章節 | 全民台語聖經漢羅經文 | 註釋 |
11:1 | 以色列人kah上帝ê信實Án-ne,我beh問lín:上帝kám有棄sak祂ê子民?絕對無!因為我mā是以色列人,是亞伯拉罕ê kiáⁿ孫,屬便雅憫支族。 | 註釋 串珠 樹狀圖 原文 典藏 |
11:2 | 上帝m̄ bat放sak祂早to̍h揀選ê子民。Lín kám m̄知經典有記載關係以利亞對上帝控告以色列人ê tāichì? | 註釋 串珠 樹狀圖 原文 典藏 |
11:3 | 伊講:主ah,inthâi死祢ê先知,拆毀祢ê祭壇,只有chhun我tī ·leh,in mā teh siàu想我ê性命。(註:王上19:10,14) | 註釋 串珠 樹狀圖 字典 原文 典藏 |
11:4 | 總是,上帝án怎應答?祂ánne講:我有為tio̍h kakī 留七千個m̄ bat跪拜巴力ê人。(註:王上19:18) | 註釋 串珠 樹狀圖 原文 典藏 |
11:5 | Chit-má mā是ánne;上帝有留一kóa用恩典揀選ê人。 | 註釋 串珠 樹狀圖 原文 典藏 |
11:6 | 既然是上帝ê恩典,to̍h m̄是照人ê行為;恩典若是照人ê行為,hitê恩典to̍h m̄是叫做恩典。 | 註釋 串珠 樹狀圖 原文 典藏 |
11:7 | Án-ne,結局án怎?以色列人無得tio̍h in teh追求ê,只有上帝揀選ê一kóa人有得tio̍h,其他ê人心硬m̄聽。 | 註釋 串珠 樹狀圖 原文 典藏 |
11:8 | 照經典所記載:上帝hō͘ in ê心神麻痺,目chiu 無看見,耳孔無聽見,一直到今á日。(註:申29:4;賽29:10) | 註釋 串珠 樹狀圖 原文 典藏 |
11:9 | 大衛mā講:Tio̍h hō͘ in ê宴ē變成in ê陷坑、羅網,hō͘ in跋倒,來做in ê報應。 | 註釋 串珠 樹狀圖 字典 原文 典藏 |
11:10 | Tio̍h hō͘ in ê目chiu 花,bē tàng看見。Tio̍h hō͘ in ê尻脊骿永遠曲痀。(註:詩69:22-23) | 註釋 串珠 樹狀圖 原文 典藏 |
11:11 | Án-ne,我beh問:以色列人跋倒,kám lóng peh bē起來?絕對會!因為in ê犯罪,拯救soah臨到外邦人,顛倒會激起in ê嫉妒。 | 註釋 串珠 樹狀圖 原文 典藏 |
11:12 | 以色列人ê犯罪ē hō͘世間人得tio̍h豐盛ê祝福,in ê衰退mā ē hō͘外邦人得tio̍h富足。Án-ne,若是所有ê以色列人lóng歸向上帝,hitê祝福kám m̄是ē koh khah大! | 註釋 串珠 樹狀圖 原文 典藏 |
11:13 | 上帝拯救外邦人我是對lín外邦人teh講話,因為我是外邦人ê使徒,我對我ê宣教職份感覺真光榮。 | 註釋 串珠 樹狀圖 原文 典藏 |
11:14 | Kiám-chhái我ē激起我ê同胞ê嫉妒,thang救in中間ê一kóa人。 | 註釋 串珠 樹狀圖 原文 典藏 |
11:15 | 以色列人ê受棄sak若ē hō͘世間人kah上帝和好,ánne,in koh受接納ê時,kám m̄是親像tùi死koh活? | 註釋 串珠 樹狀圖 原文 典藏 |
11:16 | 頭一塊麵粉粞若聖別獻hō͘上帝,kui-sn̂g麵粉mā lóng ē聖潔;樹根若聖別獻hō͘上帝,連樹枝mā lóng ē聖潔。 | 註釋 串珠 樹狀圖 原文 典藏 |
11:17 | Lín雖然是野生ê橄欖樹ê樹枝,若接枝tī受栽培ê橄欖樹,來代替一kóa at斷ê,to̍h ē tàng tùi仝hit欉樹根分享豐富ê營養分。 | 註釋 串珠 樹狀圖 字典 原文 典藏 |
