章節 | 全民台語聖經漢羅經文 | 註釋 |
5:1 | 所羅門準備起造聖殿(代下2:1-18)推羅王希南差伊ê奴僕去見所羅門,因為伊聽tio̍h人用油kā伊抹來續接伊ê老父做王;因為希南平時疼大衛。 | 註釋 串珠 原文 典藏 |
5:2 | 所羅門mā差人去見希南,講: | 註釋 串珠 字典 原文 典藏 |
5:3 | 「你知我ê老父大衛,因為四箍圍四方ê交戰,bē tàng為上主—伊ê上帝ê名起殿,一直到上主kā對敵hē tī伊ê腳前。 | 註釋 串珠 字典 原文 典藏 |
5:4 | Taⁿ上主—我ê上帝已經賞賜我四方平安,致使無對敵,無災禍。 | 註釋 串珠 原文 典藏 |
5:5 | 我ê意思是beh為上主—我ê上帝ê名起殿,是照上主應允我ê老父大衛ê話,祂講:『我beh hō͘你ê kiáⁿ續接你,坐你ê位,伊beh為我ê名起殿。』 | 註釋 串珠 字典 原文 典藏 |
5:6 | 所以,請你命令人,tī黎巴嫩kā我剉柏香柴,我ê奴僕ē kah你ê奴僕做伙做,我mā ē照見若你所定tio̍h ê,kā你ê奴僕ê工錢交hō͘你,因為你知,tī阮中間無人親像西頓人hiah gâu剉樹。」 | 註釋 串珠 字典 原文 典藏 |
5:7 | 希南聽tio̍h所羅門ê話,to̍h真歡喜,講:「今á日應該oló上主,因為祂賞賜大衛一个有智慧ê kiáⁿ,來治理chiah chē ê人民。」 | 註釋 串珠 字典 原文 典藏 |
5:8 | 希南差人去見所羅門講:「你差人所對我講ê tāichì,我有聽tio̍h;講tio̍h柏香柴kah松樹ê柴,我ē照你ê心願來做。 | 註釋 串珠 字典 原文 典藏 |
5:9 | 我ê奴僕ē tùi黎巴嫩kā它運落海,我ēká kui排浮tī海裡,到你所kā我指定ê所在,我ētī hia拆開,你thang接收;你用食物hō͘我ê家,成我ê心願。」 | 註釋 串珠 原文 典藏 |
5:10 | 希南to̍h用柏香柴kah松樹ê柴,照伊一切所愛ê hō͘所羅門。 | 註釋 串珠 原文 典藏 |
5:11 | 所羅門hō͘希南二萬歌珥ê小麥,二十歌珥ê清油,做伊厝內ê食物。所羅門ta̍k年照ánne hō͘希南。 | 註釋 串珠 原文 典藏 |
5:12 | 上主照祂所應允ê,賞賜智慧hō͘所羅門。希南kah所羅門ê中間有和平,in兩人做伙立約。 | 註釋 串珠 原文 典藏 |
5:13 | 所羅門王tùi以色列人民ê中間派人工,所派ê人工共三萬。 | 註釋 串珠 字典 原文 典藏 |
5:14 | 伊ta̍k月日輪流派一萬人到黎巴嫩;所以in一月日tī黎巴嫩,兩月日tī厝內。A-to-nî-lâm是負責督工ê。 | 註釋 串珠 原文 典藏 |
5:15 | 所羅門有擔工七萬,有八萬人tī山裡phah石。 | 註釋 串珠 原文 典藏 |
5:16 | Chiahê以外,所羅門有用督工ê大官三千三百人,in監督hiahê做工ê人。 | 註釋 串珠 原文 典藏 |
5:17 | 王出令,in to̍h運大石kah寶貝ê石,用phah好ê石來hē做厝ê地基。 | 註釋 串珠 字典 原文 典藏 |
5:18 | 所羅門ê師傅kah希南ê師傅,以及Ge-bal人lóng phah石,koh準備柴料kah石,來起聖殿。 | 註釋 串珠 原文 典藏 |