章節 | 全民台語聖經漢羅經文 | 註釋 |
12:1 | 耶弗他kah以法連人以法連人聚集到北方,對耶弗他講:「你過去kah亞捫人交戰,án怎無叫阮kah你去?阮beh用火燒你kah你ê厝。」 | 註釋 串珠 康來昌 原文 典藏 |
12:2 | 耶弗他對in講:「我kah我ê人民kah亞捫人大計較,我招lín來,lín竟然無救我脫離in ê手。 | 註釋 串珠 康來昌 原文 典藏 |
12:3 | 我看tio̍h lín無來救我,我to̍h拚命進前去攻擊亞捫人,上主kā in交tī我ê手中,lín今á日ná ē來我chia beh kah我交戰? | 註釋 串珠 康來昌 原文 典藏 |
12:4 | 耶弗他to̍h聚集基列ê群眾,去kah以法連人交戰。基列人phah死以法連人,因為in講:「Lín基列人tī以法連kah瑪拿西ê中間,只不過是以法連逃走ê人。」 | 註釋 串珠 康來昌 原文 典藏 |
12:5 | 基列人tī以法連人ê頭前把守約旦河ê渡口,以法連逃走ê人若講:「請hō͘阮過去。」基列人to̍h問伊講:「你是以法連人á m̄是?」 | 註釋 串珠 康來昌 原文 典藏 |
12:6 | 伊若講:「M̄是。」to̍h kā伊講:「你講 "Sī-pò͘-lia̍t"。」伊講做 "Se-pò͘-lia̍t",因為in ê音講bē正,in to̍hka7伊掠起來,tī約旦河ê渡口kā伊thâi死。Hit時,以法連人受thâiê有四萬兩千人。 | 註釋 串珠 康來昌 原文 典藏 |
12:7 | 耶弗他做以色列ê士師六年。基列人耶弗他死,埋葬tī基列ê一个城。 | 註釋 串珠 康來昌 原文 典藏 |
12:8 | 以比讚、以倫,押頓耶弗他了後,有伯利恆人以比讚做以色列ê士師。 | 註釋 串珠 康來昌 原文 典藏 |
12:9 | 伊有三十個kiáⁿ,koh三十個chabó͘ kiáⁿ嫁過tī外口,mā對外口kā伊ê kiáⁿ娶三十個新婦。伊做以色列ê士師七年。 | 註釋 串珠 康來昌 原文 典藏 |
12:10 | 以比讚死,埋葬tī伯利恆。 | 註釋 串珠 康來昌 原文 典藏 |
12:11 | 以比讚了後,有西布倫人以倫做以色列ê士師,伊做以色列ê士師十年。 | 註釋 串珠 康來昌 原文 典藏 |
12:12 | 西布倫人以倫死,埋葬tī西布倫地ê A-iah-lūn。 | 註釋 串珠 康來昌 原文 典藏 |
12:13 | 以倫了後,有Pí-la̍h-tûn人,Hi-lia̍t ê kiáⁿ押頓,做以色列ê士師。 | 註釋 串珠 康來昌 原文 典藏 |
12:14 | 伊有四十個kiáⁿ,三十個孫,騎七十隻驢á,伊做以色列ê士師八年。 | 註釋 串珠 康來昌 字典 原文 典藏 |
12:15 | 比拉頓人Hi-lia̍t ê kiáⁿ押頓死,埋葬tī以法連地ê 比拉頓,tī亞瑪力人ê山地。 | 註釋 串珠 康來昌 原文 典藏 |