章節 | 全民台語聖經漢羅經文 | 註釋 |
1:1 | 上主命令重建聖殿大利烏王二年六月初一,上主ê話託先知哈該,傳hō͘偤大ê總督撒拉鐵ê kiáⁿ—所羅巴伯,kah約薩答ê kiáⁿ—大祭司約書亞,講: | |
1:2 | 萬軍ê上主ê話ánne講:「Chitê人民講起上主殿ê時,hitê時iáu未到。」 | |
1:3 | Hit時,上主ê話託先知哈該,講: | |
1:4 | 「Chit間殿猶原荒廢,這kám是lín kakī tòa天花板ê厝ê時? | |
1:5 | Taⁿ萬軍ê上主ánne講:Lín tio̍h省察lín ê所行。 | |
1:6 | Lín掖種籽chē,收成少;lín食,mā bē飽;lim,mā bē止嘴乾;穿衫,mā bē燒;得tio̍h工錢ê,kā工錢hē tī破孔ê袋á。」 | |
1:7 | 萬軍ê上主ánne講:「Lín tio̍h省察lín ê所行。 | |
1:8 | Lín tio̍h上山取柴料,來起chitê殿,我to̍h ē因為ánne來歡喜,koh得tio̍h榮光。這是上主講ê。 | |
1:9 | 「Lín ǹg望得tio̍h chē,你看,顛倒得tio̍h少;lín帶到厝ê,我to̍hpun5 hō͘它無去。這是啥物緣故?是因為我ê殿荒廢,lín ta̍k人緊急kakī ê厝。這是萬軍ê上主講ê。 | |
1:10 | 所以,因為lín ê緣故,天to̍h無落露水,地mā無出它ê農產物。 | |
1:11 | 我hō͘炕旱臨到tī土地、tī山頭、tī五穀、tī新酒、tī油kah tī地chiūⁿ所出ê、tī人、tī chengseⁿ、tī人ê手勞苦得tio̍h ê。」 | |
1:12 | 人民聽thàn上主ê命令Hit時,撒拉鐵ê kiáⁿ 所羅巴伯,kah約薩答ê kiáⁿ大祭司約書亞,kah所chhun 落來ê人民,lóng遵thàn in ê上主ê聲,kah先知哈該奉上主—in ê上帝差派伊所講ê話;人民mā tī上主ê面前存驚畏ê心。 | |
1:13 | 上主ê使者哈該照上主所命令kā人民講:「上主講:我kah lín同在。」 | |
1:14 | 上主激動偤大ê總督撒拉鐵ê kiáⁿ所羅巴伯ê心,kah約薩答ê kiáⁿ大祭司約書亞ê心,kah chhun落來ê人民ê心,in to̍h來tī萬軍ê上主—in ê上帝ê殿做工。 | |
1:15 | 這是tī大利烏王二年六月二十四。 |