章節 | 全民台語聖經漢羅經文 | 註釋 |
14:1 | 耶羅波安ê Kiáⁿ ê死亡Hit時,耶羅波安ê kiáⁿ亞比雅破病。 | 註釋 串珠 原文 典藏 |
14:2 | 耶羅波安對伊ê bó͘講:「你起來改妝,hō͘人m̄知你是耶羅波安ê bó͘。然後去示羅,tī hia有亞希雅先知,關係我伊bat講,我ē做chiahê人民ê王。 | 註釋 串珠 原文 典藏 |
14:3 | Taⁿ你ê手tio̍h帶十塊麵包kah幾塊á薄餅,以及一矸蜜去見伊,伊ē kā你講咱ê kiáⁿē án怎。」 | 註釋 串珠 字典 原文 典藏 |
14:4 | 耶羅波安ê bó͘就照ánne去行,起身去示羅,來到亞希雅ê家。亞希雅因為年老,目chiu 柴柴看bē tio̍h。 | 註釋 串珠 原文 典藏 |
14:5 | 上主kā亞希雅講:「你看,耶羅波安ê bó͘來beh為tio̍h伊ê kiáⁿ來問你,因為伊有破病。你tio̍h ánne ánne kā她講。耶羅波安ê bó͘入來ê時,會妝做別个 chabó͘人。」 | 註釋 串珠 原文 典藏 |
14:6 | 她tú-á入門,亞希雅聽tio̍h她ê腳步聲,to̍h講:「耶羅波安ê bó͘,入來!你ná ē妝做別个 chabó͘人?我奉差遣來報你pháiⁿ消息。 | 註釋 串珠 字典 原文 典藏 |
14:7 | 你tńg去kā耶羅波安講:上主—以色列ê上帝ánne講:『我tùi人民中舉起你,設立你做我ê以色列人民ê君王, | 註釋 串珠 原文 典藏 |
14:8 | tùi大衛家拆裂國,賞賜hō͘你。總是,你無親像我ê奴僕—大衛遵守我ê誡命,一心tòe我,專心行我看做正直ê tāichì。 | 註釋 串珠 原文 典藏 |
14:9 | 你竟然行pháiⁿ,贏過一切tī你以前ê王。因為你為kakī 造別个神明,koh鑄偶像,激我ê受氣,kā我棄sak tī你ê尻脊後。 | 註釋 串珠 字典 原文 典藏 |
14:10 | 因為ánne,我ē hō͘災禍臨到耶羅波安ê家,我ē剪除屬耶羅波安ê chapo͘丁,無論受拘束ê á是自由ê,tī以色列mā beh全部除去耶羅波安ê家,親像人除去糞埽,到全部除了。 | 註釋 串珠 字典 原文 典藏 |
14:11 | 見若屬耶羅波安ê人,死tī城內ê,狗ē kā伊食;死tī田野ê,空中ê鳥ē kā伊食,因為上主已經講過à。』」 | 註釋 串珠 字典 原文 典藏 |
14:12 | Taⁿ你起來tńg去你ê家,你ê腳一下踏入城,你ê kiaN2to̍h ē死。 | 註釋 串珠 原文 典藏 |
14:13 | 以色列人民ē為伊啼哭,kā伊埋葬,因為屬耶羅波安ê人,只有伊得tio̍h入墓。因為tī耶羅波安ê厝內,只有伊ǹg上主—以色列ê上帝顯出好事。 | 註釋 串珠 字典 原文 典藏 |
14:14 | 上主ē為kakī 興起一个王,來管理以色列。Tī hit日,祂ē剪除耶羅波安ê家。Tī tang時?Chit時to̍h是。 | 註釋 串珠 原文 典藏 |
14:15 | 因為上主ēphah以色列人,親像水中ê蘆葦teh搖,koh ētī祂所賞賜hō͘ in祖先ê好地拔出以色列ê根,hō͘ in tī大河hit-pêng四散,因為in造in ê 亞舍拉,激上主ê受氣。 | 註釋 串珠 字典 原文 典藏 |
14:16 | 因為耶羅波安ê罪,to̍h是伊本身所犯ê罪,koh hō͘以色列人犯罪,所以,上主ē棄sak以色列。」 | 註釋 串珠 原文 典藏 |
14:17 | 耶羅波安ê bó͘出發,tńg去到得撒,tú-á到厝ê戶碇,她ê kiáⁿ就死。 | 註釋 串珠 字典 原文 典藏 |
14:18 | 以色列人民kā伊埋葬,為伊啼哭,照上主託祂ê奴僕亞希雅先知所講ê話。 | 註釋 串珠 原文 典藏 |
14:19 | 耶羅波安死去耶羅波安其他ê tāichì,伊án怎交戰,án怎做王,lóng寫tī以色列列王ê記錄。 | 註釋 串珠 字典 原文 典藏 |
14:20 | 耶羅波安做王,共二十二年,to̍h kah伊ê祖先做伙睏。伊ê kiáⁿ拿答續接伊做王。 | 註釋 串珠 原文 典藏 |
14:21 | 偤大王羅波安(代下11:5-12:15)所羅門ê kiáⁿ羅波安tī偤大做王。羅波安坐位ê時,四十一歲,tī耶路撒冷,to̍h是上主tùi以色列眾支族中所揀來安置祂ê名ê城,做王十七年。伊ê老母ê名叫做拿瑪,是亞捫人。 | 註釋 串珠 原文 典藏 |
14:22 | 偤大國行上主所看做pháiⁿ ê tāichì,伊所行ê罪激動祂痛恨,比in祖先所做ê koh khah pháiⁿ。 | 註釋 串珠 原文 典藏 |
14:23 | 因為in tī ta̍k个高山,ta̍k欉青翠ê樹腳起壇,造柱像kah 亞舍拉。 | 註釋 串珠 字典 原文 典藏 |
14:24 | 國內mā有男性廟倡。In學hiahê上主tī以色列人ê面前所趕出ê列國,來行一切可惡ê tāichì。 | 註釋 串珠 原文 典藏 |
14:25 | 羅波安王五年,埃及王示撒起來攻擊耶路撒冷, | 註釋 串珠 原文 典藏 |
14:26 | 搶上主聖殿ê寶物kah王宮ê寶物,lóng帶走去,koh搶所羅門所做hiahê金ê屏牌。 | 註釋 串珠 字典 原文 典藏 |
14:27 | 羅波安王做銅ê屏牌來代替,交hō͘顧守王宮門ê侍衛長來顧守。 | 註釋 串珠 字典 原文 典藏 |
14:28 | 王ta̍k pái入去上主ê殿,侍衛就帶chiahê屏牌去,然後koh帶倒tńg去,hē tī侍衛ê厝。 | 註釋 串珠 字典 原文 典藏 |
14:29 | 羅波安其他ê tāichì,見若伊所行ê,kám無記tī偤大列王ê記錄? | 註釋 串珠 字典 原文 典藏 |
14:30 | 羅波安kah耶羅波安tiāⁿ-tiāⁿ 交戰。 | 註釋 串珠 原文 典藏 |
14:31 | 羅波安kah伊ê祖先同睏,kah伊ê祖先葬tī大衛ê城。伊ê老母ê名叫做拿瑪,是亞捫人。羅波安ê kiáⁿ亞比央續接伊做王。 | 註釋 串珠 原文 典藏 |