章節 | 全民台語聖經漢羅經文 | 註釋 |
5:1 | 底波拉kah巴拉之歌Hit日,底波拉kah A-pí-lô-am ê kiáⁿ巴拉唱歌: | |
5:2 | 因為以色列中做頭ê,做頭chhōa in,因為人民甘願犧牲, Lín tio̍h oló上主。 | |
5:3 | 列王,lín tio̍h聽!Chiahê首領tio̍h àⁿ耳孔!我 ǹg上主,我beh吟詩;我 beh唱歌oló上主—以色列ê上帝。 | |
5:4 | 上主ah,祢tùi西珥出,tùi以東地行來. Hit時,地振動,天teh滴,雲mā滴水。 | |
5:5 | Chiahê山tī上主ê面前搖動, to̍h是chitê西奈山tī上主—以色列上帝ê面前搖動。 | |
5:6 | Tī亞拿ê kiáⁿ珊迦ê時,koh tī雅億ê日,大路無人行,行路ê人lóng是彎小路。 | |
5:7 | 以色列中無頭人,lóng總無,到我tùi底波拉起來,到我起來tī以色列中做老母。 | |
5:8 | In揀新ê神明,交戰to̍h到in ê城門。Hit時,以色列四萬人ê中間,Kám會看tio̍h藤牌kah鎗? | |
5:9 | 我ê心意向以色列hiahê設立律法ê,人民中甘願犧牲ê, lín tio̍h oló上主。 | |
5:10 | 騎白驢ê,坐繡花毯á ê,行路ê,lín lóng tio̍h宣揚。 | |
5:11 | Tī chhiūⁿ水ê所在,離開射箭ê人ê聲遠遠,tī hia人beh講起上主公義ê所行,to̍h是祂治理以色列公義ê所行。Hit時,上主ê子民落去到城門。 | |
5:12 | 底波拉,醒起來!醒起來!你tio̍h醒,tio̍h醒,來唱歌。 巴拉,你tio̍h起來,A-pí-lô-am ê kiáⁿ,tio̍h掠你所掠ê去。 | |
5:13 | Hit時,所chhun落來ê貴族,kah人民做伙落來,上主為我臨到,攻擊勇士。 | |
5:14 | 有tùi以法連來ê,伊ê根本tī亞瑪力;便雅憫chham tī你ê人民中間跟tòe你,有設律法ê,tùi瑪吉落來;有gia̍h 柺點算人民ê數額ê,tùi西布倫落來。 | |
5:15 | 以薩迦ê首領,kah底波拉做伙來,以薩迦kah巴拉相siâng,in tòe伊走落來平原;tī流便ê溪邊, 心有大大斟酌議論。 | |
5:16 | 你án怎坐tī羊椆ê中央,聽叫羊群ê聲? | |
5:17 | 基列tòa tī約旦河hit-pêng。但án怎停tī船裡?亞設恬恬坐tī海邊,tiàm tī港內。 | |
5:18 | 西布倫是拚命m̄驚死ê人民; kah拿弗他利tī田野koân ê所在,mā是ánne。 | |
5:19 | 列王來交戰。Hit時,迦南列王tī米吉多水邊ê他拉交戰, 總是,無搶tio̍h銀。 | |
5:20 | 有對天交戰ê,星辰tùi in ê軌道來kah西西拉交戰。 | |
5:21 | 基順河kā in流去,基順河to̍h是古早ê河。我ê心神ah,你奮勇進前去。 | |
5:22 | 馬蹄kho̍k-kho̍k哮,是因為趕緊走,to̍h是有力ê走真緊。 | |
5:23 | 上主ê使者講,tio̍h咒詛Bí-lô-su,大大咒詛tòa tī其中ê人民,因為in無來幫贊上主, 無來幫贊上主抵敵勇士。 | |
5:24 | 基尼人希伯ê bó͘雅億,比hiahê chabó͘人khah有福氣, 比tòa tī布棚內ê chabó͘人khah有福氣。 | |
5:25 | 西西拉討水,她to̍h用奶hō͘伊,用寶貝ê盤phâng牛奶油hō͘伊。 | |
5:26 | 雅億伸手gia̍h釘, 正手gia̍h做工人ê鎚á,用鎚á摃西西拉,釘過伊ê頭殼,鑿透過伊ê鬢邊。 | |
5:27 | Tī她ê腳ê中間,西西拉仆落去,chhih落去,倒teh,tī她ê腳ê中間仆落去,chhih落去; tī所仆落ê所在,chhih落去來死。 | |
5:28 | 西西拉ê老母tùi窗á看出去,tùi窗á-chí裡大聲hoah: 怎樣伊ê車慢慢來?怎樣伊ê車輪hiah延chhiân? | |
5:29 | 跟tòe伊ê聰明尊貴ê chabó͘人kā她應,她mā kakī 應講: | |
5:30 | Kám無得tio̍h啥物?Kám無分tio̍h所搶ê物? Ta̍k人kám無分tio̍h一兩 个chabó͘-gín-á?西西拉就分tio̍h所搶彩色ê衫,所搶繡花彩色ê衫,兩面lóng是彩色繡花ê,thang掛tī頷頸,做所搶ê物。 | |
5:31 | 上主ah,願祢ê對敵lóng親像ánne滅亡!願疼祂ê人親像日出光nà-nà!以後地方太平四十年。 |