章節 | 全民台語聖經漢羅經文 | 註釋 |
3:1 | 保羅對外邦人傳福音因為ánne,我保羅,為tio̍h lín外邦人做基督耶穌ê囚犯,替lín對上帝祈求。 | 註釋 串珠 原文 典藏 |
3:2 | Lín一定bat聽過上帝為tio̍h lín ê緣故,賞賜恩典hō͘我chitê職務。 | 註釋 串珠 原文 典藏 |
3:3 | 上帝對我啟示,hō͘我知祂ê奧祕,我已經有簡略寫chitê tāichì; | 註釋 串珠 原文 典藏 |
3:4 | lín讀了to̍h ē明白我對基督奧祕ê了解。 | 註釋 串珠 原文 典藏 |
3:5 | Tī過去ê世代,無人知chitê奧祕,chitmá上帝已經通過聖神,對神聖ê使徒kah先知啟示。 | 註釋 串珠 原文 典藏 |
3:6 | Chitê奧秘to̍h是:外邦人通過基督耶穌ê福音,ē tàng kah偤太人仝款享受上帝ê祝福,kah in合做一體,做伙承受上帝ê應允。 | 註釋 串珠 原文 典藏 |
3:7 | 上帝賞賜我特別ê恩典,通過祂ê大權能,hō͘我成做傳福音ê奴僕。 | 註釋 串珠 原文 典藏 |
3:8 | 我是眾信徒中間siōng微細ê,竟然得tio̍h chitê恩典,thang kā基督算bē了ê豐盛福音傳hō͘外邦人。 | 註釋 串珠 原文 典藏 |
3:9 | Án-ne,thang hō͘眾人明白上帝是án怎實現祂ê奧祕;創造宇宙ê上帝tī過去ê世代,有kā chitê奧祕隱密起來。 | 註釋 串珠 原文 典藏 |
3:10 | Taⁿ上帝beh tī現今ê世代,通過教會,hō͘天界ê執政者kah掌權者lóng知祂ta̍k項ê智慧。 | 註釋 串珠 原文 典藏 |
3:11 | 上帝照祂永遠ê旨意,已經通過咱ê主基督耶穌來實現。 | 註釋 串珠 原文 典藏 |
3:12 | 咱kah基督結聯,信靠祂,to̍h thang充滿信心來kah上帝親近。 | 註釋 串珠 原文 典藏 |
3:13 | 所以,求lín m̄ thang因為我為tio̍h lín受苦來艱苦心,其實這是lín ê光榮。 | 註釋 串珠 原文 典藏 |
3:14 | 基督ê疼因為ánne,我跪落tī天父ê面前, | 註釋 串珠 原文 典藏 |
3:15 | 祂是天頂地chiūⁿ每一个家族ê起源。 | 註釋 串珠 原文 典藏 |
3:16 | 我對上帝祈求,照祂豐盛ê榮光,通過聖神賜lín氣力,hō͘ lín心內ê活命勇壯起來。 | 註釋 串珠 原文 典藏 |
3:17 | 我mā求基督,tùi lín ê信來tòa tī lín ê心內,hō͘ lín ê疼心ē tàng釘根來落實, | 註釋 串珠 原文 典藏 |
3:18 | hō͘ lín ē tàng得tio̍h氣力,koh hō͘ lín kah上帝所有ê子民lóng明白基督ê疼是gōa-ni̍h長、闊、高、深。 | 註釋 串珠 原文 典藏 |
3:19 | 願lín ē tàng體驗基督hit款超越智識所ē tàng理解ê疼,hō͘上帝ê完善kā lín完全充滿。 | 註釋 串珠 原文 典藏 |
3:20 | 上帝ē tàng tī咱中間運行祂ê大權能來成就一切,大大超過咱所求kah所想ê。 | 註釋 串珠 原文 典藏 |
3:21 | 願榮耀tī教會中,通過基督耶穌歸hō͘上帝,一直到萬世代,代代無盡。阿們! | 註釋 串珠 原文 典藏 |