| 章節 | 全民台語聖經漢羅經文 | 註釋 |
| 20:1 | 約拿單幫贊大衛大衛tùi 拉瑪ê拿約逃走，來到約拿單ê面前，講：「我做啥物？我有啥物pháiⁿ？Tī你ê老父ê面前有啥物罪，伊竟然teh siàu想我ê性命？」 | 註釋 串珠 盧俊義 原文 典藏 |
| 20:2 | 約拿單kā伊講：「決斷m̄是，你bē致到死。我ê老父做tāichì，無論大細，無一項無hō͘我知。我ê老父kám kantaⁿ隱瞞我chit項tāichì？絕對無ánne。」 | 註釋 串珠 盧俊義 原文 典藏 |
| 20:3 | 大衛koh chiùchōa講：「你ê老父一定知我tī你ê面前得tio̍h恩典。伊ê心想講：m̄ thang hō͘約拿單知，恐驚伊ē憂悶。我kí上主ê永遠ê活命kah你ê活命來chiùchōa，我離開死亡只有一步niā-niā。」 | 註釋 串珠 盧俊義 原文 典藏 |
| 20:4 | 約拿單kā大衛講：「你ê心所意愛ê，我ē kā你做。」 | 註釋 串珠 盧俊義 原文 典藏 |
| 20:5 | 大衛kā約拿單講：「明á載是初一，我應該tio̍h kah王坐桌，求你容允我去bih tī田裡，到第三日ê-hng。 | 註釋 串珠 盧俊義 原文 典藏 |
| 20:6 | 你ê老父若看我無tī ·leh，你to̍h講：『大衛迫切求我准伊tńg去伊ê本城伯利恆，因為伊全家beh tī hia獻年祭。』 | 註釋 串珠 盧俊義 原文 典藏 |
| 20:7 | 伊若講，好à，你ê奴僕to̍h有平安；伊若受氣，to̍h知伊決意beh害我。 | 註釋 串珠 盧俊義 原文 典藏 |
| 20:8 | Taⁿ你tio̍h施恩hō͘你ê奴僕，因為你早前有hō͘你ê奴僕kah你kí上主來結約。我若有罪，請你本身thâi我，ná tio̍h帶我到你ê老父hia？」 | 註釋 串珠 盧俊義 原文 典藏 |
| 20:9 | 約拿單講：「我決斷無對你ánne行，因為我若真正知我ê老父決意beh害你，我kám bē kā你講？」 | 註釋 串珠 盧俊義 原文 典藏 |
| 20:10 | 大衛kā約拿單講：「你ê老父若用pháiⁿ聲sàu應你，啥人ē來kā我講？」 | 註釋 串珠 盧俊義 原文 典藏 |
| 20:11 | 約拿單應大衛講：「來à，咱出來去田裡。」兩人to̍h出去田裡。 | 註釋 串珠 盧俊義 原文 典藏 |
| 20:12 | 約拿單kā大衛講：「願上主—以色列ê上帝做見證，明á載chit時á是第三日，我探看我ê老父，若有好意思ǹg大衛，我kám bē差人kā你講？ | 註釋 串珠 盧俊義 原文 典藏 |
| 20:13 | 我ê老父若有意思beh害你，我ē kā你講，hō͘你平安去，若無，願上主加倍責罰約拿單。願上主kah你同在，親像祂bat kah我ê老父同在。 | 註釋 串珠 盧俊義 原文 典藏 |
| 20:14 | M̄-nā我活leh ê時，你tio̍h對我顯明上主ê慈愛，免得我死亡， | 註釋 串珠 盧俊義 原文 典藏 |
| 20:15 | to̍h是上主tùi地chiūⁿ全部剪除大衛ê對敵ê時，你mā永遠m̄ thang對我ê家絕斷你ê恩惠。」 | 註釋 串珠 盧俊義 原文 典藏 |
| 20:16 | 約拿單to̍h kah大衛ê家結約，講：「願上主tùi大衛chiahê對敵ê手來討伊。」 | 註釋 串珠 盧俊義 原文 典藏 |
| 20:17 | 約拿單因為疼大衛，to̍h kah伊koh chiùchōa，因為伊疼伊親像疼kakī ê性命。 | 註釋 串珠 盧俊義 原文 典藏 |
| 20:18 | 約拿單kā伊講：「明á載是月ê初一，你ê位放空，beh講你無tī ·leh。 | 註釋 串珠 盧俊義 字典 原文 典藏 |
| 20:19 | 等到第三日，你tio̍h趕緊落去到你前tú tio̍h tāichì所bih ê所在，tī Í-sek ê石磐hia thèng候。 | 註釋 串珠 盧俊義 原文 典藏 |
| 20:20 | 我ē射三支箭tī石磐邊，ná親像teh考靶。 | 註釋 串珠 盧俊義 字典 原文 典藏 |
| 20:21 | 我ē差一个gín-á，講：『你去chhōe hiahê箭。』我若kā gín-á講：『你看，箭tī你chit pêng，tio̍h拾起來。』你to̍h thang tńg來；我kí永遠活ê上主來chiùchōa，你ē有平安無害。 | 註釋 串珠 盧俊義 字典 原文 典藏 |
