| 章節 | 全民台語聖經漢羅經文 | 註釋 |
| 13:1 | 服從政府Ta̍k人lóng tio̍h屈服政府ê權柄，因為權柄lóng是tùi上帝來ê；掌權者ê權柄lóng是上帝設立ê。 | 註釋 串珠 樹狀圖 原文 典藏 |
| 13:2 | 所以，反抗權柄是違背上帝ê誡命，違背ê人ē受審判。 | 註釋 串珠 樹狀圖 原文 典藏 |
| 13:3 | 你若做好，to̍h m̄免驚掌權者；只有做pháiⁿ ê人chiah tio̍h驚in。你ài做一个m̄驚掌權者ê人á無？若ài，tio̍h做好，你to̍h ē得tio̍h褒獎； | 註釋 串珠 樹狀圖 原文 典藏 |
| 13:4 | 因為伊是上帝ê差用，beh hō͘你得tio̍h利益。M̄ koh，你若做pháiⁿ，to̍h會驚伊。伊帶劍m̄是無目的，伊是上帝ê差用，是申冤者，beh hō͘ pháiⁿ人tú tio̍h刑罰。 | 註釋 串珠 樹狀圖 字典 原文 典藏 |
| 13:5 | 所以，lín tio̍h服從掌權者，m̄ nā為tio̍h驚上帝受氣，mā是為tio̍h良心ê緣故。 | 註釋 串珠 樹狀圖 原文 典藏 |
| 13:6 | 因為ánne，lín mā teh納稅，因為in是上帝ê差用，為tio̍h祂teh執行chitê職務。 | 註釋 串珠 樹狀圖 原文 典藏 |
| 13:7 | Tio̍h對眾人盡lín ê義務；lín欠人ê tio̍h還清；應該納ê稅tio̍h納；應該驚畏ê tio̍h驚畏；應該尊敬ê tio̍h尊敬。 | 註釋 串珠 樹狀圖 原文 典藏 |
| 13:8 | 疼心成全律法除了互相相疼是欠人ê債以外，m̄ thang欠人ê債；對別人有疼心，就已經完成律法ê要求。 | 註釋 串珠 樹狀圖 原文 典藏 |
| 13:9 | 律法ê要求是：M̄-thang姦淫，m̄ thangthâi人，m̄ thang偷the̍h，m̄ thang貪心。（註：出20：13-15,17；申5：17-19,21) Chiahê kah其他ê要求lóng包含tī 「Tio̍h疼厝邊親像疼kakī 」（註：利19：18)chit句話內底。 | 註釋 串珠 樹狀圖 原文 典藏 |
| 13:10 | 疼厝邊ê人bē做傷害別人ê tāichì，所以，疼是成全律法。 | 註釋 串珠 樹狀圖 原文 典藏 |
| 13:11 | 上帝國度近lohLín tio̍h ánne做以外，tio̍h ē記得chitmá是覺醒ê時chūn，因為chitmá咱比tútú成做信徒ê時koh khah接近上帝ê拯救。 | 註釋 串珠 樹狀圖 原文 典藏 |
| 13:12 | 烏暗暝teh beh過去，天teh beh光ā，所以，咱tio̍h脫離烏暗ê行為，穿光明ê武裝。 | 註釋 串珠 樹狀圖 原文 典藏 |
| 13:13 | 咱ê行為tio̍h端正，親像生活tī日光中。M̄-thang放縱、酒醉；m̄ thang好色、放蕩；m̄ thang相爭、怨妒。 | 註釋 串珠 樹狀圖 字典 原文 典藏 |
| 13:14 | Tio̍h用主耶穌基督來裝備kakī ，m̄ thang為tio̍h滿足私慾，來圖謀肉體ê tāichì。 | 註釋 串珠 樹狀圖 原文 典藏 |