章節 | 全民台語聖經漢羅經文 | 註釋 |
10:1 | 陀拉亞比米勒了後,有以薩迦人,Tó-to ê孫,Phu-oah ê kiáⁿ陀拉起來,拯救以色列人,伊tòa tī以法連山地ê Sa-bi̍t。 | 註釋 串珠 康來昌 原文 典藏 |
10:2 | 伊做以色列ê士師二十三年,就死,埋葬tī Sa-bi̍t。 | 註釋 串珠 康來昌 原文 典藏 |
10:3 | 睚珥陀拉了後,有基列人睚珥起來,做以色列ê士師二十二年。 | 註釋 串珠 康來昌 原文 典藏 |
10:4 | 伊有三十個kiáⁿ,騎三十隻ê驢á,in有三十座城,名叫做Ha-bo̍͘t-ia-il,到今á日,lóng是tī基列 地。 | 註釋 串珠 康來昌 字典 原文 典藏 |
10:5 | 睚珥死,就埋葬tī Ka-bûn。 | 註釋 串珠 康來昌 原文 典藏 |
10:6 | 以色列人koh行上主所看做pháiⁿ ê tāichì,去服事chiahê巴力kah亞斯她錄,以及亞南ê神明、西頓hiahê神明、摩押ê神明、亞捫人ê神明、腓利士人ê神明,棄sak上主無koh服事祂。 | 註釋 串珠 康來昌 原文 典藏 |
10:7 | 上主受氣以色列人,kā in賣hō͘腓利士人ê手中,kah亞捫人ê手中。 | 註釋 串珠 康來昌 原文 典藏 |
10:8 | In tùi hit年起,擾亂壓制以色列人十八年,to̍h是tī約旦河hit-pêng,眾以色列人tòa tī亞摩利人ê地,to̍h是tī基列ê。 | 註釋 串珠 康來昌 原文 典藏 |
10:9 | 亞捫人koh過約旦河,去攻擊偤大、便雅憫、以法連族,以色列人to̍h受tio̍h非常ê迫害。 | 註釋 串珠 康來昌 原文 典藏 |
10:10 | 以色列人哀求上主,講:「阮得罪祢,因為有棄sak阮ê上帝,去服事chiahê巴力。」 | 註釋 串珠 康來昌 原文 典藏 |
10:11 | 上主對以色列人講:「我kám無救lín脫離埃及人、亞摩利人、亞捫人kah腓利士人? | 註釋 串珠 康來昌 原文 典藏 |
10:12 | 西頓人、亞瑪力人kah瑪雲人mā lóng kā lín壓制;lín對我哀求,我mā拯救lín來脫離in ê手。 | 註釋 串珠 康來昌 原文 典藏 |
10:13 | Lín竟然放sak我,去服事別个神明,所以,我無koh救lín。 | 註釋 串珠 康來昌 原文 典藏 |
10:14 | Lín去哀求lín所揀ê神明,lín tú tio̍h患難ê時,thang hō͘ in kā lín救!」 | 註釋 串珠 康來昌 原文 典藏 |
10:15 | 以色列人對上主講:「阮犯罪à,chhut-chāi祢ê意思款待阮,獨獨求祢今á日救阮。」 | 註釋 串珠 康來昌 原文 典藏 |
10:16 | Into̍h tùi in中間除去外邦ê神明,來服事上主。上主ê心因為以色列人ê艱苦,就憂悶。 | 註釋 串珠 康來昌 原文 典藏 |
10:17 | Hit當時,亞捫人聚集óa來,紮營tī基列。以色列人mā聚集óa來,紮營tī米斯巴。 | 註釋 串珠 原文 典藏 |
10:18 | 基列ê人民kah眾首領,大家做伙議論講:「啥人ētāi先去攻擊亞捫人?Hitê人beh做基列眾人ê頭人。」 | 註釋 串珠 原文 典藏 |