章節 | 全民台語聖經漢羅經文 | 註釋 |
17:1 | 論罪、信心、服事(太18:6-7,21-22;可9:42)耶穌koh對門徒講:「引起人犯罪ê tāichì是難免;總是,hō͘ hitê tāichì發生ê人有災禍! | 註釋 串珠 原文 典藏 |
17:2 | 寧可用大石磨吊tòa伊ê頷頸,kā伊hiat落海,mā m̄ thang hō͘至微細ê一个犯罪。 | 註釋 串珠 字典 原文 典藏 |
17:3 | Lín kakī mā tio̍h謹慎!Lín ê兄弟若犯罪,tio̍h kā伊責備。伊若悔改,tio̍h kā伊赦免。 | 註釋 串珠 原文 典藏 |
17:4 | 若你ê兄弟一日得罪你七pái,伊koh七pái lóng有倒tńg來kā你講:『我悔改à。』你mā lóng tio̍h kā伊赦免。」 | 註釋 串珠 原文 典藏 |
17:5 | 使徒kā主講:「求祢加添阮ê信心。」 | 註釋 串珠 原文 典藏 |
17:6 | 主應講:「Lín若有親像一粒芥菜籽hiah大ê信心,to̍h是命令chit欉桑材樹講:『拔你ê根去栽tī海裡』,hit欉樹mā ē順服lín。 | 註釋 串珠 字典 原文 典藏 |
17:7 | 「Lín中間若有奴僕tùi作穡á是顧羊tńg來ê時,lín kámē kā伊講:『緊坐落來食飯。』? | 註釋 串珠 字典 原文 典藏 |
17:8 | 你kám ē顛倒kā伊講:『準備hō͘我食飯,縖圍su裙來服事我。Thèng候我lim食soah,你chiah thang lim食。』? | 註釋 串珠 原文 典藏 |
17:9 | 奴僕做主人所吩咐ê tāichì,主人kám tio̍h kā伊說謝? | 註釋 串珠 原文 典藏 |
17:10 | Lín mā親像ánne,lín做完受交帶ê tāichì,tio̍h講:『阮是無路用ê奴僕,kantaⁿ7盡本份去做niā-niā。』」 | 註釋 串珠 原文 典藏 |
17:11 | 醫好十個癩ko病人耶穌去耶路撒冷ê時,tùi撒馬利亞kah加利利省ê交界經過。 | 註釋 串珠 原文 典藏 |
17:12 | 祂入去一个庄頭ê時,tú tio̍h十個癩ko病人。In khiā tòa遠遠ê所在, | 註釋 串珠 原文 典藏 |
17:13 | 大聲hoah:「耶穌,老師,憐憫阮!」 | 註釋 串珠 原文 典藏 |
17:14 | 耶穌一下看tio̍h,to̍h kā in講:「Lín本身去hō͘祭司驗。」In去ê時,tī路中to̍h得tio̍h清氣。 | 註釋 串珠 原文 典藏 |
17:15 | 其中一个人看tio̍h kakī ê病已經好,to̍h倒tńg來大聲oló上帝, | 註釋 串珠 原文 典藏 |
17:16 | 仆tòa耶穌ê腳前kā祂感謝,chitê人是撒瑪利亞人。 | 註釋 串珠 原文 典藏 |
17:17 | 耶穌問講:「Kám m̄是十個人lóng得tio̍h清氣?其他九個人tī tó位? | 註釋 串珠 原文 典藏 |
17:18 | Chitê外族ê人以外,kám無別人倒tńg來感謝上帝?」 | 註釋 串珠 原文 典藏 |
17:19 | 耶穌to̍h kā hitê人講:「起來,做你tńg去,你ê信心hō͘你得tio̍h醫好à。」 | 註釋 串珠 原文 典藏 |
17:20 | 上帝國度ê來臨(太24:23-28,37-41)有一kóa法利賽派ê人問耶穌上帝國度tang時會臨到。耶穌應講:「上帝國度ê臨到m̄是人看ē出來。 | 註釋 串珠 原文 典藏 |
17:21 | Mā無人ē tàng講:『Tī chia』á是『Tī hia』,因為上帝國度是tī lín ê中間。」 | 註釋 串珠 原文 典藏 |
17:22 | 耶穌to̍h對門徒講:「時日teh beh到,lín真ài看tio̍h人子來臨ê hit日,lín mā看bē tio̍h。 | 註釋 串珠 原文 典藏 |
17:23 | 若有人kā lín講:『你看,tī hia!你看,tī chia!』,lín m̄ thang出去,mā m̄ thang tòe in去。 | 註釋 串珠 原文 典藏 |
17:24 | 因為人子來臨ê日子ná親像sihnà,tùi天chit pêng teh爍,光照到天ê hit-pêng。 | 註釋 串珠 原文 典藏 |
17:25 | 總是,祂一定tio̍h tāi先受真chē ê艱苦,mā hō͘ chit世代ê人棄sak。 | 註釋 串珠 原文 典藏 |
17:26 | 人子來臨ê日子kah挪亞ê時日仝款。 | 註釋 串珠 原文 典藏 |
17:27 | Hit時,人照常teh lim食,teh嫁娶。到挪亞入去大船ê日,大水一下到,眾人lóng淹死了了。 | 註釋 串珠 字典 原文 典藏 |
17:28 | Mā kah羅得ê時日仝款,人照常teh lim食、買賣、種作、起厝。 | 註釋 串珠 原文 典藏 |
17:29 | M̄ koh,羅得出所多瑪hit日,tùi天有降落火kah硫磺,kā in消滅kah無半人。 | 註釋 串珠 原文 典藏 |
17:30 | 人子出現ê日mā ē親像ánne。 | 註釋 串珠 原文 典藏 |
17:31 | 「Hit日,tú tī厝頂ê人m̄ thang落來the̍h厝內ê物件;tú tī園裡ê人mā m̄ thang tńg去厝裡。 | 註釋 串珠 字典 原文 典藏 |
17:32 | Lín tio̍h ē記得羅得ê bó͘所tú ·tio̍h ê tāichì。 | 註釋 串珠 原文 典藏 |
17:33 | 想beh保全kakī 性命ê人ē喪失性命,所有喪失性命ê人ē保全伊ê性命。 | 註釋 串珠 原文 典藏 |
17:34 | 我kā lín講,hit暝兩 个人睏仝頂床,一个ē hō͘人chhōa去,一个會留teh; | 註釋 串珠 字典 原文 典藏 |
17:35 | 兩 个婦人人同齊teh挨石磨,一个ē hō͘人chhōa去,一个會留teh; | 註釋 串珠 原文 典藏 |
17:36 | 有兩 个人tī田裡teh作穡,一个ē hō͘人接去,一个會留teh。」(註:原版本無chit節,有ê抄本加chit節) | 註釋 串珠 原文 典藏 |
17:37 | 門徒問耶穌講:「主ah,這ē tī啥物所在發生?」耶穌應講:「有屍體ê所在,鷹鳥to̍h ē聚集去tī hia。」 | 註釋 串珠 字典 原文 典藏 |