章節 | 全民台語聖經漢羅經文 | 註釋 |
14:1 | Tī基督內面互相接納信心軟chiáⁿ ê人,lín tio̍h kā伊接納,m̄ thang kah伊辯論有爭議ê tāichì。 | 註釋 串珠 樹狀圖 原文 典藏 |
14:2 | 有人信ta̍k項lóng thang食;m̄ koh信心軟chiáⁿ ê人kantaⁿ食菜蔬。 | 註釋 串珠 樹狀圖 原文 典藏 |
14:3 | Ta̍k項食ê人m̄ thang看輕無ta̍k項食ê人,無ta̍k項食ê人mā m̄ thang批判ta̍k項食ê人,因為上帝已經有接納伊。 | 註釋 串珠 樹狀圖 原文 典藏 |
14:4 | 你算啥物,ná ē teh批判別人ê差用?In khiā在á是跋倒,in ê主人ē kā in關心。In會khiā在,因為主ē kā in幫贊。 | 註釋 串珠 樹狀圖 原文 典藏 |
14:5 | 有人看chit日比別日khah重要;有人看ta̍k日lóng相siāng重要。Ta̍k人心內tio̍h有kakī ê見解。 | 註釋 串珠 樹狀圖 原文 典藏 |
14:6 | 守特別日子ê人是為tio̍h主來守,ta̍k項lóng食ê人mā是為tio̍h主來食,因為伊感謝上帝。無ta̍k項食ê人mā是為tio̍h主來無食,伊mā仝款感謝上帝。 | 註釋 串珠 樹狀圖 原文 典藏 |
14:7 | 咱無人kantaⁿ為tio̍h kakī teh活,mā無人kantaⁿ為tio̍h kakī 來死。 | 註釋 串珠 樹狀圖 原文 典藏 |
14:8 | 咱活是為tio̍h主teh活,死mā是為tio̍h主來死,所以,咱無論是活á是死,lóng是屬主ê人。 | 註釋 串珠 樹狀圖 原文 典藏 |
14:9 | 為tio̍h chitê目的,基督有死mā有koh活,thang同時做活人kah死人ê主。 | 註釋 串珠 樹狀圖 原文 典藏 |
14:10 | 既然是ánne,你ná ē批判你ê兄弟?Ná會看輕你ê兄弟?因為咱lóng tio̍h khiā tī上帝審判席ê頭前。 | 註釋 串珠 樹狀圖 字典 原文 典藏 |
14:11 | 經典有記載:主講:「我是永活ê上帝,所有ê腳頭u lóngē kā我跪拜,所有ê嘴lóng ē宣布承認我是上帝。(註:賽45:23) | 註釋 串珠 樹狀圖 原文 典藏 |
14:12 | Án-ne,咱ta̍k人tio̍h kā kakī ê tāichì tī上帝ê面前說明清楚。 | 註釋 串珠 樹狀圖 原文 典藏 |
14:13 | M̄-thang hō͘信徒ê信仰跋倒所以,咱m̄ thang koh互相批評,tio̍h決心m̄ thang hō͘兄弟跋倒á是犯罪。 | 註釋 串珠 樹狀圖 原文 典藏 |
14:14 | 主耶穌hō͘我確信,ta̍k項物本身lóng清氣;獨獨人若掠啥物做無清氣,hit項物對hitê人來講to̍h無清氣。 | 註釋 串珠 樹狀圖 原文 典藏 |
14:15 | 你若為tio̍h食物ê tāichì,hō͘你ê兄弟心肝艱苦,你ê行為to̍h m̄是出tī疼心。你m̄ thang為tio̍h kakī ê食物來敗壞基督有替伊死ê人。 | 註釋 串珠 樹狀圖 原文 典藏 |
14:16 | 所以,m̄ thang hō͘ lín看做好ê tāichì,成做hō͘人譭謗ê原因。 | 註釋 串珠 樹狀圖 原文 典藏 |
14:17 | 因為上帝國度kah lim食無關係,是kah聖神所賞賜ê公義、和平以及喜樂有關係。 | 註釋 串珠 樹狀圖 原文 典藏 |
14:18 | 照ánne來服事基督ê人ē hō͘上帝歡喜,mā ē hō͘人oló。 | 註釋 串珠 樹狀圖 原文 典藏 |
14:19 | 所以,咱tio̍h 追求和平kah互相造就ê tāichì。 | 註釋 串珠 樹狀圖 原文 典藏 |
14:20 | M̄-thang為tio̍h食物來毀壞上帝ê工作。Ta̍k項食物lóng清氣,m̄ koh,人若因為食物hō͘人ê信仰跋倒,ánneto̍h m̄好。 | 註釋 串珠 樹狀圖 原文 典藏 |
14:21 | Siōng好是無食肉,無lim酒,mā無做hō͘兄弟信仰跋倒ê tāichì。 | 註釋 串珠 樹狀圖 字典 原文 典藏 |
14:22 | 你tio̍h tī上帝ê面前持守kakī ê信仰。做kakī 看做tio̍h ê tāichì,koh無罪惡感ê人,實在有福氣。 | 註釋 串珠 樹狀圖 原文 典藏 |
14:23 | M̄ koh,心內有憢疑來食ê人ē受定罪,因為in m̄是出tī信心;m̄是出tī信心來做ê lóng是罪。 | 註釋 串珠 樹狀圖 原文 典藏 |