章節 | 全民台語聖經漢羅經文 | 註釋 |
4:1 | 陷落了後ê耶路撒冷Ai-ah,黃金退光!純金變色!聖所ê石hông hiat tī ta̍k條街路口。 | 註釋 串珠 字典 原文 典藏 |
4:2 | 錫安寶貴ê眾kiáⁿ thang比並純金,chitmá ná ē hông看做燒磁人所做ê磁器? | 註釋 串珠 字典 原文 典藏 |
4:3 | 野狗尚且用奶頭hō͘牠ê kiáⁿ suh;我ê人民ê chabó͘人顛倒變做殘忍,親像曠野ê鴕鳥。 | 註釋 串珠 字典 原文 典藏 |
4:4 | 食奶ê嬰á,伊ê舌乾燥,黏tī頂hâm;gín-á討餅,無人擘hō͘伊。 | 註釋 串珠 字典 原文 典藏 |
4:5 | 平常時食好物ê,taⁿ tī街路無依óa;平常時睏tī朱紅褥á,taⁿ倒tī糞埽堆。 | 註釋 串珠 字典 原文 典藏 |
4:6 | 我ê人民ê chabó͘ kiáⁿ ê罪過,比所多瑪ê罪惡khah重;她一目nih久to̍h倒壞,m̄是人ê手hō͘伊ánne。 | 註釋 串珠 原文 典藏 |
4:7 | 錫安ê世家平時比雪khah清氣,比奶khah白,in ê身軀比紅寶玉khah紅,親像藍寶石ê光滑。 | 註釋 串珠 原文 典藏 |
4:8 | Taⁿ in ê面比火炭khah烏,tī街路裡無人ē認得;in一層皮繃一層骨,乾去親像一支乾柴。 | 註釋 串珠 字典 原文 典藏 |
4:9 | Hō͘刀thâi死ê比餓死ê khah好,因為是欠缺田園ê農產物,漸漸餓死,親像刺鑿thàng過。 | 註釋 串珠 字典 原文 典藏 |
4:10 | 慈心ê chabó͘人tio̍h親手煮她ê kiáⁿ,我ê人民ê chabó͘ kiáⁿ tú tio̍h毀滅ê時,用chitê做米糧。 | 註釋 串珠 原文 典藏 |
4:11 | 上主發出祂全部ê受氣,piàⁿ出祂ê大受氣;起火tī錫安,燒她hiahê地基。 | 註釋 串珠 原文 典藏 |
4:12 | 地chiūⁿê君王kah tòa tī世間ê人民,lóng m̄信對敵kah仇敵會侵入耶路撒冷ê城門。 | 註釋 串珠 字典 原文 典藏 |
4:13 | 這是因為伊ê先知ê罪惡,伊ê祭司ê過失;in tī城內流人ê血。 | 註釋 串珠 原文 典藏 |
4:14 | In tī街路親像chheⁿmê ê亂亂行,koh hō͘血bak kah無清氣,致到人m̄敢摸in ê衫。 | 註釋 串珠 字典 原文 典藏 |
4:15 | 人kā in hoah講:無清氣ê,閃開!閃開!閃開!M̄-thang摸!In逃走四界流浪ê時,列邦中ê人講:M̄-thang hō͘伊iáu koh寄腳tī chia。 | 註釋 串珠 原文 典藏 |
4:16 | 上主受氣kā in趕,無koh kā in照顧;人無尊重祭司,mā無尊敬長老。 | 註釋 串珠 原文 典藏 |
4:17 | 阮iáu teh ǹg望幫贊,致使目chiu 花,猶原是空空;阮 tī瞭望ê所在,瞭望一个bē tàng救人ê國。 | 註釋 串珠 原文 典藏 |
4:18 | In親像phah獵ê teh jiok阮ê腳步,致使阮m̄敢行tī阮ê街路。阮ê終局teh beh到,阮ê日子已經滿à;因為阮ê終局到à。 | 註釋 串珠 字典 原文 典藏 |
4:19 | Jiok阮ê比空中ê鷹鳥khah緊;in tī山裡jiok阮,tī曠野埋伏當等阮。 | 註釋 串珠 字典 原文 典藏 |
4:20 | 上主所抹油ê,thang比並阮鼻孔內ê氣,tī in ê陷坑內hō͘人掠tio̍h;講tio̍h伊,阮bat講:阮beh tī伊ê致蔭下,活tī列國中。 | 註釋 串珠 原文 典藏 |
4:21 | Tòa tī烏斯地以東ê chabó͘ kiáⁿ,做你歡喜快樂;總是,苦杯mā beh phâng到你hia;你ēlim到醉,kakī thǹg光光。 | 註釋 串珠 字典 原文 典藏 |
4:22 | 錫安ê chabó͘ kiáⁿ,你ê罪過ê刑罰已經盡à。上主一定無hō͘你koh受掠;以東ê chabó͘ kiáⁿ,祂beh辦你ê罪過;祂beh顯明你ê罪惡。 | 註釋 串珠 原文 典藏 |