章節 | 全民台語聖經漢羅經文 | 註釋 |
8:1 | 聖神Tháu放咱ê生活若是ánne,hiahê kah基督耶穌結聯ê人to̍h bē受定罪。 | 註釋 串珠 樹狀圖 原文 典藏 |
8:2 | 因為通過基督耶穌賜活命ê聖神ê法則,已經tháu放我脫離罪kah死ê法則。 | 註釋 串珠 樹狀圖 原文 典藏 |
8:3 | 因為人性ê軟弱,律法做bē到ê,上帝有做成。上帝為tio̍h beh救人類脫離罪kah死ê法則,祂hō͘ kakī ê Kiáⁿ採取kah咱仝款有罪ê本性,用祂ê肉體來審判人類肉體ê罪,kā罪除去。 | 註釋 串珠 樹狀圖 原文 典藏 |
8:4 | 上帝ánne做是beh hō͘律法ê要求ē tàng實現tī咱chiahê無koh照肉體,是照聖神ê引chhōa teh生活ê人。 | 註釋 串珠 樹狀圖 原文 典藏 |
8:5 | 因為順服肉體本性ê人,意向肉體ê tāichì;順服聖神ê人,意向聖神ê tāichì。 | 註釋 串珠 樹狀圖 原文 典藏 |
8:6 | 意向肉體ê結果是死,意向聖神ê結果是活命kah平安。 | 註釋 串珠 樹狀圖 原文 典藏 |
8:7 | Án-ne,意向肉體是kah上帝對敵;因為無順服上帝ê律法,其實mā無法度順服。 | 註釋 串珠 樹狀圖 原文 典藏 |
8:8 | 順服肉體本性ê人,bē tàng hō͘上帝歡喜。 | 註釋 串珠 樹狀圖 原文 典藏 |
8:9 | 既然上帝ê聖神有tiàm tī lín內面,lín to̍hm̄是屬肉體本性,是屬聖神。人若無基督ê聖神,to̍h無屬tī基督。 | 註釋 串珠 樹狀圖 原文 典藏 |
8:10 | 基督若tiàm tī lín內面,雖然lín ê身軀因為罪死,聖神ē hō͘ lín iáu koh活leh,因為lín已經kah上帝有四正ê關係。 | 註釋 串珠 樹狀圖 原文 典藏 |
8:11 | Hō͘耶穌tùi死人中koh活ê hit位ê聖神tiàm tī lín內面,to̍h是hō͘基督耶穌tùi死人中koh活ê hit位,ē通過tiàm tī lín內面ê聖神,hō͘ lín註定ē死ê身軀koh得tio̍h活命。 | 註釋 串珠 樹狀圖 原文 典藏 |
8:12 | Án-ne看起來,各位兄弟姊妹,咱m̄是欠肉體本性ê債致到tio̍h順服肉體ê本性來活。 | 註釋 串珠 樹狀圖 原文 典藏 |
8:13 | Lín若順服肉體ê罪性,lín一定ē死;lín若靠聖神除去肉體ê罪行,to̍h ē活。 | 註釋 串珠 樹狀圖 原文 典藏 |
8:14 | 所有hō͘上帝ê聖神引chhōa ê人lóng是上帝ê kiáⁿ兒。 | 註釋 串珠 樹狀圖 原文 典藏 |
8:15 | 因為lín tùi上帝領受ê聖神m̄是beh hō͘ lín koh tńg去做奴隸,koh再生活tī驚惶中;lín所領受ê聖神是beh hō͘ lín成做上帝ê kiáⁿ兒。就ánne,咱thang大聲呼叫:「阿爸,天父ah!」 | 註釋 串珠 樹狀圖 原文 典藏 |
8:16 | 聖神kakī kah咱ê靈做伙見證咱是上帝ê kiáⁿ兒。 | 註釋 串珠 樹狀圖 原文 典藏 |
8:17 | 既然做kiáⁿ兒,咱to̍h是祂ê後嗣。咱是上帝ê後嗣,koh kah基督同做後嗣。咱若kah耶穌同受苦,咱mā ē kah祂做伙領受榮光。 | 註釋 串珠 樹狀圖 原文 典藏 |
8:18 | 咱ê受苦kah Ǹg望我想,咱chit時ê艱苦kah teh beh對咱顯明ê榮光bē比得。 | 註釋 串珠 樹狀圖 原文 典藏 |
8:19 | 所有ê受造物lóng迫切teh thèng候上帝眾kiáⁿ兒ê顯現。 | 註釋 串珠 樹狀圖 原文 典藏 |
8:20 | 因為受造物bē tàng達到in受造ê目的,m̄是出tī in ê本意,是上帝ê旨意。M̄ koh,受造物iáu teh ǹg望, | 註釋 串珠 樹狀圖 原文 典藏 |
