| 章節 | 全民台語聖經漢羅經文 | 註釋 |
| 15:1 | Kah亞瑪力人交戰撒母耳kā掃羅講：「上主差我kā你抹油，設立你做王，治理祂ê子民—以色列人；所以，你tio̍h聽上主所講ê話。 | 註釋 串珠 盧俊義 原文 典藏 |
| 15:2 | 萬軍ê上主ánne講：『以色列人出埃及ê時，亞瑪力人án怎款待in，án怎截in ê路，我lóng ē記得。 | 註釋 串珠 盧俊義 字典 原文 典藏 |
| 15:3 | Taⁿ你tio̍h去phah亞瑪力，全部kā in滅亡，m̄ thang保惜in，kā男、女、gín-á kah食奶ê，以及牛、羊、駱駝kah驢á，全部kā inthâi死。』」 | 註釋 串珠 盧俊義 字典 原文 典藏 |
| 15:4 | 掃羅to̍h招集人民tī Thi-la̍k-in，kā in點算，總共步兵二十萬，偤大人一萬。 | 註釋 串珠 盧俊義 原文 典藏 |
| 15:5 | 掃羅到亞瑪力ê城，埋伏tī山谷中。 | 註釋 串珠 盧俊義 原文 典藏 |
| 15:6 | 掃羅kā基尼人講：「Lín落去離開亞瑪力人，免得我kā lín kah in做一下剿滅，因為以色列人出埃及ê時，lín bat好款待in。」就ánne，基尼人離開亞瑪力人去。 | 註釋 串珠 盧俊義 原文 典藏 |
| 15:7 | 掃羅phah亞瑪力人，追哈腓拉到埃及頭前ê書珥。 | 註釋 串珠 盧俊義 原文 典藏 |
| 15:8 | 伊kā亞瑪力王亞甲活活掠起來，用刀kā伊ê人民全部thâi死。 | 註釋 串珠 盧俊義 字典 原文 典藏 |
| 15:9 | 總是，掃羅kah人民保惜亞甲，mā保惜siōng好ê羊、牛、牛á、羊á kah一切好ê物，m̄肯全部kā牠滅掉。見若下賤m̄-chiâⁿ物ê，lóng全部thâi死。 | 註釋 串珠 盧俊義 字典 原文 典藏 |
| 15:10 | 上主後悔hō͘掃羅做王Hit時，上主ê話臨到撒母耳講： | 註釋 串珠 盧俊義 原文 典藏 |
| 15:11 | 「我為tio̍h設立掃羅做王來後悔，因為伊oa̍t tńg去無tòe我，無遵守我ê命令。」撒母耳真慼心，kui暝求上主。 | 註釋 串珠 盧俊義 原文 典藏 |
| 15:12 | 撒母耳隔工早起，透早beh去迎接掃羅。有人kā撒母耳講：「掃羅去到迦密，tī hia為kakī khiā石碑，koh oa̍t-tńg過去，落到吉甲。」 | 註釋 串珠 盧俊義 原文 典藏 |
| 15:13 | 撒母耳到掃羅hia，掃羅kā伊講：「願上主kā你賜福，我已經遵守上主ê命令à。」 | 註釋 串珠 盧俊義 原文 典藏 |
| 15:14 | 撒母耳講：「Án-ne，to̍h有chitê羊meh-meh哮入我ê耳孔，kah我所聽tio̍h牛teh ma-ma叫，是啥物原因？」 | 註釋 串珠 盧俊義 字典 原文 典藏 |
| 15:15 | 掃羅講：「In tùi亞瑪力人hia帶來ê，因為人民保惜siōng好ê羊kah牛，beh獻hō͘上主—你ê上帝，其他ê阮lóng剿滅。」 | 註釋 串珠 盧俊義 字典 原文 典藏 |
| 15:16 | 撒母耳kā掃羅講：「你恬恬，我beh kā上主昨暝所kā我講ê來kā你講。」掃羅應伊講：「請講。」 | 註釋 串珠 盧俊義 原文 典藏 |
| 15:17 | 撒母耳講：「早前你雖然kakī 看做微細，kám m̄是受設立做以色列支族ê頭？上主用油kā你抹，hō͘你做王來治理以色列。 | 註釋 串珠 盧俊義 原文 典藏 |
