章節 | 全民台語聖經漢羅經文 | 註釋 |
7:1 | 草蜢ê現象至koân上主hō͘我看tio̍h一項:你看,kā王割草了後,草koh發起來;tú-á koh發ê時,祂hō͘草蜢出來。 | |
7:2 | 草蜢食完hitê境內青翠ê物,我to̍h講:「至koân上主ah,求祢赦免祢ê子民!雅各ná khiāē tiâu?因為伊是微細。」 | |
7:3 | 上主為tio̍h chitê tāichì後悔,上主koh講:「Chitê tāichì bē發生。」 | |
7:4 | 火ê現象至koân上主koh hō͘我看tio̍h一項;你看,至koân上主叫火來責罰,火燒全部ê深淵,mā ē吞食地。 | |
7:5 | 我to̍h講:「至koân上主ah,求祢停止;雅各ná khiāē tiâu?因為伊是微細。」 | |
7:6 | 上主為chitê tāichì後悔,至koân上主koh講:「Chitê tāichì mā bē發生。」 | |
7:7 | 準繩ê異象上主koh hō͘我看tio̍h一項;你看,有一chōa牆是照準繩(chîn)起ê,主khiā tī hit頂面,手the̍h準繩。 | |
7:8 | 上主對我講:「阿摩司,你有看tio̍h啥物?」我講:「看見準繩。」主講:「你看,我beh牽準繩tī我ê子民—以色列人中間,我無beh koh kā in諒情。 | |
7:9 | 以撒ê山頭壇會拋荒,以色列ê聖所會荒廢。我beh起來,用刀攻擊耶羅波安ê家。」 | |
7:10 | 阿摩司kah亞瑪謝當時,伯特利ê祭司—亞瑪謝,伊差人去以色列王耶羅波安hia,講:「阿摩司tī以色列族中間beh計謀攻擊你;chitê所在bē堪得伊講chiahê話。 | |
7:11 | 因為阿摩司ánne講:『耶羅波安ē hō͘刀thâi死,以色列人民絕對ē受掠離開本所在。』」 | |
7:12 | 亞瑪謝koh對阿摩司講:「你chitê先見,你去,tio̍h走去偤大地,tī hia thàn食,tī hia做先知。 | |
7:13 | 總是,m̄ thang koh tī伯特利講先知話;因為tī chia有王ê聖所,有王家ê宮殿。」 | |
7:14 | 阿摩司to̍h對亞瑪謝講:「我本來m̄是先知,mā m̄是先知ê kiáⁿ。我是飼chengseⁿ ê人,koh是teh治理桑材樹ê。 | |
7:15 | 我teh顧羊群ê時,上主揀召我,上主對我講:『你去,對我ê子民—以色列人宣布。』 | |
7:16 | Taⁿ你tio̍h聽上主ê話。你講:『M̄-thang宣布來攻擊以色列,m̄ thang講話來攻擊以撒ê家。』 | |
7:17 | 所以,上主ánne講:『你ê bó͘ē tī城內做娼妓,你ê kiáⁿ兒ē死tī刀下;你ê地,人ē用索量來分hō͘別人,你本身ē死tī污穢ê所在。以色列人民一定ē受掠離開本所在。』」 |