章節 | 全民台語聖經漢羅經文 | 註釋 |
5:1 | 耶穌Tháu放邪神附身ê人(太8:28-34;路8:26-39)耶穌kah門徒過去加利利湖ê對面岸,來到Gê-la̍h-sam人ê地區。 | 註釋 串珠 康來昌 異文 原文 典藏 |
5:2 | 耶穌一下落船,隨時tú tio̍h一个hō͘邪神附身ê人tùi墓á埔出來。 | 註釋 串珠 康來昌 字典 原文 典藏 |
5:3 | Chitê人lóng tòa tī墓á埔,人用鐵鏈都縛伊bē tiâu。 | 註釋 串珠 康來昌 字典 原文 典藏 |
5:4 | 因為人tiāⁿ-tiāⁿ 用腳鐐手銬kah鐵鏈kā伊縛,m̄ koh,鐵鏈lóng hō͘伊chhoah斷,腳鐐手銬mā hō͘伊摃碎。無人有氣力thang kā伊制服。 | 註釋 串珠 康來昌 字典 原文 典藏 |
5:5 | Chitê人暝日tī墓á埔á是山裡亂嚷,koh用石頭傷害kakī 。 | 註釋 串珠 康來昌 字典 原文 典藏 |
5:6 | 伊tùi遠遠看tio̍h耶穌,to̍h走來仆tòa耶穌ê面前, | 註釋 串珠 康來昌 原文 典藏 |
5:7 | 大聲hoah:「至koân上帝ê Kiáⁿ耶穌,祢何必來干涉我?我kí上帝ê名來懇求祢,m̄ thang kā我責罰。」 | 註釋 串珠 康來昌 原文 典藏 |
5:8 | 伊ánne講是因為耶穌bat對伊講:「邪神,tio̍h tùi hitê人出去!」 | 註釋 串珠 康來昌 原文 典藏 |
5:9 | 耶穌問伊講:「你號做啥物名?」Hitê人應講:「我ê名叫做『軍團』,因為阮是kui大陣ê鬼。」 | 註釋 串珠 康來昌 原文 典藏 |
5:10 | 邪神就迫切求耶穌m̄ thang趕in離開hitê地區。 | 註釋 串珠 康來昌 原文 典藏 |
5:11 | Hit時,tī山坪有一陣豬teh討食。 | 註釋 串珠 康來昌 字典 原文 典藏 |
5:12 | 邪神to̍h求耶穌講:「Hō͘阮去hiahê豬群,hō͘阮thang入去in內面。」 | 註釋 串珠 康來昌 字典 原文 典藏 |
5:13 | 耶穌允准in去。Hiahê邪神to̍h對hitê人出來,入去hiahê豬群。差不多二千隻ê豬群走落山坪chông落去湖裡,hō͘湖水淹死。 | 註釋 串珠 康來昌 字典 原文 典藏 |
5:14 | 顧豬ê人to̍h走去kā城內kah庄頭ê人講。眾人to̍h出來看到底是啥物tāichì。 | 註釋 串珠 康來昌 原文 典藏 |
5:15 | In來到耶穌hia,看tio̍h hitê hō͘邪神附身,to̍h是hō͘『軍團』所纏ê人tī hia teh坐,衫穿kah好勢好勢,老神在在。群眾to̍h起大驚。 | 註釋 串珠 康來昌 原文 典藏 |
5:16 | 看tio̍h ê人kā hō͘邪神附身ê人所tú ·tio̍h ê kah kui陣豬ê tāichì lóng講hō͘眾人聽。 | 註釋 串珠 康來昌 字典 原文 典藏 |
5:17 | In就懇求耶穌離開in ê地區。 | 註釋 串珠 康來昌 原文 典藏 |
5:18 | 耶穌teh beh上船ê時,hitê bat hō͘邪神附身ê人求耶穌准伊做伙去。 | 註釋 串珠 康來昌 字典 原文 典藏 |
5:19 | 耶穌m̄准,kā伊講:「Tńg去你ê厝chhōe你ê親人,kā主憐憫你,對你所做hiah大ê tāichì lóng報in知。」 | 註釋 串珠 康來昌 原文 典藏 |
5:20 | Hitê人to̍h去,tī Te-ka-po͘-lī宣揚耶穌對伊所做ê大tāichì。眾人lóng非常tio̍h驚。 | 註釋 串珠 康來昌 原文 典藏 |
5:21 | 耶穌醫好兩 个人(太9:18-26;路8:40-56)耶穌koh坐船過去hit-pêng岸。Kui大陣ê人聚集óa來tī湖邊ê耶穌hia。 | 註釋 串珠 康來昌 異文 字典 原文 典藏 |
5:22 | 有一个會堂ê主管名叫做崖魯ê人來,伊一下看tio̍h耶穌,to̍h仆tī祂ê腳前, | 註釋 串珠 康來昌 字典 原文 典藏 |
