版本選擇 有地理sitephoto 查字典 本章地圖 影像 [ 條列 | 表格 | 整段 ] 繁 簡 語態 度量衡 其他 閱讀計畫

新版上一章 下一章    查詢或移至： 說明

使徒行傳 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 粵語和合本 希臘文(WH-NT) 下載檔案 關於語音聖經

章節全民台語聖經漢羅經文註釋
2:1

五旬節聖神降臨

五旬節到，信徒lóng聚集tī一个所在。		註釋 串珠 原文 典藏
2:2忽然間有聲tùi天頂來，親像teh透大風，充滿in teh坐ê kui間厝。註釋 串珠 原文 典藏
2:3Koh有親像分開ê火舌對in出現，歇tī ta̍k人ê頂面。註釋 串珠 原文 典藏
2:4In lóng受聖神充滿，照聖神賞賜hō͘ in ê恩賜，開嘴講無仝ê語言。註釋 串珠 原文 典藏
2:5Hit時，有一kóa虔誠ê偤太人，tùi世界ta̍k國tńg來，tòa tī耶路撒冷。註釋 串珠 原文 典藏
2:6群眾聽tio̍h chitê聲to̍h lóng聚集óa來，因為ta̍k人聽tio̍h信徒照in kakī 本地ê話來對in講話，soah起tio̍h驚。註釋 串珠 原文 典藏
2:7In tio̍h驚kah gāng去，講：「你看，chiahê teh講話ê人kám m̄是lóng是加利利人？註釋 串珠 原文 典藏
2:8咱ná ē lóng聽tio̍h in照咱大家出世to̍h teh講ê語言teh講話？註釋 串珠 原文 典藏
2:9咱中間有Pa-thò͘-suh人、Mê-toh人、以攔人，kah tiàm tī米所波大米、偤太kah Ge-bah-to-kiah、Pong-to͘ kah亞西亞、註釋 串珠 原文 典藏
2:10Hu-lú-gia̍h kah旁非利亞、埃及kah近óa古利奈ê利比亞chiahê所在ê人，以及tùi羅馬來ê出外人，註釋 串珠 原文 典藏
2:11其中有ê是偤太人，有ê是改宗入偤太教ê人，mā有革哩底人、阿拉伯人。咱lóng聽tio̍h in用咱ê語言teh講上帝所做偉大ê tāichì。」註釋 串珠 原文 典藏
2:12大家tio̍h驚koh起憢疑，問來問去，講：「這是啥物tāichì？」註釋 串珠 原文 典藏
2:13Mā有人恥笑in講：「In是lim新酒teh醉。」註釋 串珠 字典 原文 典藏
2:14

彼得ê五旬節講道

總是，彼得kah十一个使徒khiā起來，大聲對in講：「偤太人kah所有tòa tī耶路撒冷ê人，lín tio̍h知chitê tāichì，mā tio̍h注意聽我ê話。		註釋 串珠 原文 典藏
2:15Chiahê人m̄是lín所講teh酒醉，因為chitmá chiah早起時九點。註釋 串珠 原文 典藏
2:16其實這是先知約珥所講ê：註釋 串珠 原文 典藏
2:17上帝講：Tī終末ê時日，我beh用我ê聖神降落去hō͘世間人。Lín ê後生，lín ê chabó͘ kiáⁿē講預言，lín ê少年人ē看tio̍h異象， lín ê老人ē得tio̍h託夢。註釋 串珠 原文 典藏
2:18Koh tī hiahê日，我mā beh kā我ê聖神降落去hō͘我ê奴僕kah女婢；in mā ē講預言。註釋 串珠 原文 典藏
2:19我tī天頂顯出奇事，tī地chiūⁿ我beh顯示神跡，有血、火kah煙霧。註釋 串珠 原文 典藏
2:20Tī主大koh榮耀ê日降臨進前，日頭ē變做暗，月ē變做ná血hiahni̍h紅。註釋 串珠 原文 典藏
2:21Hit時，所有求叫主ê名ê人lóngē得救。」(註：珥2：28-32)註釋 串珠 原文 典藏
2:22「以色列人，lín tio̍h聽我ê話：照lín所知，上帝通過拿撒勒人耶穌，tī lín中間顯示祂ê權能、奇事kah神跡，來對lín證明祂是上帝所設立ê。註釋 串珠 原文 典藏
2:23上帝照祂定tio̍h ê旨意kah預定ê計畫，kā祂交hō͘ lín。Lín借用不法ê人ê手，kā祂釘十字架，kā祂害死。註釋 串珠 原文 典藏
2:24總是，上帝tháu-放祂死亡ê痛苦，hō͘祂koh活，因為死亡bē tàng kā祂控制。註釋 串珠 原文 典藏
2:25關係耶穌ê tāichì，大衛有講：我看見主tiāⁿ-tiāⁿ tī我ê面前；祂tiàm tī我ê正pêng，hō͘我bē搖動。註釋 串珠 原文 典藏
2:26所以，我ê心歡喜，我ê舌快樂，koh我ê肉體mā ētī ǹg望中安然過日。註釋 串珠 原文 典藏
2:27因為祢bē kā我ê靈魂放sak tī陰間，mā bē hō͘祢神聖ê奴僕朽爛。註釋 串珠 原文 典藏
2:28祢已經指示我活命ê路。Hō͘我tī祢ê面前滿心快樂。」(註：詩16：8-11)註釋 串珠 字典 原文 典藏
2:29「兄弟姊妹，關係先祖大衛ê tāichì，我ē tàng好膽對lín講，伊已經死koh埋葬，伊ê墓到今á日iáu tī咱chia。註釋 串珠 字典 原文 典藏
2:30伊是先知，koh知上帝bat kah伊chiùchōa，應允beh tī伊ê kiáⁿ孫中設立一个人做王，來坐祂ê寶座。註釋 串珠 字典 原文 典藏
2:31大衛有先看出chitê tāichì，所以，關係基督ê koh活，伊有講：祂無受放sak tī陰間，祂ê肉體mā無朽爛去。(註：詩16：10)註釋 串珠 原文 典藏
2:32Chitê耶穌，上帝有hō͘祂koh活，阮chiahê人lóng做祂ê見證人。註釋 串珠 原文 典藏
2:33祂已經受高升到上帝ê正pêng，koh tùi天父領受所應允ê聖神。祂chitmá kā chitê聖神piàⁿ落來hō͘阮，to̍h是lín chitmá所看tio̍h，所聽tio̍h ê。註釋 串珠 原文 典藏
2:34大衛m̄ bat上天，m̄ koh伊講：上帝對我ê主講：祢坐我ê大pêng，註釋 串珠 原文 典藏
2:35到我hō͘祢ê對敵做祢ê腳踏。(註：詩110：1)註釋 串珠 字典 原文 典藏
2:36「所以，以色列全家lóng tio̍h確實知，chitê lín kā祂釘十字架ê耶穌，上帝已經設立祂做主，做基督à。」註釋 串珠 字典 原文 典藏
2:37眾人聽tio̍h chiahê話，lóng真感動，對彼得kah其他ê使徒講：「兄弟，阮tio̍h án怎做？」註釋 串珠 原文 典藏
2:38彼得kā in講：「Lín tio̍h悔改，ta̍k人lóng tio̍h奉耶穌基督ê名領受洗禮，hō͘ lín ê罪得tio̍h赦免，lín to̍hē tàng領受上帝賞賜ê聖神。註釋 串珠 原文 典藏
2:39因為chitê應允是beh hō͘ lín kah lín ê kiáⁿ孫，以及所有tī遠遠ê人，to̍h是咱ê上帝呼召來歸向祂ê人。」註釋 串珠 原文 典藏
2:40彼得koh另外用真chē話出力見證，來苦勸in講：「Lín tio̍h救kakī 脫離chitê邪惡ê世代。」註釋 串珠 原文 典藏
2:41就ánne，接納伊ê話ê人lóng領受洗禮，hit日信徒大約加添三千人。註釋 串珠 原文 典藏
2:42

