章節 | 全民台語聖經漢羅經文 | 註釋 |
10:1 | 示巴女王來拜訪(代下9:1-12)示巴ê女王聽tio̍h所羅門因為上主ê名所得tio̍h ê名聲,她to̍h來,beh用oh得解明ê tāichì來kā伊試探。 | 註釋 串珠 原文 典藏 |
10:2 | 她來到耶路撒冷,tòe她ê人真chē,有駱駝載芳料kah黃金真chē,mā有寶石。她見所羅門ê時,to̍h kā心內一切所存ê kah伊講。 | 註釋 串珠 字典 原文 典藏 |
10:3 | 所羅門照她所問ê lóng kā她應答,無一項王bē了解,致使bē tàng kā她講。 | 註釋 串珠 原文 典藏 |
10:4 | 示巴女王看tio̍h所羅門一切ê智慧kah伊所起ê厝、 | 註釋 串珠 原文 典藏 |
10:5 | 桌頂ê食物、人臣排列teh坐、奴僕跟tòe服事,以及in ê衫褲kah伊ê酒政,koh看tio̍h伊上上主聖殿ê崎á,就驚kah魂不附體。 | 註釋 串珠 字典 原文 典藏 |
10:6 | 她to̍h對王講:「我tī本國所聽tio̍h你ê tāichì kah你ê智慧,lóng是真實! | 註釋 串珠 原文 典藏 |
10:7 | 總是,我本來m̄信hiahê話,到我來親目看tio̍h,chiah知人所kā我講ê iáu無kah一半。你ê智慧kah你ê興通超過我所聽tio̍h ê名聲。 | 註釋 串珠 原文 典藏 |
10:8 | 你ê人有福氣!你ê奴僕真有福氣!In tiāⁿ-tiāⁿ khiā tī你ê面前,聽你ê智慧。 | 註釋 串珠 原文 典藏 |
10:9 | 上主—你ê上帝是應該oló ê。祂kah意你,hō͘你坐以色列ê國位;因為上主永遠疼以色列,所以,設立你做王,hō͘你秉公行義。」 | 註釋 串珠 字典 原文 典藏 |
10:10 | 她用一百他連得ê金kah真chē ê芳料,以及寶石送王。以後所送來ê芳料,m̄ bat koh有親像示巴女王送所羅門王ê hiah chē。 | 註釋 串珠 字典 原文 典藏 |
10:11 | (希南ê船隻tùi俄斐帶金來,koh tùi俄斐tòa真chē檀香柴kah寶石來。 | 註釋 串珠 字典 原文 典藏 |
10:12 | 王用檀香柴,為上主ê殿kah王宮做欄杆,koh為唱歌ê人做琴瑟。以後m̄ bat koh有hit款檀香柴送來,mā無人koh看tio̍h,一直到今á日。) | 註釋 串珠 字典 原文 典藏 |
10:13 | 所羅門照王ê禮,用物送示巴ê女王以外,見若女王所ài ê,所求ê, 伊lóng koh送她。就ánne,她kah她ê人臣倒tńg去in本國。 | 註釋 串珠 原文 典藏 |
10:14 | 所羅門王ê財富(代下9:13-29)所羅門ta̍k年所得tio̍h ê金,共六百六十六他連得。 | 註釋 串珠 字典 原文 典藏 |
10:15 | 以外有旅遊ê kah往來做senglí ê人,以及雜族chiahê王kah國內chiahê首領所進貢ê。 | 註釋 串珠 原文 典藏 |
10:16 | 所羅門王用過phah ê金做大屏牌兩百面,每面大屏牌用金六百舍客勒; | 註釋 串珠 字典 原文 典藏 |
10:17 | koh用過phah ê金做屏牌三百面,每面用金三彌拿。王kā它hē tī黎巴嫩樹林ê厝。 | 註釋 串珠 字典 原文 典藏 |
10:18 | 王koh用象牙做一个大寶座,用純金來安。 | 註釋 串珠 字典 原文 典藏 |
10:19 | 寶座有六層ê崎á,座位撐ê頂面是圓ê;雙pêng有靠手,靠手邊有兩隻獅khiā ·leh。 | 註釋 串珠 字典 原文 典藏 |
10:20 | Koh有十二隻獅khiā tī六層崎á ê chit pêng kah hit-pêng,tī別國lóng無製造親像ánne ê。 | 註釋 串珠 字典 原文 典藏 |
10:21 | 所羅門王一切lim ê器具lóng是金ê,黎巴嫩樹林ê厝一切ê器具mā是純金ê,lóng無銀ê。所羅門ê年間,人看銀做無價值。 | 註釋 串珠 字典 原文 典藏 |
10:22 | 因為王有他施ê船隊kah希南ê船隊做伙過海,chiahê他施ê船隊載金、銀、象牙、猴、孔雀,每三年tńg來一pái。 | 註釋 串珠 字典 原文 典藏 |
10:23 | 所羅門王ê好額kah智慧贏過天下列王。 | 註釋 串珠 原文 典藏 |
10:24 | 天下ê人lóng ài來見所羅門ê面,聽伊ê智慧,to̍h是上主賞賜tī伊ê心ê。 | 註釋 串珠 原文 典藏 |
10:25 | In ta̍k个帶進貢ê物,to̍h是銀器、金器、衫褲、軍器、芳料、馬kah騾,ta̍k年有定tio̍h ê例。 | 註釋 串珠 字典 原文 典藏 |
10:26 | 所羅門聚集戰車kah馬兵;伊有戰車一千四百台,馬兵一萬二千名;伊kā in安置tī hiahê囤車ê城,mā kah王做伙tī耶路撒冷。 | 註釋 串珠 字典 原文 典藏 |
10:27 | 王tī耶路撒冷hō͘銀親像石頭,hō͘柏香柴親像平原ê桑材樹,因為有真chē。 | 註釋 串珠 字典 原文 典藏 |
10:28 | 所羅門ê馬是tùi埃及運來ê,是王ê senglí人,一陣一陣,照價錢買來ê。 | 註釋 串珠 字典 原文 典藏 |
10:29 | Tùi埃及運來ê車,每台價值銀六百舍客勒,馬每隻價值一百五十。赫人chiahê王kah亞南chiahê王,mā lóng tùi 王ê senglí人經手,kā in運出來。 | 註釋 串珠 字典 原文 典藏 |