章節 | 全民台語聖經漢羅經文 | 註釋 |
6:1 | 設立七个執事Hit時,門徒加添真chē,有講希臘話ê偤太人對希伯來人出怨言,因為tī日常生活ê配給,無顧tio̍h in ê寡婦。 | 註釋 串珠 原文 典藏 |
6:2 | 十二使徒召集眾門徒來,對in講:「阮kā上帝ê道理放下teh,來辦理日常生活ê配給,並無適合。 | 註釋 串珠 字典 原文 典藏 |
6:3 | 所以,兄弟姊妹,tio̍h tùi lín中間揀選七个有好名聲、受聖神充滿koh有智慧ê人,阮thang設立in來管理chitê tāichì。 | 註釋 串珠 原文 典藏 |
6:4 | 阮beh專心tī祈禱kah傳福音ê工作。」 | 註釋 串珠 原文 典藏 |
6:5 | 眾人歡喜使徒ê提議,to̍h揀選司提反,伊是充滿信心kah聖神ê人,koh揀選腓力、伯羅哥羅、尼迦挪、提門、巴米拿,kah bat入偤太教ê安提阿人尼哥拉。 | 註釋 串珠 原文 典藏 |
6:6 | In hō͘ chit七个人khiā tī使徒ê面前,使徒to̍h為tio̍h in祈禱,kā in hōaⁿ手,來設立in做執事。 | 註釋 串珠 原文 典藏 |
6:7 | 上帝ê道理ná來ná興旺。Tī耶路撒冷,門徒ê人數加添真chē,koh有真chē祭司來信福音ê道理。 | 註釋 串珠 原文 典藏 |
6:8 | 司提反受掠司提反充滿恩典kah才能,tī民眾ê中間行大ê奇事kah神跡。 | 註釋 串珠 原文 典藏 |
6:9 | Hit時,有一kóa人起來kah司提反辯論,in是tùi古利奈kah亞力山大來ê偤太人,in是屬「自由人」會堂ê會員;以及tùi 基利家 kah亞西亞省來ê人。 | 註釋 串珠 字典 原文 典藏 |
6:10 | 聖神賜司提反智慧來講話,hō͘ in無法度辯駁。 | 註釋 串珠 原文 典藏 |
6:11 | In就使弄人出來講:「阮bat聽tio̍h伊講譭謗摩西kah褻瀆上帝ê話。」 | 註釋 串珠 原文 典藏 |
6:12 | In koh煽動民眾、長老kah經學教師,衝去掠司提反,kā伊交hō͘議會。 | 註釋 串珠 原文 典藏 |
6:13 | In叫一kóa假證人來,講:「Chitê人講話不時teh攻擊chitê聖殿kah摩西ê律法。 | 註釋 串珠 字典 原文 典藏 |
6:14 | 因為阮bat聽tio̍h伊講:『Chitê拿撒勒人耶穌beh毀壞chitê聖殿,koh beh改變摩西傳hō͘咱ê規例。』」 | 註釋 串珠 原文 典藏 |
6:15 | Hit時,坐tī議會中ê人lóng掠司提反金金看,看tio̍h伊ê面ná親像天使ê面。 | 註釋 串珠 原文 典藏 |