章節 | 全民台語聖經漢羅經文 | 註釋 |
6:1 | 咱tī基督內面ê生活Án-ne,咱tio̍h án怎講?咱kám thang繼續tī罪惡中生活,來hō͘恩典koh khah加添? | 註釋 串珠 樹狀圖 原文 典藏 |
6:2 | 絕對m̄ thang!咱已經kah罪惡斷絕關係,kám thang繼續tī罪惡中生活? | 註釋 串珠 樹狀圖 原文 典藏 |
6:3 | Lín kám m̄知咱lóng有領受洗禮來kah基督耶穌結合,to̍h是領受洗禮來kah祂做伙死? | 註釋 串珠 樹狀圖 原文 典藏 |
6:4 | 通過洗禮,咱kah基督同齊死,同齊受埋葬;ná親像基督通過天父榮光ê權能tùi死koh活,咱mā ē tàng過新ê生活。 | 註釋 串珠 樹狀圖 原文 典藏 |
6:5 | 咱既然kah基督成做一體來體驗死,咱一定mā ē kah祂結聯成做一體來koh活。 | 註釋 串珠 樹狀圖 原文 典藏 |
6:6 | 咱知,咱舊ê自我已經kah基督做伙釘十字架,是beh hō͘咱在來受罪束縛ê hitê自我毀滅,hō͘咱無koh做罪ê奴隸。 | 註釋 串珠 樹狀圖 字典 原文 典藏 |
6:7 | 因為人一旦死去,to̍h tùi罪得tio̍h tháu放。 | 註釋 串珠 樹狀圖 原文 典藏 |
6:8 | 咱既然kah基督做伙死,相信咱mā ē kah祂做伙koh活。 | 註釋 串珠 樹狀圖 原文 典藏 |
6:9 | 咱知基督已經tùi死koh活,祂bē koh死,死無koh kā祂管轄。 | 註釋 串珠 樹狀圖 原文 典藏 |
6:10 | 因為基督死一pai2to̍h kah罪完全斷絕關係;祂chitmá活leh,是為tio̍h上帝teh活。 | 註釋 串珠 樹狀圖 原文 典藏 |
6:11 | Án-ne,lín mā tio̍h看kakī 已經kah罪斷絕關係,chitmá kah基督耶穌結聯,為tio̍h上帝teh活。 | 註釋 串珠 樹狀圖 原文 典藏 |
6:12 | 所以,m̄ thang koh kāē死ê身軀交hō͘罪支配,去順服肉體ê慾望。 | 註釋 串珠 樹狀圖 原文 典藏 |
6:13 | Mā m̄ thang kā身軀ê肢體,交hō͘罪去做不義ê工具,顛倒tio̍h做一个tùi死koh活ê人,kā身軀獻hō͘上帝,kā身軀ê各肢體,獻hō͘上帝做義ê工具。 | 註釋 串珠 樹狀圖 原文 典藏 |
6:14 | M̄-thang hō͘罪kā lín支配,因為lín m̄是活tī律法下面,是活tī恩典下面。 | 註釋 串珠 樹狀圖 原文 典藏 |
6:15 | 罪得tio̍h赦免Án-ne,咱既然m̄是活tī律法下面,是tī恩典下面,to̍h thang犯罪,是無?絕對m̄是! | 註釋 串珠 樹狀圖 原文 典藏 |
6:16 | Lín kám m̄知,lín若kā kakī 交hō͘某一人做奴隸來順服伊,lín to̍h是hitê人ê奴隸?Án-ne講起來,lín是beh做罪ê奴隸來行入死亡,á是beh做上帝ê奴僕來順服祂,結果kah祂有和好ê關係? | 註釋 串珠 樹狀圖 原文 典藏 |
6:17 | 感謝上帝!Lín雖然bat做罪ê奴隸,chitmá lín已經全心順服hitê傳授hō͘ lín做規範ê教示。 | 註釋 串珠 樹狀圖 原文 典藏 |
6:18 | Lín已經tùi罪得tio̍h tháu放,來成做義ê奴隸。 | 註釋 串珠 樹狀圖 原文 典藏 |
6:19 | 我恐驚lín bē了解,所以,用一般人ē tàng了解ê話kā lín說明。Lín以前kā身軀完全交hō͘污穢kah不法做奴隸,致使不法ê tāichì jú來jú加添。Chit-má lín tio̍h kā身軀完全獻hō͘義做聖潔ê路用。 | 註釋 串珠 樹狀圖 原文 典藏 |
6:20 | Lín做罪惡ê奴隸ê時chūn,lín無受義ê束縛。 | 註釋 串珠 樹狀圖 原文 典藏 |
6:21 | Hit時,lín做chitmá看做見笑ê tāichì,結果án怎?結局是死! | 註釋 串珠 樹狀圖 原文 典藏 |
6:22 | Taⁿ lín已經tùi罪得tio̍h tháu放,成做上帝ê奴僕,結果是成做聖潔,結局是永遠ê活命。 | 註釋 串珠 樹狀圖 原文 典藏 |
6:23 | 因為罪ê代價是死;m̄ koh,上帝通過主基督耶穌,白白賜hō͘咱ê恩典是永遠ê活命。 | 註釋 串珠 樹狀圖 原文 典藏 |