8:21 | to̍h是有一日in本身mā beh受tháu放來脫離ē敗壞ê拘束,thang kah上帝ê kiáⁿ兒享受榮光ê自由。 | 註釋 串珠 樹狀圖 原文 典藏 |
8:22 | 咱知,所有受造物chitmá iáu teh吐氣哀叫,ná親像teh經驗生產ê痛苦。 | 註釋 串珠 樹狀圖 原文 典藏 |
8:23 | M̄-nā受造物ánne,連咱chiahê得tio̍h聖神ê頭水果子ê人mā teh吐氣,teh thèng候上帝接納咱做祂ê kiáⁿ兒,hō͘咱kui 个人得tio̍h贖回。 | 註釋 串珠 樹狀圖 原文 典藏 |
8:24 | 因為咱得救是tùi chit款ê ǹg望。Ǹg望若看ētioh8to̍h m̄是ǹg望;看ētio̍h ê,ná tio̍h koh去ǹg望? | 註釋 串珠 樹狀圖 原文 典藏 |
8:25 | 咱若ǹg望hitê看bē tio̍h ê,to̍h ē忍耐thèng候。 | 註釋 串珠 樹狀圖 原文 典藏 |
8:26 | 聖神mā親像ánne,tī咱軟chiáⁿ ê時kā咱扶持。咱m̄知應該tio̍h án怎祈禱chiah好,獨獨聖神kakī 用人ê話bē tàng表達ê吐氣teh替咱祈求。 | 註釋 串珠 樹狀圖 原文 典藏 |
8:27 | 鑒察人ê心ê上帝知聖神ê意思,因為聖神是照上帝ê意思來替信徒祈求。 | 註釋 串珠 樹狀圖 原文 典藏 |
8:28 | 咱知,上帝hō͘ hiahê疼祂ê人,to̍h是照祂kakī ê旨意選召ê,kah祂同工,hō͘萬事對in lóng有利益。 | 註釋 串珠 樹狀圖 原文 典藏 |
8:29 | 因為上帝tāi先揀選ê人,mā tāi先定tio̍h hō͘ in kah祂ê Kiáⁿ ê形像相仝,thang hō͘祂ê Kiáⁿ tī chē-chē兄弟中做大kiáⁿ。 | 註釋 串珠 樹狀圖 原文 典藏 |
8:30 | Hiahê預先定tio̍h ê人,上帝mā kā in揀召;已經揀召ê,祂mā kā in認定做義人;祂所認定做義人ê,祂mā hō͘ in 得tio̍h榮光。 | 註釋 串珠 樹狀圖 原文 典藏 |
8:31 | 上帝ê疼Taⁿ講到chia,咱beh koh講啥物?上帝若為咱,啥人ē tàng kah咱做對敵? | 註釋 串珠 樹狀圖 原文 典藏 |
8:32 | 上帝既然無惜kakī ê Kiáⁿ,hō͘祂為tio̍h咱眾人犧牲,祂kám bē kā萬物mā白白賜hō͘咱? | 註釋 串珠 樹狀圖 原文 典藏 |
8:33 | 啥人ē tàng控告上帝ê選民?宣告in做義人ê是上帝。 | 註釋 串珠 樹狀圖 原文 典藏 |
8:34 | 若ánne,啥人ē tàng kā in定罪?M̄是基督耶穌。祂已經死,上帝hō͘祂tùi死人中koh活起來,taⁿ坐tī上帝ê正pêng teh替咱祈求。 | 註釋 串珠 樹狀圖 原文 典藏 |
8:35 | 啥人ē tàng切斷基督對咱ê疼?Kám是患難?Kám是困苦?Kám是迫害?Kám是iau餓?Kám是thǹgpaktheh?Kám是危險,á是hō͘利刀thâi死? | 註釋 串珠 樹狀圖 字典 原文 典藏 |
8:36 | 照經典所記載:為tio̍h祢ê緣故,阮kui日面對死亡ê威脅。阮hō͘人看做teh beh hō͘人thâi ê羊。」(註:詩44:22) | 註釋 串珠 樹狀圖 字典 原文 典藏 |
8:37 | Lóng m̄是;tī chiahê所有ê tāichì,咱óa靠疼咱ê上帝,已經得tio̍h完全ê勝利。 | 註釋 串珠 樹狀圖 原文 典藏 |
8:38 | 因為我確信,無論是死,á是活;是天使,á是天頂掌權ê;是現今ê,á是將來ê,á是有權能ê; | 註釋 串珠 樹狀圖 原文 典藏 |
8:39 | 是天頂,á是地chiūⁿ,á是任何受造物,lóng bē tàng切斷上帝通過主基督耶穌對咱ê疼! | 註釋 串珠 樹狀圖 原文 典藏 |