章節 | 全民台語聖經漢羅經文 | 註釋 |
5:1 | 警告好額人Taⁿ lín chiahê好額人tio̍h注意聽,lín ê災難teh beh到à,lín tio̍h悲傷啼哭! | |
5:2 | Lín ê錢財已經敗壞,lín ê衫褲mā hō͘蛀蟲蛀破去。 | |
5:3 | Lín ê金銀生sian,hiahê sian會成做kā lín攻擊 ê證據,beh親像火燒滅lín ê身軀。Lín tī chitê末世kantaⁿ知影積聚財寶。 | |
5:4 | Lín khek虧hiahê tī lín ê田園teh收割ê人,無hō͘ in工錢。In出聲teh kā lín控告!萬軍ê主已經有聽tio̍h chiahê哀怨ê聲。 | |
5:5 | Lín tī地chiūⁿ享受奢華宴樂,kā kakī 飼kah肥chut-chut, teh thèng候受屠殺ê日子。 | |
5:6 | Lín kā hiahê義人定罪,koh kā inthâi死,in mā無kā lín抵抗。 | |
5:7 | 忍耐kah祈禱兄弟姊妹,所以,lín tio̍h繼續忍耐到主ê再臨。Lín看,作穡人án怎teh thèng候田裡寶貝ê收成,án怎耐心teh thèng候秋霖春雨。 | |
5:8 | Lín mā tio̍h繼續忍耐,堅固lín ê信心,因為主再臨ê日子teh beh到à。 | |
5:9 | 兄弟姊妹,m̄ thang互相怨妒,chiah免受上帝審判;lín看,審判者已經khiā tī門口à。 | |
5:10 | 兄弟姊妹,lín tio̍h用hiahê奉主ê名來講話ê先知做lín忍受苦難ê模樣。 | |
5:11 | 咱kā hiahê忍耐到底ê人看做有福氣。Lín bat聽過約伯ê忍耐,mā知主到尾án怎kā伊照顧,因為主有滿腹ê慈悲kah憐憫。 | |
5:12 | 結尾ê教示我ê兄弟姊妹,siōng要緊ê是:M̄-thang kí天á是地á是啥物物件來chiùchōa。「是」to̍h講「是」:「M̄是」to̍h講「M̄是」,ánne chiah免受上帝審判。 | |
5:13 | Lín中間有人受苦無?若有,伊tio̍h祈禱;lín中間有人歡喜無?若有,伊tio̍h吟oló ê詩歌。 | |
5:14 | Lín中間有人破病無?若有,伊tio̍h請教會ê長老來替伊祈禱,奉主ê名kā伊抹油。 | |
5:15 | 有信心ê祈禱ē救破病ê人,主ē hō͘伊khiā起來;伊若有罪,mā ē得tio̍h赦免。 | |
5:16 | Lín tio̍h互相認罪,相替祈禱,thang得tio̍h醫好。義人ê祈禱有真大ê功效。 | |
5:17 | 以利亞kah咱平平是人。伊迫切祈禱,懇求上帝m̄ thang落雨,果然地chiūⁿ有三年半無落雨。 | |
5:18 | 伊koh祈禱,天果然落大雨,地to̍h出產五穀。 | |
5:19 | 親愛ê兄弟姊妹,lín中間若有人偏離真理,tio̍h有人koh kā伊chhōa倒tńg來。 | |
5:20 | Lín tio̍h知,hō͘一个失迷ê人倒tńg來ê人,ē救hitê罪人ê靈魂脫離死亡,koh hō͘真chē罪得tio̍h赦免。 |