ê，空中ê鳥ē kā伊食。」 | 註釋 串珠 字典 原文 典藏 |
| 16:5 | 巴沙其他ê tāichì kah伊所行ê，以及伊ê能力，kám無lóng記tī以色列列王ê記錄？ | 註釋 串珠 字典 原文 典藏 |
| 16:6 | 巴沙kah伊ê祖先同睏，埋葬tī得撒。伊ê kiáⁿ以拉續接伊做王。 | 註釋 串珠 原文 典藏 |
| 16:7 | 上主ê話koh臨到哈拿尼ê kiáⁿ，耶戶先知，攻擊巴沙mā攻擊伊ê家，因為伊tī上主ê目chiu 前所行一切ê pháiⁿ，用伊ê手ê所做ê來激祂ê受氣，親像耶羅波安ê家，mā因為伊phah死伊ê全家。 | 註釋 串珠 原文 典藏 |
| 16:8 | 以色列王以拉偤大王亞撒二十六年，巴沙ê kiáⁿ以拉tī得撒坐位做以色列王，共兩年。 | 註釋 串珠 原文 典藏 |
| 16:9 | 管理伊一半戰車ê人臣心利背叛伊。當伊tī 得撒，to̍h是tī得撒ê管家A-cha̍p ê厝食酒醉ê時， | 註釋 串珠 字典 原文 典藏 |
| 16:10 | 心利to̍h入去kā伊phah死，篡伊ê位。這是偤大王亞撒二十七年ê tāichì。 | 註釋 串珠 原文 典藏 |
| 16:11 | 心利開始做王。當伊坐位ê時，就thâi死巴沙全家，無論親人朋友，lóng無kā伊留kah半個chapo͘丁。 | 註釋 串珠 字典 原文 典藏 |
| 16:12 | 親像ánne，心利滅巴沙全家，tútú照上主託耶戶先知所講hiahê攻擊巴沙ê話。 | 註釋 串珠 原文 典藏 |
| 16:13 | 這是因為巴沙一切ê罪kah伊ê kiáⁿ以拉ê罪；in兩人所犯tio̍h ê mā hō͘以色列人犯tio̍h，in用虛假ê偶像來激上主—以色列ê上帝受氣。 | 註釋 串珠 原文 典藏 |
| 16:14 | 以拉其他ê tāichì，見若伊所行ê，kám無lóng記tī以色列chiahê王ê記錄？ | 註釋 串珠 字典 原文 典藏 |
| 16:15 | 以色列王心利偤大王亞撒二十七年，心利tī得撒做王七日。Hit時，人民tú-á紮營圍攻腓利士ê Gip-be-thòng。 | 註釋 串珠 原文 典藏 |
| 16:16 | Tī營中ê人民聽tio̍h心利背叛，kohthâi死王，所以，以色列人民hit日to̍h tī營中設立軍長暗利做以色列王。 | 註釋 串珠 原文 典藏 |
| 16:17 | 暗利kah以色列人民，tùi Gip-be-thòng上去圍困得撒。 | 註釋 串珠 原文 典藏 |
| 16:18 | 心利看tio̍h城已經破，to̍h入去王宮ê城堡，放火燒王宮，kakī 死tī內面。 | 註釋 串珠 字典 原文 典藏 |
| 16:19 | 這是因為伊所犯ê罪，是行上主所看做pháiⁿ ê，行耶羅波安ê路，照ánne行所犯ê罪，koh hō͘以色列人犯罪。 | 註釋 串珠 字典 原文 典藏 |
| 16:20 | 心利其他ê tāichì kah伊所行背叛ê tāichì，kám無記tī以色列chiahê王ê記錄？ | 註釋 串珠 字典 原文 典藏 |
| 16:21 | 以色列王暗利Hit時，以色列人民分做兩pêng；一半tòe基納ê kiáⁿ Thê-pí-nî，beh kā伊設立做王；另外一半tòe暗利。 | 註釋 串珠 原文 典藏 |
| 16:22 | 總是，tòe暗利ê人民贏過tòe基納ê kiáⁿ Thê-pí-nî ê人。Thê-pí-nî死了後，暗利to̍h做王。 | 註釋 串珠 原文 典藏 |
| 16:23 | 偤大王亞撒三十一年，暗利坐位做以色列王，共十二年；tī得撒做王六年。 | 註釋 串珠 原文 典藏 |
| 16:24 | 暗利用兩他連得ê銀tùi Sal-má買撒馬利亞山，tī山頂起造，就照hitê山ê原主Sal-má ê名，kā所起ê城號名叫做撒馬利亞。 | 註釋 串珠 字典 原文 典藏 |
| 16:25 | 暗利行上主看做pháiⁿ ê tāichì，比伊以前所有ê王koh khah pháiⁿ。 | 註釋 串珠 原文 典藏 |
| 16:26 | 因為伊行尼八ê kiáⁿ耶羅波安ê路，koh行伊hō͘以色列人所犯ê罪，用虛假ê偶像來激上主—以色列ê上帝受氣。 | 註釋 串珠 字典 原文 典藏 |
| 16:27 | 暗利其他所行ê tāichì kah伊所顯出ê能力，kám無記tī以色列chiahê王ê記錄？ | 註釋 串珠 字典 原文 典藏 |
| 16:28 | 暗利kah伊ê祖先同睏，埋葬tī撒馬利亞。伊ê kiáⁿ亞哈續接伊做王。 | 註釋 串珠 原文 典藏 |
| 16:29 | 以色列王亞哈偤大王亞撒三十八年，暗利ê kiáⁿ亞哈坐位，做以色列王。暗利ê kiáⁿ亞哈tī撒馬利亞做以色列王二十二年。 | 註釋 串珠 原文 典藏 |
| 16:30 | 暗利ê kiáⁿ亞哈行上主看做pháiⁿ ê tāichì，比伊以前所有ê王koh khah pháiⁿ。 | 註釋 串珠 原文 典藏 |
| 16:31 | 伊行尼八ê kiáⁿ耶羅波安ê罪，iáu koh掠做是小khóa tāichì；伊koh娶西頓王Iat-pa-le̍k ê chabó͘ kiáⁿ耶洗別做bó͘，去服事巴力，來kā伊敬拜。 | 註釋 串珠 原文 典藏 |
| 16:32 | 伊tī撒馬利亞起巴力ê廟，tī廟內kā巴力起壇。 | 註釋 串珠 字典 原文 典藏 |
| 16:33 | 亞哈koh造亞舍拉；亞哈所行ê tāichì激起上主—以色列ê上帝ê受氣，比伊以前ê以色列列王koh khah傷重。 | 註釋 串珠 字典 原文 典藏 |
| 16:34 | 當伊坐位ê時，有伯特利人Hi-el重起耶利哥城；hē地基ê時，死大kiáⁿ亞比蘭，hē門ê時，死soah尾kiáⁿ Se-gup，tú照上主託嫩ê kiáⁿ約書亞所講ê話。 | 註釋 串珠 字典 原文 典藏 |