5:23 | 迫切懇求講:「我細漢ê chabó͘ kiáⁿ teh beh死à。求祢來kā她hōaⁿ手,hō͘她得tio̍h醫好,ē tàng koh活起來。」 | 註釋 串珠 康來昌 原文 典藏 |
5:24 | 耶穌kah伊去。Kui大陣ê人mā挨挨kheh-kheh tòe祂去。 | 註釋 串珠 康來昌 原文 典藏 |
5:25 | 有一个婦人人患tio̍h血漏病十二年à。 | 註釋 串珠 康來昌 原文 典藏 |
5:26 | 她有chhōe過真chē醫生治療,mā受tio̍h真chē痛苦,koh kā她所有ê錢開了了,m̄ koh,lóng無一絲á效果,顛倒ná傷重。 | 註釋 串珠 康來昌 原文 典藏 |
5:27 | 她聽tio̍h耶穌ê tāichì,就kheh入去群眾內面,óa去耶穌ê後壁來摸祂ê衫, | 註釋 串珠 康來昌 字典 原文 典藏 |
5:28 | 因為她想講,我kantaⁿ摸祂ê衫,病to̍h ē好去。 | 註釋 串珠 康來昌 字典 原文 典藏 |
5:29 | 她一下摸tio̍h耶穌ê衫,血漏隨時停止,mā感覺kakī ê病疼已經好去à。 | 註釋 串珠 康來昌 原文 典藏 |
5:30 | 耶穌隨時發覺有權能對祂發出,to̍h oa̍t-tńg身問群眾講:「啥人摸我ê衫?」 | 註釋 串珠 字典 原文 典藏 |
5:31 | 門徒kā祂講:「祢看,kui陣人teh kā祢挨kheh,ná ē問講:啥人有摸我?」 | 註釋 串珠 原文 典藏 |
5:32 | 耶穌四箍liàn-tńg看一下,ài beh chhōe做chitê tāichì ê婦人人。 | 註釋 串珠 原文 典藏 |
5:33 | Hitê婦人人知影kakī 身上所發生ê tāichì,驚kah phi̍h-phi̍h chhoah,to̍h來仆tòa耶穌ê腳前,所有ê lóng照實kā祂講。 | 註釋 串珠 原文 典藏 |
5:34 | 耶穌kā她講:「婦人人,你ê信心已經hō͘你ê病得tio̍h醫好。你thang平安tńg去,你ê病完全好去à。」 | 註釋 串珠 原文 典藏 |
5:35 | 耶穌iáu teh講ê時,有人tùi會堂主管ê厝來kā崖魯講:「你ê chabó͘ kiáⁿ已經死去à,ná tio̍h koh勞煩老師?」 | 註釋 串珠 康來昌 原文 典藏 |
5:36 | 耶穌無管in所講ê話,kā會堂ê主管講:「M̄免驚,只有tio̍h信。」 | 註釋 串珠 康來昌 異文 字典 原文 典藏 |
5:37 | 耶穌to̍h chhōa彼得、雅各,kah雅各ê兄弟約翰做伙去,m̄准別人tòe去。 | 註釋 串珠 康來昌 原文 典藏 |
5:38 | In來到會堂主管ê厝,耶穌看tio̍h場面lōng-lōng滾,mā有人teh啼哭大聲哮。 | 註釋 串珠 康來昌 字典 原文 典藏 |
5:39 | 耶穌入去,to̍h kā in講:「Lín ná ē hōa-hōa哮teh啼哭?Chitê gín-á無死,是teh睏niā-niā。」 | 註釋 串珠 康來昌 原文 典藏 |
5:40 | 眾人to̍h kā祂恥笑。M̄ koh,耶穌kā群眾趕出去,to̍h chhōa gín-á ê父母以及kah祂來ê門徒入去gín-á ê房間。 | 註釋 串珠 康來昌 原文 典藏 |
5:41 | 耶穌就牽gín-á ê手kā她講:「Tāi-lī-tāi-kó͘-bí。」意思to̍h是講:「Cha-bó͘ gín-á,我命令你,起來!」 | 註釋 串珠 康來昌 原文 典藏 |
5:42 | Cha-bó͘ gín-á隨時起來行,因為她已經十二歲à。眾人to̍h tio̍h驚kah gāng去。 | 註釋 串珠 康來昌 原文 典藏 |
5:43 | 耶穌嚴嚴警戒in m̄ thang hō͘人知chitê tāichì。祂to̍h吩咐,tio̍h hō͘ chabó͘ gín-á食物件。 | 註釋 串珠 康來昌 原文 典藏 |