章節 | 全民台語聖經漢羅經文 | 註釋 |
24:1 | 巴蘭看tio̍h上主歡喜賜福hō͘以色列,to̍h無親像éng-pái去chhōe法術,是面ǹg曠野。 | 註釋 串珠 康來昌 原文 典藏 |
24:2 | 巴蘭gia̍h頭,看tio̍h以色列人照支族tòa,上帝ê靈就臨到伊。 | 註釋 串珠 康來昌 原文 典藏 |
24:3 | 伊to̍h提起伊ê歌,講:比珥ê kiáⁿ巴蘭講:目chiu 合teh ê人講, | 註釋 串珠 康來昌 原文 典藏 |
24:4 | 聽見上帝ê話,看見全能ê ê異象,目chiu thí開倒teh ê人講: | 註釋 串珠 康來昌 原文 典藏 |
24:5 | 雅各ah,你ê布棚ná ē hiah súi! 以色列ah,你ê帳房ná ē hiah好看! | 註釋 串珠 康來昌 字典 原文 典藏 |
24:6 | 親像相連續ê山谷,親像河邊ê園,親像上主所知ê沉香樹, 親像水邊ê柏香樹。 | 註釋 串珠 康來昌 字典 原文 典藏 |
24:7 | 水會對伊ê桶流出,種籽beh掖tī真chē水ê所在,伊ê王會pôaⁿ過亞甲,伊ê國會興起。 | 註釋 串珠 康來昌 原文 典藏 |
24:8 | 上帝chhōa伊出埃及,伊親像有野牛ê力;伊ē吞食對敵ê國,at斷in ê骨頭;用箭kā in射到thàng過。 | 註釋 串珠 康來昌 字典 原文 典藏 |
24:9 | 伊撐腳,koh倒teh親像公ê獅,mā親像母ê獅;啥人敢惹tio̍h伊?見若祝福你ê,願伊受祝福,見若咒詛你ê,願伊受咒詛。 | 註釋 串珠 康來昌 字典 原文 典藏 |
24:10 | 巴勒大受氣巴蘭,就搭手;巴勒koh kā巴蘭講:「我叫你來咒詛我ê對敵,你竟然硬硬beh kā in祝福,到三pái。 | 註釋 串珠 康來昌 原文 典藏 |
24:11 | Taⁿ你走去本所在,我本來想beh hō͘你得tio̍h大尊貴,m̄ koh,上主阻擋,hō͘你無得tio̍h尊貴。」 | 註釋 串珠 康來昌 原文 典藏 |
24:12 | 巴蘭對巴勒講:「我kám無對你所差來到我hia ê使者講: | 註釋 串珠 康來昌 原文 典藏 |
24:13 | 『巴勒to̍h是kā伊滿厝ê金銀hō͘我,我mā bē tàng pôaⁿ過上主ê命令,憑kakī ê心來做好做pháiⁿ;上主所講ê,我to̍h照ánne講。』」 | 註釋 串珠 康來昌 字典 原文 典藏 |
24:14 | 巴蘭最後ê預言巴蘭對巴勒講:「你看,taⁿ我beh tńg去本族;你來,我kā你講,chiahê人民日後ē án怎款待你ê人民。」 | 註釋 串珠 康來昌 原文 典藏 |
24:15 | 伊to̍h提起伊ê歌,講:比珥ê kiáⁿ巴蘭講:目chiu 合teh ê人講; | 註釋 串珠 康來昌 原文 典藏 |
24:16 | 聽見上帝ê話,得tio̍h知至koân ·ê ê智識,看見全能ê ê異象, 目chiu thí開,倒teh ê人講: | 註釋 串珠 康來昌 原文 典藏 |
24:17 | 我看伊,總是,無tī現時,我觀看伊,總是,m̄是近近;有一粒星beh tùi雅各出,有一个權柄,beh tùi以色列興起,beh phah破摩押ê邊角,毀壞擾亂ê人。 | 註釋 串珠 康來昌 字典 原文 典藏 |
24:18 | 以東beh做產業,西珥mā beh hō͘伊ê對敵做產業,以色列beh做tāichì勇敢。 | 註釋 串珠 康來昌 原文 典藏 |
24:19 | 有一位掌權ê beh tùi雅各出, 伊beh剿滅城中所留落來ê。 | 註釋 串珠 康來昌 原文 典藏 |
24:20 | 伊koh看tio̍h亞瑪力,就提起伊ê歌,講:亞瑪力原本做chiahê國ê頭,總是,伊ê結局ē永遠滅亡。 | 註釋 串珠 康來昌 原文 典藏 |
24:21 | 伊koh看基尼人,就提起伊ê歌,講:你tòa ê所在是堅固, 你做巢tī山巖。 | 註釋 串珠 康來昌 原文 典藏 |
24:22 | 總是,基尼ē致到衰微,直到hō͘亞述kā你掠去。 | 註釋 串珠 康來昌 原文 典藏 |
24:23 | 伊koh提起歌,講: Ai-ah,上帝行chitê tāichì ê時,啥人ē得tio̍h活? | 註釋 串珠 康來昌 原文 典藏 |
24:24 | ē有船tùi基提hia來,苦毒亞述,苦毒希伯;伊mā ē永遠滅亡。 | 註釋 串珠 康來昌 字典 原文 典藏 |
24:25 | 巴蘭to̍h起來,tńg去伊本所在;巴勒mā照ánne行伊ê路。 | 註釋 串珠 康來昌 字典 原文 典藏 |