| 15:18 | 而且上主差你出發去，吩咐你講：亞瑪力人是有罪ê人，你tio̍h去全部kā in剿滅掉，koh kah in交戰，到in lóng滅亡。 | 註釋 串珠 盧俊義 字典 原文 典藏 |
| 15:19 | 你án怎無遵thàn上主ê話，趕緊去搶物，行上主所看做pháiⁿ ê tāichì？」 | 註釋 串珠 盧俊義 原文 典藏 |
| 15:20 | 掃羅kā撒母耳講：「我實在有遵thàn上主ê命令，行上主所差我行ê路，掠亞瑪力王亞甲來，全部剿滅亞瑪力人。 | 註釋 串珠 盧俊義 字典 原文 典藏 |
| 15:21 | 總是，人民tùi所搶ê物ê中間，取羊、牛，應該獻ê物ê siōng好ê，beh tī吉甲祭獻上主—你ê上帝。」 | 註釋 串珠 盧俊義 字典 原文 典藏 |
| 15:22 | 撒母耳講：「上主歡喜燒祭ê祭祀，kám親像歡喜人遵thàn上主ê話？你看，遵thàn贏過獻祭，遵thàn是贏過羊káng ê油。 | 註釋 串珠 盧俊義 字典 原文 典藏 |
| 15:23 | 因為背叛是親像行邪術ê罪，硬心是親像服事虛假，親像拜偶像。為tio̍h你棄sak上主ê話，祂mā ē棄sak你，無koh hō͘你做王。」 | 註釋 串珠 盧俊義 字典 原文 典藏 |
| 15:24 | 掃羅對撒母耳講：「我有罪，因為我有犯tio̍h上主ê命令kah你ê話，是tùi我驚人民，聽in ê話。 | 註釋 串珠 盧俊義 原文 典藏 |
| 15:25 | Taⁿ求你赦免我ê罪，kah我tńg去，hō͘我thang敬拜上主。」 | 註釋 串珠 盧俊義 原文 典藏 |
| 15:26 | 撒母耳kā掃羅講：「我m̄ kah你tńg去，因為你棄sak上主ê命令，上主mā棄sak你，無koh hō͘你做以色列ê王。」 | 註釋 串珠 盧俊義 原文 典藏 |
| 15:27 | 撒母耳oa̍t-tńg身beh離開，掃羅khiú伊ê衫á裾，衫to̍h裂斷。 | 註釋 串珠 盧俊義 字典 原文 典藏 |
| 15:28 | 撒母耳kā伊講：「今á日上主hō͘以色列國kah你絕斷，mā是ánne，beh kā國賞賜hō͘你ê厝邊ê一个比你khah好ê。 | 註釋 串珠 盧俊義 原文 典藏 |
| 15:29 | 以色列ê大能者無講白賊，mā無後悔，因為祂m̄是世間人，ē有後悔。」 | 註釋 串珠 盧俊義 原文 典藏 |
| 15:30 | 掃羅講：「我有罪，雖然ánne，求你尊重我tī我ê人民ê長老kah以色列人ê面前，kah我tńg去，hō͘我敬拜上主—你ê上帝。」 | 註釋 串珠 盧俊義 原文 典藏 |
| 15:31 | 撒母耳to̍h oa̍t-tńg身tòe掃羅去，掃羅就敬拜上主。 | 註釋 串珠 盧俊義 原文 典藏 |
| 15:32 | 撒母耳講：「Lín tio̍h帶亞瑪力王亞甲來我chia。」亞甲就安心來到伊ê面前，亞甲講：「死亡ê艱苦一定過去à。」 | 註釋 串珠 盧俊義 原文 典藏 |
| 15:33 | 撒母耳講：「你ê刀bat hō͘ chabó͘人無kiáⁿ，ánne你ê老母tī chabó͘人中間mā ē無kiáⁿ。」就ánne，撒母耳tī吉甲，上主ê面前，kā亞甲破做kui塊。 | 註釋 串珠 盧俊義 字典 原文 典藏 |
| 15:34 | 撒母耳去拉瑪，掃羅上去伊ê厝，到掃羅ê基比亞。 | 註釋 串珠 盧俊義 原文 典藏 |
| 15:35 | 撒母耳到伊死ê日，無koh來見掃羅，因為撒母耳為tio̍h掃羅憂悶。上主因為設立掃羅做以色列王，mā有後悔。 | 註釋 串珠 盧俊義 原文 典藏 |