11:18 | 所以,lín m̄ thang對hiahê at斷ê樹枝誇口,想講lín比in khah好。Lín若beh誇口,tio̍h ē記得,是lín óa靠樹根teh活,m̄是樹根óa靠lín teh活。 | 註釋 串珠 樹狀圖 原文 典藏 |
11:19 | 你kiámchháiē講:「樹枝剪起來,是為tio̍h beh hō͘我ē tàng接落去。」 | 註釋 串珠 樹狀圖 原文 典藏 |
11:20 | 無m̄ tio̍h,因為in m̄信chiah hō͘人剪起來,lín是因為有信chiah khiāē tiâu。 M̄ koh, lín m̄ thang驕傲,顛倒tio̍h驚惶。 | 註釋 串珠 樹狀圖 原文 典藏 |
11:21 | 因為上帝若無kā自然生出來ê樹枝留落來,可能mā無一定ē kā lín留落來。 | 註釋 串珠 樹狀圖 原文 典藏 |
11:22 | Án-ne,咱tio̍h知上帝是慈愛koh嚴格,對墮落ê人真嚴格,m̄ koh,lín若繼續óa靠祂ê慈愛,祂to̍h ē對lín慈愛;若無,祂mā ē kā lín剪起來。 | 註釋 串珠 樹狀圖 原文 典藏 |
11:23 | Hiahê受剪ê以色列人若無koh固執m̄信,mā ēkoh hông接倒tńg去原來hit欉樹,因為上帝有權能kā in接倒tńg去。 | 註釋 串珠 樹狀圖 原文 典藏 |
11:24 | Lín chiahê tùi野生橄欖樹剪起來ê樹枝都ē tàng接tī無仝本性受栽培ê橄欖樹,何況是hiahê原來ê樹枝,kám bē koh khah好接倒tńg去? | 註釋 串珠 樹狀圖 字典 原文 典藏 |
11:25 | 上帝憐憫全人類兄弟姊妹,我ài lín知chitê奧祕,免得lín kakī 掠做有智慧。Chitê奧秘to̍h是:一部分ê以色列人暫時硬心,thèng候到外邦人全部歸主為止; | 註釋 串珠 樹狀圖 原文 典藏 |
11:26 | ánne,所有ê以色列人lóngē得救。照記載:救主ē tùi錫安出來,kā雅各ê不義除去。 | 註釋 串珠 樹狀圖 原文 典藏 |
11:27 | Hit時,我ē赦免in ê罪,這是我kah in所立ê約。(註:賽59:20-21;27:9;耶31:33-34) | 註釋 串珠 樹狀圖 原文 典藏 |
11:28 | Tùi福音ê觀點來看,因為lín有接受,in卻拒絕,所以,in成做上帝ê對敵;tùi受揀選ê觀點來看,因為上帝帶念對in祖先ê應允,所以,in成做上帝所疼ê人。 | 註釋 串珠 樹狀圖 原文 典藏 |
11:29 | 因為上帝ê恩賜kah揀選bē改變。 | 註釋 串珠 樹狀圖 原文 典藏 |
11:30 | Lín外邦人過去無順服上帝,m̄ koh,chitmá卻因為以色列人無順服,lín chiah得tio̍h上帝ê憐憫。 | 註釋 串珠 樹狀圖 原文 典藏 |
11:31 | 親像ánne,因為lín有得tio̍h憐憫,以色列人chitmá無順服上帝,是為tio̍h beh hō͘ in mā得tio̍h憐憫。 | 註釋 串珠 樹狀圖 原文 典藏 |
11:32 | 上帝放所有ê人lóng tī無順服ê狀態,是為tio̍h beh憐憫所有ê人。 | 註釋 串珠 樹狀圖 原文 典藏 |
11:33 | 歸榮光hō͘上帝上帝ê智慧非常深沉,智識非常豐富!祂ê判斷oh得推測,祂ê道路oh得chhōe ·tio̍h! | 註釋 串珠 樹狀圖 字典 原文 典藏 |
11:34 | 啥人知主ê心意?啥人ē tàng替祂出主意?(註:賽43:13) | 註釋 串珠 樹狀圖 原文 典藏 |
11:35 | 啥人bat送禮物hō͘上帝來得tio̍h報答?(註:伯41:11) | 註釋 串珠 樹狀圖 原文 典藏 |
11:36 | 因為萬物lóng是tùi祂hia來,koh óa靠祂,為tio̍h祂來活。願祂得tio̍h榮光,直到永遠。阿們! | 註釋 串珠 樹狀圖 原文 典藏 |