信徒ê團契生活

In專心領受使徒ê教示，參與信徒團契生活，領受聖餐，祈禱。		註釋 串珠 字典 原文 典藏
2:43使徒koh行真chē奇事神跡，引起眾人起敬畏ê心。註釋 串珠 原文 典藏
2:44信徒lóng聚集tī一个所在，所有ê物lóng公家用。註釋 串珠 原文 典藏
2:45In koh賣家產kah家業，照ta̍k人所需要ê分hō͘ in。註釋 串珠 原文 典藏
2:46In ta̍k日tī聖殿內同心合意聚會，mā去家家戶戶舉行聖餐peh餅，用歡喜誠實ê心做伙lim食，oló上帝，註釋 串珠 字典 原文 典藏
2:47koh得tio̍h眾人歡喜接納。主hō͘得救ê人日日加添。註釋 串珠 原文 典藏

上一章 下一章    查詢或移至： 說明

[ 條列 | 表格 | 整段 ] 繁 簡 語態 重新查詢 影像 本章地圖 度量衡 其他
和合本和合本2010現代中文譯本1995版現代中文譯本2019版新譯本中文標準譯本恢復本思高譯本呂振中譯本NET聖經中譯本聖經公會四福音書共同譯本深文理和合本新遺詔聖經原文直譯(參考用)ESVKJVBBEWEBASVDarbyERV新約原文現代台語2021版漢字現代台語2021版全羅聖經公會巴克禮台漢本現代台語2013版全羅現代台語2013版漢字紅皮聖經全羅紅皮聖經漢羅巴克禮全羅巴克禮漢羅聖經公會現代客語全羅聖經公會現代客語漢字汕頭客語聖經全民台語聖經全羅全民台語聖經漢羅全民台語聖經Ruby印尼聖經越南聖經俄文聖經韓文聖經日語聖經聖經公會布農語聖經卑南語多納魯凱語馬可福音茂林魯凱語馬可福音萬山魯凱語馬可福音聖經公會泰雅爾語聖經聖經公會鄒語聖經聖經公會魯凱語聖經賽德克族Tgdaya語聖經公會阿美語1997聖經公會阿美語2019聖經公會太魯閣語聖經聖經公會達悟語新約聖經藏語聖經武加大譯本新武加大譯本官話和合本北京官話譯本文理和合本淺文理和合本王元德官話譯本俄羅斯正教文理譯本白日昇徐約翰文理譯本神天聖書文理委辦譯本施約瑟淺文理譯本馬殊曼譯本高德譯本胡德邁譯本粦為仁譯本徐匯官話新譯福音王多默聖史宗徒行實蕭舜華官話四人小組譯本聖保祿書翰並數位宗徒涵牘德如瑟四史聖經譯註郭實臘新遺詔書和舊遺詔聖書宗徒大事錄和新經譯義馬相伯救世福音俄羅斯正教新遺詔聖經卜士傑新經公函與默示錄太平天國文理譯本許彬文四史全編


各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。