| 20:22 | 我若kā gín-á講：『你看，箭tī你hit-pêng。』你to̍h tio̍h去，因為是上主差你去。 | 註釋 串珠 盧俊義 字典 原文 典藏 |
| 20:23 | 講tio̍h你我今á日所講ê，有上主tī你kah我ê中間，一直到永遠。」 | 註釋 串珠 盧俊義 原文 典藏 |
| 20:24 | 大衛to̍h去bih tī田裡。到初一，王坐桌teh beh食。 | 註釋 串珠 盧俊義 字典 原文 典藏 |
| 20:25 | 王照常坐伊ê位，to̍h是óa tī壁邊ê位，約拿單teh khiā，押尼珥坐tī掃羅ê身邊，大衛ê位放空。 | 註釋 串珠 盧俊義 字典 原文 典藏 |
| 20:26 | 總是，chit日掃羅無講啥物，伊想講大衛tú tio̍h tāichì，無清氣，伊一定是無清氣。 | 註釋 串珠 盧俊義 原文 典藏 |
| 20:27 | 隔tńg工，to̍h是hit月ê初二，大衛ê位猶原放空。掃羅問伊ê kiáⁿ約拿單講：「耶西ê kiáⁿ ná ē昨昏kah今á日lóng無來食？」 | 註釋 串珠 盧俊義 字典 原文 典藏 |
| 20:28 | 約拿單應掃羅講：「大衛迫切求我准伊去伯利恆。 | 註釋 串珠 盧俊義 原文 典藏 |
| 20:29 | 伊講：『求你准我去，因為阮tau tī城內有祭祀，我ê阿兄吩咐我去。Taⁿ我若tī你ê目chiu 前得tio̍h恩典，求你准去見我hiahê阿兄。』所以，伊無來kah王坐桌。」 | 註釋 串珠 盧俊義 字典 原文 典藏 |
| 20:30 | 掃羅對約拿單受氣，kā伊講：「你chitê硬心悖逆ê chabó͘人ê kiáⁿ，我kám m̄知你揀耶西ê kiáⁿ kakī 取凌辱，致使你ê老母tú tio̍h thǹgpaktheh ê凌辱？ | 註釋 串珠 盧俊義 原文 典藏 |
| 20:31 | 因為耶西ê kiáⁿ活tī地chiūⁿê時，你kah你ê國一定bē堅固。Taⁿ tio̍h差人去掠伊來我chia，伊一定tio̍h死。」 | 註釋 串珠 盧俊義 原文 典藏 |
| 20:32 | 約拿單應伊ê老父掃羅，對伊講：「伊án怎tio̍h死？伊kám有做啥物m̄ tio̍h？」 | 註釋 串珠 盧俊義 原文 典藏 |
| 20:33 | 掃羅cho̍k hit支鎗，beh鑿約拿單，約拿單to̍h知伊ê老父決意behthâi大衛。 | 註釋 串珠 盧俊義 字典 原文 典藏 |
| 20:34 | 就ánne，約拿單真受氣，to̍h對桌裡起來，tī初二chit日無食啥物。伊因為大衛來煩惱，是因為伊ê老父teh kā伊凌辱。 | 註釋 串珠 盧俊義 字典 原文 典藏 |
| 20:35 | 隔工早起，約拿單照伊kah大衛約ê時，出去到田裡，有一个gín-á kah伊去。 | 註釋 串珠 盧俊義 原文 典藏 |
| 20:36 | Kā gín-á講：「你走去chhōe我所射ê箭。」Gín-á走去，約拿單就射一支箭tī伊ê頭前。 | 註釋 串珠 盧俊義 字典 原文 典藏 |
| 20:37 | Gín-á來到約拿單ê箭射到ê所在，約拿單tī gín-á ê後面大聲hoah：「箭kám m̄是tī你ê頭前？」 | 註釋 串珠 盧俊義 原文 典藏 |
| 20:38 | 約拿單koh叫gín-á講：「趕緊o͘h，趕緊去，m̄ thang延chhiân。」約拿單ê gín-a2to̍h去拾hit支箭，倒tńg來伊ê主人hia。 | 註釋 串珠 盧俊義 字典 原文 典藏 |
| 20:39 | 總是，gín-á m̄知這是啥物意思，只有約拿單kah大衛知chitê tāichì。 | 註釋 串珠 盧俊義 原文 典藏 |
| 20:40 | 約拿單kā器械交帶gín-á，吩咐講：「你the̍h tńg去城內。」 | 註釋 串珠 盧俊義 字典 原文 典藏 |
| 20:41 | Gín-á走了後，大衛to̍h tùi南pêng一个所在出來，仆tī土腳，拜三拜，兩人相chim，做伙啼哭，大衛koh khah傷心到極。 | 註釋 串珠 盧俊義 原文 典藏 |
| 20:42 | 約拿單kā大衛講：「你taⁿ平安去，咱兩人已經kí上主ê名chiùchōa講：『願上主tī你kah我ê中間koh tī你ê kiáⁿ孫kah我ê kiáⁿ孫ê中間，一直到永遠。』」大衛to̍h起來離開去；約拿單mā tńg去城內。 | 註釋 串珠 盧俊義 原文 典藏 |